December 21st, 2009, 01:35 PM
السلام عليكم ورحمه الله وبركاته
كل واحد له هدف بحياته .. ويحاول انه ينجزه
بالسعي خلفه
الى ان يحققه
...
..
.
تاريخ 19 - 11 -2008
قررت اكمل دراستي لان معي دبلوم هندسه بترول
وقلت اكمل ..
ودورت ودورت وما لقيت الى جامعه وحده هي اللي تقبل دبلومي وتعادله لي
وهي شبه جامعه
نقدر نقول عليها كليه .. بس كليه على قوله اهل مصر
كليه اد الدونيا المهم الفيزا كانت عندي ما بقى الا اطير .. للديره وان شاء الله تظبط الامور
شيكت عليها بموقع الوزاره اذا هي معترف فيها او لا
وما حصلتها ..
استغربت لاني اعرف ان فيها اكثر من 22 طالب مبتعث
قلت اكيد سستم الوزاره قديم
بس ابي ادق على المحق واتاكد زياده
دقيت عليهم قالو ان الكليه معترف فيها
قلت حلوو حلوو
اخذت ارتب اموووري الشخصيه
وكان واحد من اصحابي توه داخل هالكليه
وهو ولد شقردي ..
ظبط اداره الكليه كلهم .. وصارت بينهم ميانه
قلت يا ولد دام كذا جب لي قبووول قالي ابشر
مافي 3 ساعات الا جايب قبوول منهم
انصدمت
توقعت ياخذ القبول اسبوعين او 3
المهم ارسله لي
وطبعته وظبطت اموووري
في تاريخ 21-2-2009
بالمطار واوودع الاهل والاصدقاء والدموع محبوووسه
ركبنا الطياره وطرنا
في تاريخ 22-2 وصلنا
وكان صديقي الصدوق في انتظاري
وكان مظبط لي عائله
مشينا للعائله قطني عليها وراح هو لعائلته
تعرفت عليهم
وامبين من اشكالهم طيبين
وطلعوا فعلا طيبين وناس ذربين
ثاني سوينا الاوراق على شان الالحاق انا وخويي
وارسلناهن في الليل بعد ما فتحنا ملف طالب دارس على حسابه الخاص
بتاريخ 23 قبول الملحقيه كل الملفات
ومافي اي نقصان
وهذا دليل ان الكليه موصى فيها
ومعترفه عندهم
في تاريخ 25-2 تم ارسال ملفي للوزاره
وترى بالعاده الملحقيه ما ترسل معاملتك الا بعد 3 اسابيع تقريبا
وانا في يومين ارسلت ملفي
وقلت ان شاء الله
فاتحه خير لي
رحت ودفعت فلووس حق معهد الكليه
وجلست 3 اسابيع
ونزل اسمي في السستم وجلستي بعد اسبوعين
وقبل جلستي بعشر ايام
وهي جلسه رقم 169
قاموا بالغاء الاعتراف بالكليه اللي جايب القبووول منها
ايييييييييييه لييييييييييييه
؟؟؟؟؟؟؟؟؟؟؟؟؟؟؟؟؟؟
ما ندري
طيب انا وغيري اللي قدموا وش ذنبنا
اوووكيه شلتوا الالحاق لها .. علمونا قبلها بشهر على شان الناس ما تجيب العيد
مو خذوووه فغلوووه
طيب المفروض اننا ما لنا شغل ..
لاننا مقدمين قبل صدور القرار بالالغاء
فشل وزاري ذذرررررررريع كالعاده
..
..
جاني الخبر ان الكليه الغو الاعتراف
قبل الجلسه بعشره ايام
قلت بشوف وش بيكتبون لي
طبعا كتبو الجمله الشهيره
لم يلحق بالبعثة وتم اعادة المعاملة للملحق الثقافى
قلت ان شاء الله خيره ..
