يا جماعة اللي يدرس في بريطانيا على حسابه الخاص يدخل !!!

السلام عليكم ورحمة الله وبركاته
الله يوفقنا واياكم للخير
بس حط في بالك انه الانضمام للبعثة وانت في بريطانيا يمكن ما يحصل الا ان الله سبحانه يفرجها عنا جميعا او اذا عندك واسطة قوية
بالنسبة اذا وصلت المطار وجيت عند نقطة ختم الجوازات لازم تعطيه اوراق قبول المعهد او الجامعة اللي انت بتدرس فيها
واذا كانت المدة اكثر من 6 ااشهر بحولك على الفحص الطبي علشان سوون لك اشعة وتاكدون ان ما عندك مشاكل صحية الا اذا انت جايب معك اثبات او تقرير طبي يفيد بأنك سليم وان الاشعة السينية للصدر سليمة وانك اخذت التطعيمات اللازمة
وهم يكتفون بذلك
وبعدها يحولونك مرة ثانية على الجوازات علشان يختمونها لك وتدخل
في بعض الاحيان اللي في كونتر الجوازات يعديها لك ولا يحولك الى الفحص الطبي
يعني انت وحظك

ان شاء الله المعلومات هذي تكون كافية
بالتوفيق ان شاء الله

تسلم حبيبي ستار ..
انا جايب اشعة للصدر من مستشفى وتقرير انه كل شي اوكي ومافي امراض .. والدكتور اللي في المستشفى قالي هذا هو التقرير اللي يحتاجوه في كل المطارات .. بس ما اخدت تطعيمات ولا شي ؟؟؟ .. ايش التطعيمات اللازمه ؟؟

وبالنسبه للقبول فقط هو اللي يحتاجوه ؟؟ ما يحتاجوا كشف حساب من البنك وورقه تبين اني دفعت للمعهد دفعه من الرسوم ؟؟
ولا ما يحتاج ؟؟

وايش الاسئله اللي حيسألوها بالنسبه لاول مره ..

تسلملي اخي ..

اخوي ربي يوفقك واخوي استار كفى ووفى

اما من ناحية التطعيم انا ما طلبوا مني شي من هذا القبيل

وفي الاخير اقولك شي اذا جاي من شان الانظمام للبعثة تراك اختلاة الطريق الخطاء (وجهة نظر) لانة بريطانيا صعب جدا وانا من رمضان السنة الماضية والوظع على ماهو عليه

والله حبايبي انا جاي على اساس انضميت خير وبركة .. ما انضمين الحمدلله والشكر لله الخير موجود واكمل دراستي على حسابي ..

الله يوفقكم دنيا واخرة يا رب .. وتسلم حبيبي الفارس ..

السلام عليكم ورحمة الله وبركاته
الله يعيننا واياكم
احيانا يسألون عن التطعيمات واحيانا لا
يعني انت وحظك
زميل لي ما حولوه اصلا على الفحص الطبي هو وعائلته وكان نصيبه زين وموفق من الله
اما بالنسبة للتطعيمات مو شرط يسالون لكن في شباب سألوهم عنها فلازم تحتاط ويكون عندك
تجيب تقرير من المستشفى انك اخذت التطعيمات المهمة مثل الكبد الوبائي ب وتطعيمة الدرن والميزلز والمامزوالروبلا واسمهم باللغة الانجليزية
Hepatitis B , BCG, MMR, يعني التطيمات اللي اخناها وحنا اطفال واكتب لهم تاريخ اخذهم طبعا
زي ما قلت لك المسالة احتياط
والاسئلة اللي يمكن يسألونك اياها :
ليه جاي بريطانيا
هل فيه احد تعرفه في بريطانيا او لا
كم بتجلس فيها
ايش اسم الجامعة
ايش التخصص
وين بتسكن
اذا عندك رقم حساب او لا يمكن يسألوك واذا ما عندك قولهم انك بتفتح لك حساب في البنك لما تروح الجامعة
انشاء الله ربك ييسرها لك وللجميع ان شاء الله تعالى
واذا فيه اي استفسار حاضرين ان شاء الله

اذا انت اخترت دولة جميلة ودولة التعليم فيها ممتاز والحمدالله امورك تمام يعني الكورة في ملعبك اهلك ماقصرو معاك الباقي عليك تعال وشد حيلك وربي يوفقك ان شاء الله
تقبل تحياتي