مبتعث مجتهد Senior Member
الولايات المتحدة الأمريكية
كـانـدي , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى TESOL
, بجامعة Murray State University
- Murray State University
- TESOL
- ذكر
- Murray, Kentucky
- السعودية
- Feb 2010
المزيدl March 8th, 2010, 03:39 AM
March 8th, 2010, 03:39 AM
السلام عليكم .. مساؤكم/صباحكم أحلى من الورد ،
شباب أنا عندي استفسارات ومحتاج مساعدتكم ،
والله العظيم لو تدرون وش كثر أحلم بدراسة الماستر كان عذرتوني على طرحي لاستفساراتي !
أنا توي إتخرجت من الجامعة وتخصصي لغة إنجليزية وترجمة ، معدلي نازل شوي 2,57 من 5 لكن لغتي كويسة وعندي طموح كبير إني أكمل دراسة الماستر بالخارج على حسابي وبعدين ألتحق بالبعثة ،
حالياً أنا عندي مشكله واحده وهي المعدل ، لكن عندي شغلتين -بإذن الله- بيشجعني ( اللغة - الطموح الكبير ) .
خطتي اللي بسويها :
أبدور لي مكتب كويس يجيب لي قبول مشروط من إحدى الجامعات المعترف فيها ، وعلى بال ما يجيب لي القبول المشروط ويخلص لي أمور الفيزا بدرس التوفل هنا في الرياض وبحاول آخذه عشان يصير القبول المشروط قبول نهائي ، وبعده بقدم أوراقي للعطية عشان أمر الإركاب وبحاول فيه يعطيني قرار إلحاق.
الأسئلة اللي ما زلت أبحث لها عن جواب :
1- أيش أفضل مكتب يجي لي قبول ماستر في الرياض؟
2- أيش التخصص اللي تنصحوني فيه "أبغى تخصص أكون فيه دكتور في الجامعة مو تخصص عملي"؟
3- أيش أفضل دوله تنصحوني أروح لها من ناحية سرعة الإلحاق؟
4- أيش هو البري ماستر؟
5- دراسة التوفل كم تستغرق .. وهل الأفضل آخذها في السعودية أو في الدولة اللي أدرس فيها؟
6- هل أحتاج توصيات من الدكاتره اللي درسوني .. وكم توصية أحتاج؟
7- التسع ساعات اللي لازم أخلصها عشان ألتحق كم تساوي تقريباً؟
كل الشكر لكم .. وبانتظاركم .
هلا أخوي ..
أول شي الله يوفقك .. وصدقني .. مدام بديت السعي .. سوف تصل إن شاء الله لتحقيق مرادك ..
وخل همتك وحده ..
بالنسبة لأسئلتك ..
بجاوبك ع اللي اعرفة اللحين ..
وإذا لقيت إجابات للباقي .. برجع أكتبها .. إن شاء الله ..
أيش أفضل دوله تنصحوني أروح لها من ناحية سرعة الإلحاق؟
أنا أشوف إن كندا وأمريكا .. هم الخيار الأفضل حالياً ..
أيش هو البري ماستر؟
البري ماستر هو عبارة عن دراسة لغة اضافة الى بعض التفاصيل عن الماستر وكيفية تقديم البحوث وتقديمها وما الى ذلك ..
( إجابة واحد في منتدى ) ..
عنفوان الشباب March 8th, 2010, 04:17 AM
7 " شف اخوي طموحك حلو
انت رح واتكل على الله لان تخصصك انجليزي ماراح تواجه مشاكل ان شاء الله
لان لو على حسابك يمكن تصرف شي قليل مو مقارنه للي بيروح يدرس سنه انجليزي ثم التسع ساعات حقت الجامعه
وبخصوص التسع ساعات كافيه ولا لازم معدل مدري اسال وتاكد
وبخصوص طموحك عضو هيئة تدريس في احدى الجامعات
شف انت طبعاً اي جامعه ناوي تكون عضو هيئة تدريس فيها
وشف الكليات الي اعضاء هيئة التدريس قليل والدكاتره قليل يفتحون المجال للماجستير
مو يحوسونك ويمسكونك تمارين ولا شي زي كذا ما عندك مواد ولا شي
بخصوص التوصيات اتوقع ثلاث كافيه
<< تراك اشغلتنا بخصوص كل شوي بخصوص ههههههههههههههه
بن روق March 8th, 2010, 04:49 AM
7 " شباب أنتظر آرائكم بخصوص :
1- أيش أفضل مكتب يجي لي قبول ماستر في الرياض؟
2- أيش التخصص اللي تنصحوني فيه "أبغى تخصص أكون فيه دكتور في الجامعة مو تخصص عملي"؟
3- التسع ساعات اللي لازم أخلصها عشان ألتحق كم مدتها الزمنية؟
كـانـدي March 8th, 2010, 08:38 PM
7 " بخصوص جوابك الاخير
التسع ساعات ترم واحد
والترم من ثلاثه الا اربع شهور كالعاده
لكن انت احسب موضوع اللغه كم بتاخذ على شان تجيب الدرجه المطلوبه
واتوقع من الي سمعته انه 500 او 550 على حسب الجامعه للماستر
لكن شي مهم احسب كم تاخذ موضوع ضمك للبعثه
هل هم وقتها ينتظرو اول جلسه بعد ما تخلص 9 ساعات ؟
لان على حسب الي قريته هنا من شخص واحد ان الجلسه كل شهر ونص او شهرين
اسال هل قرار ضمك على طول ينزل ولا يحتاج جلسه لدراست وضعك وضمك
واذا صدر قرارك كم يستغرق الوقت على شان يطبق ويصرف لك المكافئه امور يبغالك تسال فيها مبتعث وانا اخوك يفيدك اكثر
بن روق March 8th, 2010, 11:09 PM
7 " اخوي كاندي انا مثلك تخصص لغة انجليزية
واخترت ادارة اعمال وهذا اللي التخصص اشوف مناسب هذي وجهة نظري الخاصة
لكن اخوي وش تبي في المكاتب حقت القبول الله يجزاك بالخير سو زي اخوك حصلت علي قبول بنفسي
الشغلة ما يبغالها شي ادخل علي موقع الجامعة اللي انت تبغاها وبتحصل كل شي
المكاتب للي لغتهم ميح مره والله يعينهم علي النصب
وفقك الله
An ambitious man March 9th, 2010, 01:13 AM
7 "
March 8th, 2010, 03:39 AM
أبدور لي مكتب كويس يجيب لي قبول مشروط من إحدى الجامعات المعترف فيها ، وعلى بال ما يجيب لي القبول المشروط ويخلص لي أمور الفيزا بدرس التوفل هنا في الرياض وبحاول آخذه عشان يصير القبول المشروط قبول نهائي ، وبعده بقدم أوراقي للعطية عشان أمر الإركاب وبحاول فيه يعطيني قرار إلحاق.
1- أيش أفضل مكتب يجي لي قبول ماستر في الرياض؟
2- أيش التخصص اللي تنصحوني فيه "أبغى تخصص أكون فيه دكتور في الجامعة مو تخصص عملي"؟
3- أيش أفضل دوله تنصحوني أروح لها من ناحية سرعة الإلحاق؟
4- أيش هو البري ماستر؟
5- دراسة التوفل كم تستغرق .. وهل الأفضل آخذها في السعودية أو في الدولة اللي أدرس فيها؟
6- هل أحتاج توصيات من الدكاتره اللي درسوني .. وكم توصية أحتاج؟
7- التسع ساعات اللي لازم أخلصها عشان ألتحق كم تساوي تقريباً؟