استفسار الى طلاب امريكا اصحاب الخبرة والجدد...تعالو هنا..!! اتمنى عدم الحذف

هلا ياغالي ..

انا سئلت ثلاثة اعضاء هنا بالمنتدى معنا عن امر الاركاب

الاول : قال جيت بامر اركاب وارسلوها على طول ماله اسبوع

الثاني : مامعه امر اركاب لكن سئل العرينى وقال مايفيد ..

الثالث : مامعه امر اركاب بس قال يفيد

بخصوص امر الاركاب .. اصلان اذ الله وفقك واخذته .. راح يكون عندك ملف بالرياض ..
لانهم بيطلبون منك تعبئه نموذج الحاق بالبعثه
وبديهي ماراح يتخلون عنك ويتركونك .. والله اعلم عاد ..

بخصوص السفر بدون امر اركاب .. خذلك فره على المنتدى شوف كم جالسين الطلاب
الي 6 شهور والي 9 والي سنه .. والله يوفق الجميع ...


تحياتى

السلام عليكم ورحمه الله وبركاته

هلا اخوي الشريف ,, انا بقولك على شغله ان شاء الله انها تفيدك وتفيد الاخوان والاخوات اللي بيدرسون على حسابهم الخاص
انا اللحين في امريكا لي تقريبا شهر ,, ومعاي امر اركاب ,, المهم لما وصلنا الفندق اللي تتعامل معاه الملحقيه قريب من المطار ((كنفورت ان)) جاء لنا العريني فالفندق وقال لنا اللي معاه امر اركاب او قرار ابتعاث يصيروو يمين ,, اللي مامعاه لا امر اركاب ولا قرار ابتعاث يجي يسار ,, المهم العريني قال لنا روحو اطلعو الباص عشان تروحون الملحقيه ,,وهو قعد يتكلم معاهم واشوفه اعطاهم اوراق يعبونها وش فيها الله اعلم بس ماخلوهم يروحون الملحقيه معانا ...
وصلنا الملحقيه وسو لنا محاضره تعريفيه عن القوانين وبعض الامور اللي نحتاجها ولا فرقو بيننا وبين اللي معاهم قرار ابتعاث ,, بعد الاجتماع سئلت المسؤل وقال لي معاك امر اركاب ان شاء الله بالجلسه القادمه بيرسلون لك القرار ,, وبنفس اليوم اعطوني رقم صادر للمعامله ودخلت السستم بعدها بيومين ولله الحمد ,,

*** وفيه واحد من الشباب الله يستر علينا وعليه ويوفقنا للخير ان شاء الله تعرفت عليه من الشباب مامعاه لا امر اركاب ولا شي قبل يومين قال لي انه انظم للبعثه ماشاء الله تبارك الله والله انه يستاهلها (( بس اتوقع انه وااسطه )) انا ما سئلت الرجال خفت انه ينحرج مني ,, ع العموم انا من رئيي ان الواحد قد ما يقدر يدبر امر اركاب والعطيه والله انه انسان طيب ,,
انا جلستي 177 بعد ايام قليله وان شاء الله نلحق فالبعثه ,, عليكم التوكل على الله في كل شي وكثره الاستغفار والدعاء وربك ان شاء الله ييسرها ولا تنسونا من الدعاء ...
هذا اللي حبيت اقوله والله على ما اقول شهيد ... ((سبحان الله وبحمده سبحان الله العظيم))

الله يعطيك العافيه ويسهل امورك...

كلام جميل ومختصر ولكن ياليت اذا تعرف احد جاء بدون امر اركاب ولا واسطه...وش بيكون وضعه في اسوء الاحوال؟؟

لله يجزاك خير اخوي على طرح الموضوع ، وطلب للاخ مبتعث 99 كمل جميلك وقلنا وش تفاصيل الحصول على امر اركاب يعني وش يخلي ناس يحصلون عليه وناس لا
كل الشكر والتقدير

الله يعطيك العافيه اختي ام رنا وشاكر لك الدعوه الطيبه...

بالنسبه لأمر الاركاب هي عباره عن تذكرة من الوزارة للطلاب المبتعثين والي على حسابهم الخاص...فايدتها طبعا للي على حسابهم الخاص وهي اذا كانت اوراقك كامله من قبول معهد وجامعه اول ماتوصلين الملحقية يتأكدون من اوراقك ويرسلونها للوزاره بدون اي تأخير وتدخلين على اقرب جلسه يعني بالمختصر ما تأخذين اكثر من 3 شهور ان شاء الله وانتي ملتحقه...

مثل ماهو حاصل مع الاخ مبتعث99 الله يوفقنا ويوفقه ويسهل امورنا واموره يا رب,,

بدون أمر الاركاب .. لما تفتح ملف رح يقولو لك 30 ساعة!
لكن يمكن يرسلوه بعد شهرين او 6 او 7 .. لكن لا تحط في بالك أقل من 6 او 7 شهور!

بالتوفيق

مرحبا .. اخوي الشريف انا فهمت انه له شروط يعني تجيب قبول جامعه ومعهد وتطلع تاشيره وتخصصك مطلوب بس وش السبب ان ناس تقدر تاخذه وناس لا ، لانه واضح انه من حق الدراسين على حسابهم الخاص لو كملوا الشروط ؟؟!!!
اختى نوسة انا اسمع الماجستير ما يطول يعني شهرين لثلاثه ، وبدون واسطة ليش البعض يتاخر ل 7 او اكثر
الله يسهل لنا جميع وتوفيق الله احسن من كل شي

اخي العزيز انا زيك ابغى اطلع بعد شهر ادرس ماجستير بس ابغى احاول في امر اركاب سوالي ليش رفضوا يعطونك امر اركاب

+ بهذي الطريقه لا يهمك لا ملحقيه ولا غيره لان ملفك موجود برياض فقط محتاجين تاشيرة دخول

يعني ترسل تاشيرة الدخول للجماعه برياض يودونه للوزراه وبـ كذا يكون ملف مكتمل بدون ملحقيه وبطيخ