بس يا ولد الحق على نفسك .. وشووف لك قبووول ثاني
كانت جلسه 169
كلها اشاعات وانها اخر جلسه وان وان وان
بس انا مااهتميت
ورحت وقدمت على جامعه
وشرحت لهم وضعي واني ابي القبوووول بسرعه
قالو خلال عشر ايام
قلت اوكيه
جاني القبووول
فتحت موقع الملحقيه
ابي اضيف القبووول الجديد
لقيتهم مسكرين الاظافات
كلمت وحده اسمها امينه
وقلت لها الوضع
قالت وش هي الجامعه
قلت لها اي سي ام ينفرستي اوف مانيتوبا
قالت هذا قبل اسبوع موقفين الالحاق لها
هنا اانا انصدمت
طيب موجوده بالسيستم
وفيها طلاب يدرسون
وليه كذا
؟؟؟؟؟؟؟؟؟؟؟؟
محد يدري الا رب العباد .
على فكره نسيت شي انا
الكليه اللي الغو الاعتراف فيها
تتكون من كليتان
وحده في مدينه تبعد عنا 2 ساعتين بالسياره
في الشمال
والاخرى اللي هي بمدينتي
والشي اللي يخليك تضحك من القهر
ان اللي في مدينتي مو معترف فيها
واللي بالمدينه الثانيه معترف فيها
شووف الغباء والفهاوه عندنا
يعني اسمها سيت وحرف السين يعني ساوث (جنوب)
والثانيه اسمها نيت وحرف النون يعني نورث (شمال)
حنا بالجنوب مو معترف فيها واللي بالشمال معترفه
ما اقول الا اللهم طولك يا روووووووووووووح
من القصص المضحكه للملحق الثقافي براسه
هاك اليوم دق واحد من المبتعثين على الملحقيه
وكانت عنده مشكله
ويبي يحلها وهي انه يبي ينقل للكليه (سيت)
اللي هي نفس الكليه الاولى اللي قبولي عليها
المهم كلم فيصل ابا الخيل الملحق الثقافي بكندا
وقاله انا ابي انقل للكليه وابي وابي
( فيصل ابا الخيل هو اللي قفل الالحاق بهذي الكليه )
تتوقعون وش قاله الملحق
قاله هل هذي الكليه تعطي بكلريوووس
يعني واحد يسكر كليه او جامعه ولا يدري اذا هي تعطي بكلريوس او لا
بالامانه هل هذا يستحق المكان اللي هو جالس فيه ؟
المهم
دورت حالي حال غيري على واسطه
يمين يسار اي شي
واخيرا لقينا .. بس ما توقعت يسوي شي
يعني طلع كله كلام
قالي جيب قبووول وعندك 3 ايام بس
قلت صعبه القبول اقل شي 3 اسابيع
قالي دبر نفسك
وقتها كنا متجمعين شباب سعودين وغير سعودين
قلت لهم الوضع
جا واحد وقالي في واحد يجيب قبووول في 3 ساعات
راح بالي على طوووول هالقبووووول مزوووور وما منه فايده
ولا ابي ادخل في معمعه مع الوزاره ومع الحكومه
قلت اغسل يدك
راح اليوم الاول
وراح الثاني
ودق علي خووي اللي قالي ان في رجال يجيب القبوووول
وقالي ان في ناس اخذوا منه قبووول
والتحقووا
قلت اجل دق على الرجال
وانا جايك
المهم وصلت له
وكلمنا الرجال ولسو الحظ قالنا انا دايم اجيب القبووول في ساعتين
بس مديرات التسجيل في اكثر الجامعات عندهم اجتماعات برا كندا
ولكن بحاول اجيبه لك بكرا
طبعا هالرجال سعودي وله 14 سنه في كندا
قلت بكرا ما ينفع وفهمته الموضوع وان لازم يكون القبول بكره بالوزاره
قالي
في طريقه انا بجيب لك قبولين
واللي يوصل قبل ارسله لك
قلت له اووكيه
بعد خمس ساعات ارسل لي قبوووول
وعلى طوووول دقيت على الملحقيه وكان باقي على دوامهم ساعه الا ربع
