تعبنا من الانتضار وباقي من الوقت لعـنـدك 18 يوم

November 24th, 2009, 03:41 AM

السلام عليكم ورحمة الله وبركاته ..

حياة طالب ينتضر يوم الجلسه:

تحت رحمة الوزاره وتحت قرار تأجيل جلسه 175 .. جميع طلاب هاذي الجلسه ينتضرون الجلسه بفارغ الصبــر

وكل ماطلعو من المعهد وركبو الباص يشوفون في الباص فوق مكتوب التاريخ واليوم والشهر .. ويجلس الطالب

يحسب كم باقي ويفكر يقول بيبتعثوني ولامايبتعثوني ناقصه ورده ومع مسلسل الهواجيس والتفاكير الي تودي وتجيب

الطالب فوت محطة الوقوف وهو لحد هاذي الحضه مازال الطالب مايدري انه فوت محطة التوقف وفجـأه الباص يكع

فرامل ويصفق وجه الطالب في المرتبه الي قدامه ويبدا يصحصح ويتلفت ويقول انا ويني فيه ؟؟؟ ينزل في محطة

الوقوف الجايه ويبدا مسلسل سيره على الاقدام ويجيه اتصال من طالب زيه على حسابه الخاص ويجلسون يسبون

في الوزاره وفي الاخير كل واحد يهونها على الثاني ويبدون في دعاء ربهم بتسيير الحال وتنتهي المكالمه ويكمل

الطالب مسيرة المشي على الاقدام وترجع له الهواجيس من جديد ويستمر في الدرعمه ويقطع الشارع بالغـلط

وأشارة المشأة حمرا ومايسمع الا بواري تصيحه من مره ثانيه من هواجيسه ويبدا في الركض ويقول في نفسه

(( بيقولون اني سكران لانهم متعودين مايسوي كذا الا السكران )) بعد ماتخيل هاذي الجمله الطالب قال في نفسه

ليت السكران درى عني ...!!!! ويكمل الطالب مسيرة المشي ويوصل لشقته او بيته العزيز .. ويدخل الشقه

ويبدا بأخذ تصبيره تتكون من برغر جبن بدون لحم .. ويقوم بفتح كمبيوتره ومايفتح الا صفحة نضام المبتعثين

كل شوي ييسوي بحث على رقم هويته يحسب ان فيه شي بيتغير ووصديقنا الطالب يدري ان الموضفين الحكومين

في الوزاره عندهم إجازه .. بعدها صديقنا الطالب يطلع برى شقته ويتجه لـ أقرب مطعم بجوار شقته العزيزه

فـ يلتهم وجبة العشا ويرجع لشقته العزيزه وهو يقول في نفسه (( هم لعبو علي اكلوني لحم خنزير ولا الوزاره ضمنتي ؟؟؟!!! ))

عند وصول صديقنا الطالب لشقته العزيزه .. يتهيى للنوم ولكن من وين يجيه النوم والحاله تحتاج لمزيد من الدراسه؟؟

وتاخذ به الهواجيس يمين ويسار وهو ماغير متسدح على السرير .. فـجأأأأأأأأأأأأأأأأأأأأأأأأأأأأأأأأأأأأأأأأأأأه


يصحى متأخر عن المعهدد ..








وبااااااااااقي من الوقت لعندك 18 يوم ..!!!





























يــاااااااااااااارب أفرررررررجها وسهـل امووووورنا وييسـرهااااااااا











تحيــه (( محمد ))

• نشر عبر تويتر
• نشر عبر فيسبوك
• نشر عبر جوجل