مساعدة أبي أقدم على كـنـدا أرجوووكم افزعوا لي

ربي معاك ولاتخاف اخوانا هنا خير سند وعون وماراح يقصرون معاك

الله يسعد صباحكم ..
اخواني / اخواتي أرجوكم ساعدوني وريحوني الله يجزاكم بالخير

أنا لي تقريباً اسبوعين وانا احوس بالمنتدى من ملتقى لملتقى وأستفدت كثييير الحمد لله بس ما زال في راسي اسأله مالقيت لها جواب كافي للحين
تكفون اللي يدخل ويشوف موضوعي وله خبره يفيدني وأكون ممنون ..

أنا طبعاً حديث التخرج من كلية الجبيل الصناعية تخصص هندسة قوى كهربائية .. انجليزيتي جيده الحمد لله بحكم دراستنا كلها باللغه الإنجليزيه وودي أكمل دراستي بتخصصي بكندا إنشاء الله وأنا متأكد بأن معظم جامعات كندا تعادل موادي لأن الكلية حائزه على الإعتراف الأكاديمي الأمريكي والبريطاني ومنهاجنا كنديه .. بس اللي ودي أعرفه :

* سؤالي الأول : كم لازم يكون بحسابي مبدئياً علشان أحصل على قبولات من المعاهد والجامعات الكنديه ويغطي تكاليف المعهد والسكن والمعيشه مع العلم بأن المبلغ المتوفر حالياً عندي 40 ألف ريال ؟

"موب لازم يكون في حسابك شي لأنه الحصول على القبول سواء ً في المعهد او الجامعه لايتطلب وجود مبلغ نالي معين او ضمان مالي" فقط انت تدفع رسوم كل ترم تبي تسجل فيه يعني تقريبا ً مثلا ً لو بتسجل في معهد لغة لمدة سنة راح يكلف في حدود 1000 ريال تقريبا ً والله اعلم"

من ناحية السكن هم نفس الشي ممكن تحقل لك سكن بـ 300 الى 700 دولار في الشهر

الوجبه في حدود 5 الى 10 دولار "

40 الف ريال تقريبا ً تكفيك 5 شهور اذا كنت مرتبها ترتيب صح وعدم الاسرف ابدا ً "يعني ترص على نفسك قد ماتقدر >>>رجيم وصوم ....خخخخ


* سؤالي الثاني أختي الله يحفظها هي اللي بتتكفل بمصاريف دراستي لين تجيني البعثه إنشاء الله .. سؤالي : علشان أطلع الشهاده البنكيه لازم تكون باسمي ولا عاادي تكون باسم أختي ..؟ مع العلم بأن كشف الحساب 6 شهور راح يكون باسمها أساساً ؟

الشهادة البنكية دائما ً بإسم من راح يصرف عليك...يعني بإسم اختك واحرص دائما ً على ان تكتب اسمك كما هو ظاهر في الجواز بالضبط وكذلك اسم اختك


* سؤالي الثالث : أبي أعرف أفضل الجامعات المعترف فيها بالوزاره اللي تدرس تخصصي ( هندسة قوى كهربائية ) ؟ وياليت تكون بولاية رخيصة كمعيشه ويكون فيها معاهد تعتمدها الجامعه وتوفلها كويس وياليت أعرف أسماءها >> أتمنى اللي بيفيدني بهالنقطه يكون تخصصه مثل تخصصي أو يكون عنده معلومات عن التخصص ما ودي اتلخبط فديتكم

ماعندي علي لكن حط في بالك الدراسة في كندا متعبه متعبه جدا ً ممكن اسهل جامعه عندهم بالنسبة لنا مثل جامعه الملك فهد للبترول KFUPM يعني لاتخاف جيب لك قبول من اي جامعه وتوكل على الله

* سؤالي الأخير : هل ضروري يكون معاي الضمان المالي علشان إصدار الفيزا من السفاره الكنديه ..؟ أو أكتفي بالشهادة البنكيه وكشف الحساب في المقابله ..؟ ما ودي أتمرمط بالوزاره علشان الضمان وممكن يشترطون علي مبلغ أكثر من الـ 40 ألف وهذا اللي متخوف منه !!

كل اللي مطلوب هو financial support بإسم اختك من البنك وكشف الحساب ل 6 اشهر هم بإسم اختك اللي راح ترسلهم للسفاره ولا فيه مقابله


آسف على الإطاله .. وأتمنى أتمنى اللي يقرأ موضوعي يساعدني ويوجهني للصواب .. تكفون لا يخيب ظني وأفقد الأمل

ملاحظة : محتاج وقفة شخص مبتعث على حسابه الخاص يوجهني أول بأول ... ياليت يرسلي إيميله رساله خاصه ..

الله يجزاكم خير ويسعدكم ويوفقكم وإنشاء الله تجيبون الدكتوراه وترفعون راس السعوديه >> وعقبال ما أجيكم أنا إنشاء الله في القريب العاجل آمين يارب

ألف ألف شكر أخوي على إفادتك لي .. الله يوفقك ويسهل عليك الإلتحاق إنشاء الله وتسمع هالخبر قريب

بس بغيت اسألك كذا سؤال :

اللي فهمته .. الشهاده البنكيه تكون باسم أختي ومترجمه باللغه الإنجليزيه .. أكتب اسمي أنا برضو بالشهاده مع أختي ولا كيف ..؟ وضح لي اخوي

نعم باللغة الانجليزية...انت روح للبنك وقول له ابغى ظمان مالي للسفارة الكندية والبنك يعرف شغلته بس ودي معاك الجواز كان تخلي الموظف يكتب نفس اسمك واسم اختك بالضبط في شهادة الظمان المالي اللي هي
financial support

وبالنسبه للضمان المالي من الوزاره يحتاج ولا ما يحتاج اروح لهم أبد لأني شايل هم الوزاره أكثر من كندا وربي
لا مافي شي اسمه ضمان مالي للوزارة...