ويسكرون التلفونات
وكلمتهم
وقالو وش قبووولك
قلت لهم كذا كذا
جت الكارثه والمطمه
ردو علي بكل برووود
وقالو لي
ان قبووول الجامعه اللي عندك
جانا فاكس اليوم بالغاء الاعتراف بهذي الجامعه
هذا حضي من على الدنيا وعيت .. كل ما اضوي شمعه في دربي انطفت
بعدها كلمت الرجال وقلت له الموضوع
وقلت له ما بقى شي
ويسكرون الملحقيه وعقبها ما استفيد شي
بعد اسبوعين
راسلت جامعه
واخذت شهر ونص على ما جاني القبووول
والحمد لله كانت الجامعه معترف فيها
وارسلته للملحقيه
وارسلووه للرياض
وكان هذا في تاريخ
19-4 -2009
(ذهاب)
على فكره .. في جلسه 169 كانوا لاعبين في ملفي يعني اسسم الجامعه غير
والتخصص غير
وبلاوي زرقا غير
(عوده)
تهقون غيروا السيستم عندهم
اكييييييييييييييد لا
ما غيروا شي
انتظرت شهر وما غيروا شي
الجلسات تروح وتجي وانا ما غير اناظر
قلت جلستي في كندا مالهاش لزوووم خلنا نرد
طبعا مره دخلت ولقيت مغيرين
وحاطين لي جامعه معترف فيها
وكاتبين سبب الرفض هو ان الجامعه غير موصى بها
والمشكله ان الجامعه موصى بها
المهم راحت الجلسات
وردديت للسعوديه
وقلت مافي الا اروح للرياض واشووف وش صاير
رحت للرياض
وكنت سهران
وعلى طووول على وزاره التعليم العالي
اول ما جيت لقيت طوابير
سالت السكرتي
قالي هذا الموسى وهذا وليد الجبر
قلت حلو انا ابي وليد الجبر
جا دوري
وكلمت وليد الجبر
وشرحت له كل شي
الرجال ما قصر وكتب لي ورقه وقالي روح الدور الثالث عند واحد اسمه علاء
وكتب بالورقه اعاده تكوين
رحت لعلاء
وشرحت له الوضع
قالي عطني رقمك المدني
وعطيته
وشاف البيانات وانصدم
قال من زمان انت
قلت والله كله من السستم حقكم
والا انا الحين اكمل دكتوراه
قالي ولا يهمك
وعشمني بكلامه
قلت له وش اعاده تكوين
قالي يعني تعديل بيانات
قلت حلووو
قالي عطني قبووولك
وعطيته
قالي خلاص انت على جلسه 174
قلت اكيييييييييييد قالي اكيييييييييييد
ارتحت
وانا تعبان حيل وقتها وسهران واذا ابي ارجع للبيت
يبيلي 800 كيلوو
المهم اني قررت ورجعت وعلى كلام علاء وانه طمني
وقال بعدل بياناتك
بس كل كلامه طلع خرطي وما عنده سالفه
واحلى تصريفه
وانا الى يومكم هذا وانا اراسلهم وادق عليهم
وهم مو راضين يعدلون شي بالسستم
وش رايكم ..؟
وش اسووووي ؟
هل في شي ناقص ما سويته ؟
December 21st, 2009, 01:35 PM
..
.
..
من القصص المضحكه للملحق الثقافي براسه
هاك اليوم دق واحد من المبتعثين على الملحقيه
وكانت عنده مشكله
ويبي يحلها وهي انه يبي ينقل للكليه (سيت)
اللي هي نفس الكليه الاولى اللي قبولي عليها
المهم كلم فيصل ابا الخيل الملحق الثقافي بكندا
وقاله انا ابي انقل للكليه وابي وابي
( فيصل ابا الخيل هو اللي قفل الالحاق بهذي الكليه )
تتوقعون وش قاله الملحق
قاله هل هذي الكليه تعطي بكلريوووس
يعني واحد يسكر كليه او جامعه ولا يدري اذا هي تعطي بكلريوس او لا
بالامانه هل هذا يستحق المكان اللي هو جالس فيه ؟