استفسار لم يتم العثور على رقم الهوية المدخل بالنظام الى مايشتري يتفرج

January 31st, 2010, 08:47 PM

حتى الآن لم يتم العثور على رقم الهوية المدخل بالنظام وانا اوراقي كلها في الوزارة وبالتحديد في مكتب الموسى ولدحين ماصار شي عندي رقم معاملة بس ولا عندي رقم باسورد اقدر اتابع فيه المعاملة من خلال الموقع كل يوم ادوم معاهم من 8 الى 3 وانا اتصل يا على الوزارة او على شؤون البعثات ومحد عندك مافي احد يكلف على نفسو ويرفع السماعة وفي الاخير ربنا كرمني ورد عليه معالى وزير السنترال بحي الغدير وطبعاً طال عمره اكرمني واتواضع واتحدث معايه لمده 6 ثواني وامر بتحويلي لمعالي سكرتير الموسى اطال الله بعمره وكمان معالى السكرتير رد على اتصالي واتواضع واخد رقم الطلب وحب يساعدني ويدخل بانامله الكريمة رقم معاملتي ويشوف ايش صار فيها واتفاجئت بأن يقلي ان مافي رقم طلب بهذا الرقم طبعاً انا قلت (ياررررررررررررررررررررررررررررررررررررررررررجل) قول كلام غير هذا يعني طفشان وجالس اضيع وقت معاكم من شهرين مثلاً انا اخد الرقم هذا من الوزارة بعد مااتحولت اورقي من الديوان الملكي للوزارة اتصلو عليه واعطوني هذا الرقم وقالو ليه اراجعكم بسجن ابو غدير اسف قصدي بحي الغدير المهم والحل طال عمرك قال اقول بس لا تطولها وهي قصيره؟؟؟؟؟
وانا على طول قلتلو كمان يارجل كشكشها متعرضهاش!!!!! قال هات رقمك واشوف انا الارقام هذه واسمك وووو وبعدين اتصل اقولك وش صار واخوكم ماصدق خبر واعطيتوا كل البيانات وجلست استنى وانا كلي امل ويقين ان ماراح يفكرك بالكذب يدق دقه ويقفل ياناس ياعالم ياهووو احد يفهمني ايش هذا كلو ليه كده بيعملو وانا ايش اعمل يعني انسى خلاص وافقد الامل وله ايه انا فين انا في الصف ولا في الرف
الى حابب يتابع قصتي من اول يدخل على هذه الرابط واتمني من الجميعل يفدوني للمعلوميه انا لسه في السعودية
هذا الرابط
http://www.mbt3th.us/vb/t156657.html

اليوم 17/02/1431هـ
خبر جديد صار معايه رد علية سكرتير الموسى وقلتلو انا كلمتك امس وكده كده قلتلي قال ماني فاكر!!!!!! المهم ايش تبغى قلتلو ايش ابغى مره تانية وقلت خد رقم المعاملة قال اقول قبل مااخد شي انت فين مقدم تدرس قلتلو محد دق عليه عشان احدد وانا شرحتلك وضعي وكاتب خطاب للملك الخطاب اتحول من الديوان قال اقول عشان تكون اوراقك كامله وتدخل للموسى روح جيب قبول جامعه ومعهد ووو واشياء ماني فهمها منو اشياء كتير ماني مذكرها المهم وقال بعد ماتجهز هذا كلو اطلع للوزارة وارفقها مع المعاملة عشان نعرضها عليه ايش رايكم في الى صار هذا دحين انا ايش اعمل ايش الاوراق الى اخدها معايه غير قبول الجامعة والمعهد ياريت تجوبوني عشان الحق اعمل هذه الاشياء قبل يوم 30/2/1431هـ

ياريت كمان ارقام مكاتب قبول مضمونة بجدة تجيب قبول جامعة ومعهد ي أيرلندا وكندا وامريكا

• نشر عبر تويتر
• نشر عبر فيسبوك
• نشر عبر جوجل