تكفوووون ساعدوني محتار كندا ام نيوزيلندا

نصيحة اخوية تعال كندا التحويل فيها مومعقد كثير اذا ماكان سهل
انا في معهد تجاري ممتاز لاكنه مومثل معاهد الجامعات والكليات الشهر ب1200 دولار اعتقد
السسكن الهوم ستي من 650 الى 800 والبعض يوصل ال900
بس قالبا مايكون بحدود 700 الى 800
والله يوفقك في كل مكان تروحه ويوفق المومنين

يعطيك الف عافيه اخوي وماقصرت
بس ما ادري وش متطلبات السفر لكندا يعني نيوزيلندا حسب علمي ما يبيلها فيزا
وكم مصاريف المعيشه بالشهر

وياشباب مالكم داعي تقرون وتمشون قولوا اي شي ممكن يفيدني ولو كلمة وحده

اذا انت تبي تدرس 3 شهور وترجع يعني ماتبي البعثة انا انصحك بنيوزيلندا بشده لكن الالتحاق بالبعثة صعب

كندا وامريكا اسهل بكثير بموضوع الالحاق

نيوزيلندا دولة رخيصة وشعبها ممتاز

ومتوسط اسعار المعاهد من 300 الى 350 دولار اسبوعيا... ويوجد الارخص ويوجد الاغلى ولكن هذا المتوسط

والعائلات متوسط اسعارها من 200 الى 250 دولار اسبوعيا هذا هو المتوسط

واحسن شي ان نيوزيلندا ماتطلب فيزا لمدة ثلاث شهور,,, يعني جب القبول ثلاث شهور وسافر

واذا ان شاء الله اخترت نيوزيلندا انصحك تبتعد عن مدينة اوكلاند فترة اللغة من واقع تجارب الطلاب فيها

فيه مدينة اسمها روتوروا Rotorua مناسبة جدا وتقع في الجزيرة الشمالية لنيوزيلندا ويوجد فيها معهد اسمه RELA درست فيه 6 شهور

الحمد لله استفدت كثيير

هذه وجهة نظري وهذا رأيي فقط

نيوزيلندا... عشق لاينتهي,,,,
والموضوع لك,,, واي استفسار انا موجود

اذا تبي 3 شهور ,, نيوزلندا افضل وشعب رائع وبلد مريح

اصلا دراسة الانجليزي في نيوزلندا افضل من كندا ,, !!

وماراح تصرف كثير ,, لانها مناسبه للمعيشه

الف شكر ياشباب بس الي فهمته من كلامكم ان كندا ونيوزيلندا تقريبا نفس الاسعار بكل شي

معاهد وسكن وتفرق بموضوع الفيزا

لا مو نفس الاسعار

الاخ في كندا يقول الشهر ب 1200 دولار كندي والدولار الكندي مرتفع ويساوي 3.6 ريال تقريبا

وفي نيوزلندا بالشهر تقريبا 1200 دولار نيوزلندي والدولار النيوزلندي يساوي 2.5 ريال تقريبا

اسم العملة كلها دولار لكن يختلف سعر الصرف انتبه من النقطة هذي

وراح تلاحظ الفرق بالاسعار في المعيشة مو بس في السكن والدراسه

تحياتي

اخي الكريم نيوزلندا ارخص من كندا

نيوزيلندا افضل اذا ماتبي الحاق بالبعثه