استفسار بخصوص مدة كشف الحساب

اخوي الغالي

بالنسبة لكشف الحساب اذا انت بتقدم على الفيزة الكندية عن طريق مكتب الفيفاء يقولون لك 3 شهور كافي
واذا والله مقدم عن طريق مكتب العامودي يقولون لك نبي 6 شهور وكلها يا اخوي ماشية

اذا جبت 6 شهور خير وبركة

اما بالنسبة للمبلغ فممتاز اذا كان 119000 فكلما كان المبلغ كثير كلما ان شاء الله راح تظمن الفيزة
ومو شرط يردون الفيزة لسبب المبلغ اي نعم المبلغ مهم علشان يعرفون انك راح تمشي امور المعهد والمصاريف

وانا انصحك كمان انك تاخذ خطاب شهادة بنكية بسم صاحب الحساب ويكون مكتوب باللغة الانجليزية وموجة الى السفاراة الكندية بان هذا الشخص مثلاً معنا من سنة كذا ورصيدة بالحساب كذا ... الخ
ويستحسن الخطاب وكشف الحساب لم يتجاوز علية اكثر من شهر

تقبل تحيات واحد لسى مقدم على الفيزة وناطر الرددددددد

هلا اخووي جزااك الله خير على الرد بس ممكن سؤال

وش الشهااده البنكيه بالضبط ومافهمت شتقصد ب ((بان هذا الشخص مثلا معنا من سنة كذا ورصيدة بالحساب كذا؟؟))


وتحيااتي لك اخووي

شبااب تكفوون ردو وش الشهادة البنكيه ووش فرقها عن الضماان المالي هل اذا قدمتها يعني انهم راح يحجزون المبلغ عندهم كضمانه زي ماوصلني ؟؟؟؟؟؟؟؟؟؟؟؟؟؟؟؟؟

اخوي ابو شنب

يسعد مساك

الشهادة البنكية ونا اخوك تساعدك عند التقديم على الفيزة لانك رايح تدرس على حسابك الخاص والشهادة البنكية هي عبارة عن تعريف موجة من البنك الى سفارة الدولة اللي بتروح لها باللغة الانجليزية ومظمونها عباة عن تعريف عن الشخص بانة مشترك مع البنك كمثال من تاريخ 1-1-2000 الى هذة اللحظة وان صاحب الحسا في رصيدة مبلغ كمثال 50.000 ريال
وفايدة هذة الشهادة بانها تساعد من امرك لما يعطونك الفيزة اي يعرفون ان الشخص هذا عندة فلوس وبخير ونعمة وانة بيغطي مصاريف سفرة لانهم قد يعتبرون اللي مامعة فلوس هذا جاي يهاجر ولاهو راد لبلدة مرة اخرى

اما لو انك رايح على حساب الدولة فالوزارة تعطيك ظمان مالي ومفاد الظمان بان الدولة متكفلة فيك من طق طق الى السلام عليكم

اتمنى الصورة وظحت واذا لسى ارجو كتابة ذلك ولك جزيل الشكر