استفسار مجموعة إستفسارات وحاجة أحزنتني !!!

الردود يا أخوان فوالله مالي إلا الله ثم أنتم

ألف مبروك تخرجك من كلية الجبيل الصناعية ..
أنا مثلك حديث التخرج من كلية الجبيل الصناعية تاريخ 1 / 7 / 2009 تخصص هندسة قوى كهربائية .. الآن جالس أضبط إجراءات البعثه لأمريكا .. وأنصحك تدرس بأمريكا بالذات لأن الأمور فيها سهالات وصرفيه أقل على حسب إختيارك للولاية اللي بتدرس فيها >>> يالعربي لا تشطح بكالفورنيا وواشنطن والولايات الكبيره
بالنسة للأوراق والإجراءات المطلوبه اللي أنا سويتها وما زالت تحت المعالجه وإنتظار القبول الجامعي :

1- ترجمة شهادة الثانوي باللغه الإنجليزيه وشهادة حسن سيرة وسلوك ولا تنسى توقعها من الإداره ومن مدرستك اللي درست فيها ومن قسم الإختبارات وتدقيق الأوراق >>> يعني شغله الله يعينك وتاخذ منك يوم على الأقل الإجراءات والترجمه ضروري تكون من إدارة التربية والتعليم أهم شي مو من مكتب .

2- في شغله انتبه لها لأنها صادفتني أثناء إجراءاتي وللحين ما سويتها لأني بجده حالياً .. روح للهيئة الملكية بالجبيل وختم ختمها على الترانس سكربت ووثيقة التخرج وكل الأوراق اللي تخص الكليه لأن ختم الكليه لحاله مو معتمد للشهاده .. بعد ما تختمها من الهيئة الله يعينك تشد سراويلك وتطمر على وزارة الخارجية وتختم شهادات الكلية من هنااك ... بالنسبه لشهادة الثانوي ما يحتاج تختم ختم وزارة الخارجية يكفي ختوم إدارة التعليم المبجله
3- جوازك لازم يكون ساري المفعول يعني ( جديد ) وتصور منه كذا صوره وكل الأوراق اللي تخلصها لازم تخلي عندك نسخ للإحتياط .

4- صور 20 صوره إحتياط شخصية مكشوف الرأس >>> يعني لازم تطلع دبجتك فيها بالنسبة للمقاس المطلوب مادري بالضبط بس تقدر تكلم مكتب طريق النجاح للخدمات التعليميه وهو يفيدك بمقاسها .

5- الشهاده البنكيه .. وهذي ضروري للحصول على قبول .. بالعربي سو مثل ما سويت أنا شوف أي أحد من معارفك عنده خير بحسابه وقوله أبيك تطلع لي شهاده بنكيه تكون بإسمك أنت يالطالب ويفيدون فيها بأن فلان بن فلان راح يتكلف بدراستي وهذي تستفيد منها بس في الحصول على قبول جامعي ومعهد بس ولازم ما يقل رصيده عند 120 ألف يعني 30 ألف دولار أمريكي علشان برضو يجيك القبول الجامعي يركض .. أهم شي تكون الشهادة البنكية باللغة الإنجليزيه وموظفين البنك عارفين شغلهم وانا أخوك

6- كشف حساب بإسم الشخص اللي طلع لك الشهاده البنكيه ومو ضروري يكون بإسمك بس أهم شي كشف حساب لـ 3 شهور علشان الحصول على الفيزا عند السفاره الأمريكيه .

7- البحث عن قبول معهد تابع لجامعه مؤقتاً للحصول على الفيزا I-20 ومو ضروري إذا وصلت لأمريكا تدرس بنفس المعهد اللي جاك منه قبول .. إذا ما جاز لك تقدر تحصل على قبول من معهد جامعي ثاني وأمره سهل لا وصلت هناك .. بس أفضلك اختار معهد ممتاز من هنا وخلص أمورك علشان ما تتمرمط هناك .. تحصل على قبول المعهد بالشهادة الثانويه وحسن سيره وسلوك والشهاده البنكيه وكشف الحساب وصورة من جواز السفر بس .. يا إما تروح لمكتب يضبط أمورك وهذي أفضلك وأسرع وأضمن .. أو تجيب قبول أنت شخصياً أو إذا تعرف أحد يدرس هناك يجيب لك قبول >>> كان ودي إني هناك علشان أجيب لك القبول بس للحين ما زلت جمبك وأنا أخوك

8- إذا خلصت إجراءاتك وأوراقك وحصلت على الـ I-20 ( القبول من معهد ) وسويت مقابله بالسفاره وأخذت الفيزا .. الله يعينك تروح للرياض وزارة التعليم العالي وتروح عند واحد اسمه دكتور علي عطيه وترز خشتك قدامه يومياً وتغثه بزيارتك ولا تنسى تتقهوى عنده بعد وصب له القهوه علشان يساعدك .. طبعاً علشان يعطيك أمر إركاب ( تذكرة مجانية تصرف على الطالب المبتعث على حسابه الخاص كل سنتين ومن حقك تاخذها ) وبعد ما تاخذ أمر الإركاب ( وإبقى قابلني ) تطلب منه بعد يعطيك الضمان المالي إذا رفضوا نهائياً الله يعينك تنشب للملحاقيه الثقافيه أول ما توصل أمريكا وإنشاء الله يعطونك .

