وحده ضايعه

اللهم أبعدنا عن الضياع , واللي يسأل مايضيع : )

مسألة تخصصك هو أدبي والمعدل مقبول لا يعني تماماً أنه لا يوجد أي فرص قبول لمرحلة الماستر

أمريكا تعج بـ الآف الجامعات , ومش معقول ان كل هؤلاء الجامعات تكون شروط قبولها وحده
هي مختلفه , فيه جامعات متساهله وفيه جامعات مُتشدده وفيه جامعات وسط عندها ..

لذلك لا تجعلين هالشيء يكون عائق في مسيرتك التعليميه طالما إن هنالك رغبه في السير عالياً وعدم الوقوف
عند حد أو نقطه مٌعينه ..

أعرف زملاء لي , تخصصهم لغة عربيه بكالوريوس
وهم الأن يدرسون ماستر إدارة .. وبعضهم إدارة أعمال , والبعض الآخر قانون !

بإمكانك مراجعة موقع الوزاره , بصفحة الجامعات الموصى
ومشاهدة التخصص والجامعه والولايه اللي ترغبين فيها ..

ومسألة الألحاق , هي تعتبر توفيق من الله
والألحاق يكون من الوزاره مش من الملحقيه , الملحقيه تعتبر أداء أو حلقة وصل بين الطالب والوزاره
ولو صدر قرار إبتعاث لك , غالباً يكون ثلاث سنوات فما فوق

بالتوفيق إن شاء الله

أعرف زملاء لي , تخصصهم لغة عربيه بكالوريوس
وهم الأن يدرسون ماستر إدارة .. وبعضهم إدارة أعمال , والبعض الآخر قانون
---------------------------------------------------

الله يعطيك الف عافيه على ردك وتفاعلك معايه
اذا ماعليك امر
ممكن تفيديني وتكتب اسماء الجامعات اللي زملائك مقدمين فيها

يا اخت روان انا عندي لك فكره سووها كثير .

تروحي لاي مكتب وتسألينهم اذا فيه جامعات تقبل بالمعدل هذا اذا قالو ايه فيه اسأليهم وشي الجامعه هذي .

وبعدها تروحي انتي وتقدمي على الجامعه هذي عن طريق المراسله


فهد

يا اخت روان
اول شي بمعدلك هذا اللي اعرفه كندا صعب جدا اذا ماكان مستحيل تحصلي على قبول في جامعاتهم

بالنسبه لامريكا لا تروحي لمكاتب عشان القبول ( نصابين) الا من رحم
شوفي اي احد تكون لغته كويسه و راسلي الجامعات بنفسك
راح تلاقي جامعات امريكيه ومعترفه من التعليم العالي ماينظرو للمعدل قد ماينظرو للماده (الفلوس)

بالنسبه للتخصص في شباب عندنا البكالوريوس حقهم لغه عربيه
وقاعدين يدرسو ماستر يعتبر امتداد لتخصصهم في البكالوريوس بس اني ناسي اسم التخصص
راح اسآلهم و ارد عليكي ان شاء الله

بالنسبه للالحاق حاليآ الاوضاع ماهي واضحه
يعني ما اقدر افتيكي في الالحاق

كلام الاخوان .. سليم ومية ميه

ما في شي اسمه.. معدلي نازل محد يقبلني .. وبالذات في امريكا .. بحصل الي يقبل معدلك .. وانا اعرفت كثير معدلاتهم لا تذكر لو في شي تحت المقبول .. وحصلو قبولات ومشت الامور ..

بس الشغله يبي لها بحث ومرااسلة وشووية صبر ..

انا ما انصح بالمكاتب الا الي ماعنده لغه بالمره .. ولطلاب البكالوريس .. اما الماجستير المفروض يدور بنفسه .. ويترجم ووهو المستفيد ..
اسلم طريقة تراسل القسم الي انت حابه تدرسه او احيانا ً تحصل ايميل رئيس القسم .. هو الي يقول اقبلك او لا ..
واهم شي وسااعت السدر لان الموضوع متعب شوي .. بس له نتائج ممتازه
بالتوفيق

الله يوفقكم
وشاكره لكم هالردود اللي رجعتلي الامل
----------------------
واذا احد يعرف اسماء الجامعات اللي تقبل معدلي اتمنى يكتبها
وراح ادعيله من كل قلبي

امممممم

شوفي في جامعه في ولاية أوهايو
أسمها إكسافير , اعرف واحد من الشباب اخذ فيها ماجستير تخصص محاسبه مدري قانون
ماني متذكر بالتحديد .. وتخصصه بالبكالوريوس لغة عربيه !

وهذا موقعهم على النت

Xavier University - Graduate Admission

بإمكانك تراسلينهم وتشوفي كيف طريقة التقديم وكذا
وفيخ عندك بالصقحه كلمة apply online وهي طريقة لتقديم طلب قبولك أون لاين عبر موقعهم

بالتوفيق واي خدمه احنا موجودين

مستر ميهو
ماقصرت على معلوماتك
لكن هل خويك معدله مقبول مثلي
لان اللي مأخرني معدلي