استفسار دفع رسوم الدراسه ؟؟؟

من باب تجربتكم انزين
شو سويتوا قبل القبول ؟
دفعتوا شي ؟؟

اخي الكريم مجموعة انسان انا طالب جاي من شهر 8 انجليزي وامس سأل مدير المعهد قلت متى الديو ديت للبي قالي انت بتقعد في امريكا ولا بتنزل السعوديه قلت له لا مش نازل قالي اخر يوم هو 3 يناير بس
بس هاذي اول مره اسمعها ترسل الفلوس قبل لاتدرس ولا سوو لك بليسمنت تست ولا عطوك بطاقة المعهد او الجامعه اي بعد لازم يسون لك اختبار يحددون لك اي ليفل تدرس لازم هاذي

أنا مثلا دراستي بدأت على حسابي الخاص .. الطريقة والتجربة الشخصية:
- ترسل شيك مصدق بإسم الملحقية عن طريق وزارة التعليم العالي لأن كل سعودي غير مسموح له الدفع بشكل شخصي, لابد أن يكون من خلال الملحقية حتى لو أنك غير مبتعث. غير كذا ما راح يصدقون أي شهادة أو دراسة لم يتم الإشراف عليها من الملحقية.
- أول ما توصل كندا ترسل إيميل للملحقية عشان يرسلون إعتماد مالي لمقر الدراسة وبالتالي تقوم الملحقية بالدفع نيابة عنك.
- بعد الإلحاق تكلم الملحقية (في أخت في التعويضات إسمها فروانة هي المسؤولة) وراح تطلب منك إشعار مشرفك الدراسي ومن ثم تقوم باللازم.
- إحتفظ بنسخة من خطاب تسليم الشيك للوزارة, صورة للشيك مع كعب الشيك, وبعدها الملحقية تحتاج قرار إلحاقك بالبعثة (إما تاخذه من الوزارة وترسله نسخة ضوئية , أو الوزارة أصلا راح ترسله بالبريد الدبلوماسي للمحقية بشكل روتيني)
- في هذه الحالة لا تعتبر العملية تعويض بل إسترداد رسوم الدراسة شرط أن تكون دراستك أو الفصل الذي تدرسه لم ينتهي قبل الإلحاق. غير كذا أي دراسة منفصلة قبل الإلحاق لا يتم تعويضها.
- يتم إسترداد المبلغ خلال 3-7 أيام عن طريق إرسال شيك بإسمك على بنك CIBC
- تقوم بإيداع الشيك في حسابك ولو كان حسابك في بنك أخر تاخذ عملية المقاصة أسبوع تقريبا.

تحياتي ...

يعني اللي عرفته من كلامكم
اني لازم ماادفعلهم الحين صح ؟
بس هم قالولي بعد دفعي لرسوم التسجيل
قالوا لازم ادفع الـ full payment ولا مابيكملون معاي الاجراءات

شو الحل ؟؟

اخوي LlP
انت درست فـ أي معهد ؟؟

الله يعين والله حاله
بس ربك يعين
ويوفق الجميع

نصيحه لا تدفعين ولا رياااال .

اول مره اسمع انك تدفعين قبل ما تسافرين...!!

وعلى فكره فيه ناس الحين شغلتهم صرقه في صرقه ويمكن اول ما ترسلين لهم الفلوس ما تلقين اي رد

مووفقه

اخوي جورج واشنطن
اذا السالفه سالفة صرقه فاللي اعرفه انه هاذي شغلة مكاتب القبول وعشان هالسبب انا تواصلت مع المعهد دايركت
وللأســف هذا كان ردهم .. يعني مايطمن

انا دفعت رسوم التسجيل وبعدين انتظرت 4 ايام لين ما خبروني النكست ستيب
>> مع انه الموضوع مايستاهل اني انتظر 4 ايام

والحين يبون المبلغ كامل الله يستر
مع انه اللي اعرفه عن هالمعهد انه فيه كثير طلبه يدرسون فيه
ف كيف بينصبون علينا !! >> مرات يراودني هالشي

الأخت Kawaii

المطلوب زيارة الوزارة حي الغدير بالرياض, وتقول لموظف إستعلامات المراجعين أبي أرسل أوراق للملحقية لأني بدرس على حسابي الخاص

طبعا ممكن تراسل الملحقية وتعرف إيش الأوراق المطلوبة بالضبط لأنه المفروض القبول إللي عندك مبدئي والقبول الرسمي لازم يكون عن طريق الملحقية بحيث نظاما تقوم الملحقية بالتقديم نيابة عنك مرة أخرى طلبا للقبول عن طريقها

أنا مثلا دخلت على شخص في الوزارة وقال لي الأوراق كلها ممكن ترسلها بنفسك بالبريد السريع أما الشيك فلابد أن يكون عن طريق الوزارة وياخذ رقم صادر وخطاب إرسال الشيك يتوقع من الفوزان وتاخذه إلى الإتصالات عشان يصدرونه. طبعا فيه نشخة من الخطاب للطالبز طبعا الشيك إللي دفعته رسوم سنة كاملة لأن دراستي عبارة عن سنة فقط بدون إنقطاع - درجة زمالة أكاديمية تكميلية

بهذه الطريقة الطالب يكون في أمان من أي عملية نصب أو مماطلة أو حتى لو غير رأيه ولا راح يدرس خلاص ممكن يطلب فقط إسترداد رسوم الدراسة

وقت وصلت أوراقي الملحقية أنا كنت بالسعودية وأتابع البريد بالنت وبعدها راسلت الملحقية لأني عرفت المشرف على دراستي وتم تأكيد وصول الأوراق

الملحقية عشان ترسل إعتماد مالي لمقر الدراسة تطلب من مقر الدراسة إرسال خطاب قبول الطالب

عن نفسي أرسلت لي الملحقية إيميل (سي سي) فيه خطاب الإعتماد المالي. وقتها معناها الملحقية تتكفل بتسجيلك كطالب على حسابك الخاص وتفتح ملف لك وتدفع رسوم الدراسة وإنت إلى الان ما سويت طلب إذن دراسة أو إلحاق من خلال موقع الملحقية

عند تحميل المستندات المطلوبة لطلب إذن دراسة خاصة على الموقع يشترط فقط خطاب القبول نفسه إللي معك من أول

ولكن عند تحميل المستندات لطلب إلحاق بالبعثة يشترط خطاب وصول ومباشرة أو بدء الدراسة. عن نفسي أرسلت فقط خطاب القبول لأني جيت قبل الدراسة بأسبوعين ومشى الحال ولا أحد دقق على الموضوع