9- بعد ما تحجز تذكرتك لا تنسى تدخل على موقع الوزارة وتدخل على الملحاقيه الثقافيه وتعبي الفورم حق طالب جديد مبتعث على حسابه الخاص .. علشان يكون عندهم خبر الملحاقيه بوصولك ويستقبلونك بمطار واشنطن دي سي وتتقهوى عندهم وتخلص إجراءات الوصول ويوجهونك وين تروح ووش تسوي لين توصل الولاية اللي بتدرس فيها .

10- بعد ما تخلص 55 ورقة وتواقيع وختوم وأنواع التبصم .. استأجر في فندق كمفورت إن يبعد عن المطار 10 دقايق ونام نومه ما بعدها نومه وبكذا ما باقي عليك إلا تشيك مع الملحاقيه بأمريكا على قرار إلحاقك بالبعثه وأكتب كل رقم وأحفظ كل رساله توصلك من الوزاره أو الملحاقيه .

ملاحظة : أفضل وأرخص وأهيص ولايات أمريكا وجامعاتها قويه ومعترف فيها هي : 1) ولاية فلوريدا وتحديداً مدينة ( تامبا أو أورلاندو ) .. 2) ولاية اوهايو مدينة ( اثنز ، كليفلاند ، توليدو ، فندلي ، ميزوري ) .. 3) ولاية أريقون مدينة ( ويست فيرجينا ) .. 4) بنسلفينيا .. 5) كولورادو .. 7) أريزونا
طبعاً الولايات مرتبه بالأفضل كبيئة دراسه ومعيشه وأهم شي الهيصه والأخلاق

بالنسبة لتعادل الشهادة حقتك لا تعادلها إلا إذا وصلت أمريكا وأجتزت 30 ساعه بالمعهد أفضلك .. أكيد فيه جامعات تعادل موادك .. مو معقوله ما فيه تعادل لتخصصك .. خصوصاً إنه كليتنا معترف فيها الإعتراف الأكاديمي الأمريكي ولا تنسى هالشي ... اسأل الشباب هناك أو اسأل الملحقيه وهم يفيدونك وين تقدر تعادل موادك أخوي .. بس أهم شي خلص إجراءتك كامله وروح هناك وربك ييسرها .. ترى الموضوع سهل وربي بس أنا الله يهديني يدي تحكني لازم أشرح >>> إعقلها وتوكل

أتمنى ما أكون قصرت بالشرح .. قسم بالله يدي جاها شد عضلي .. بس كله لولد ديرتي وكليتي يهون يالبى قلبك .. أي استفسار ثاني أنا حاضر إتصل نصل

ميدو الكون 212 0 262

نسيت أقولك المبلغ اللي يكفيك كمعيشه ومصاريف معهد وسكن بأمريكا >> 40 ألف ريال سعودي خلال 6 - 7 شهور يعني وقتها إنشاء الله يمدي جاك الإلحاق بالبعثه والباقي تمشى فيه هههههههههه .. لا تصرف صرف ولد الراجحي ولا ولد الشربتلي .. خلك إقتصادي هنااك يمدحون بقايلهم يقولون فيها جبنه وتوست لوووووووووووول

<<< يمزح

اخي الكريم للمعلومية لما يتم رفع اوراقك الوزاره..الوزارة تنظر لشهادتك الثانوية يعني جيب قبول جامعه وكمل باقي المتطلبات والله يوفقك اهم شي قبول الجامعه اللي بتجيبه جيبه من ضمن التخصصات المطلوبه والمعترف بها من قبل الوزاره
بالتوفيق

ومن ال قال لك ان البزنس غير معترف فيه في الوزاره

انا تخصصي بزنس والتحقت بالبعثه

ألف ألف مبروك يالدوسري إلحاقك بالبعثه .. ما شاء الله متى تم إلحاقك ووشلون ..؟ ياليت تفيدني بهالموضوع وأكون لك مممنون

كم قضيت ساعه بكندا ..؟ ومعاك أمر إركاب ولا لا ..؟

انا كمان كنت بكلية الجبيل الصناعية هندسة كيميائية CHET

بجاوب على سؤال واحد بس ..

اي جامعة امريكية تعادل اكثر ..

كثير شباب معانا كانو كهرباء راحو لجامعة كلورادو .. يقال انها تعادل جميع الساعات الي بالكلية .. حتى التربية الدينية ..

بس ياترا هل ينطبق نفس الشي على البزنس ..؟؟

ممكن تسال شئون الطلاب .. اتصور يفيدونك ..