ميزانيه بسيطه ، لكن السكن متوفر مع ولد عمي ، ياليت نصائحكم

انت الحين جب قبول معهد وجامعة وتقدر تكمل دراستك ليش لا
وانت تقول ولد عمك هناك كذا تمام يعني بتوفر مصاريف السكن
وثق ثقة تامه ان الفلوس في الدراسة ماهي خسارة
من ناحية الملحقية كل اللي تسوية انك اول ماتوصل واشنطن تفتح ملف
اقول اعصب راسك وتوكل علي الله سبحانة

أهم شيء تأكد إن المعهد مو مغلق لتكدس طلاب وإن تخصصك بالجامعة ما فيه تكدس طلاب وموصى به
لأن هالأمر حصل لي الجامعة معترف بيها بس التخصص مو معترف بيه فأنتبه الله يوفقك

حاول تطلع للوزاره بالرياض وتروح لهم كذا مره لين تاخد امر اركاب
منها تضمن ان اسمك دخل السيستم ..ومنها تجيك التذاكر بلاش
وعلى حسب المعهد كم راح يكلفك واوريغون ولايه رخيصه
وعلى حسب معلوماتي ان مافيها ضرايب
انتا خد معلومات المصاريف مزبوط من قريبك ..
وان شاءالله ال25 تكفيك مع ربط الحزام ويلحقوك قبل
لاتصرف ريال منها قول امين

بس اخوي حبيت انوه ، انا من ظمن المؤسسه العامه

يعني لارحت هناك وبحول عن طريق الملحقيه ، بيقولون لازم عن طريق المؤسسه العامه

لان وزارة التعليم العالي ، مالها دخل بالمؤسسه العامه للتدريب المهني

هذا كلام الدكتور خالد العنقري لي شخصيآ

اخاف اروح الى هناك وادرس ترم ، وبالنهايه لا بنظم ولا شي ، بس بسبب ان المؤسسه العامه ساحبه علينا

القبول من المعهد بيجيني خلال الاسبوع الجاي ان شاء الله ، وقبول الجامعه ابخلي ولد عمي يجيبه لي

عشان يعادلون لي الساعات ،

الى الحين ماعرفت كيف ابدآ بالضبط :/

ما اعتقد يوجد تحويل بالبعثة عن طريق المؤسسة
اعتقد ان وزارة التعليم العالي استغلت برنامج ابتعاث المدربين التقنيين لتصريف خريجي المؤسسة ونكون طايعين بين المؤسسة والتعليم العالي
انت متاكد من هذه الكلام قول للوزير انه لايوجد تحويل بالبعثة من قبل المؤسسة

والله ياخوك ذا كلام الدكتور خالد العنقري شخصيآ

وهو ماسك يدي بعد ، وقالي بهذا النص

رح للصين ادرس شهر وبتلتحق بالبعثه ،

لكن ياخوك اروح للصين وادرس سنه كامله لغه صينيه ، وبعدين سنتين تخصص ؟

الناس تطمح باللغه الانجليزيه ، مو الصينيه !!

ونا الي محيرني هالحين هل فيه جامعات بامريكا ، تعادل حملة الدبلوم التقني ؟؟

اخاف اروح لهناك ومافيه ،

انا لقيت جامعات بـ ايرلندا تعادل ساعات الدبلوم ،

لكن ماعندي احد اروح له هناك ،

الله يسهل بس

عزيزي حط ببالك انك تكون محقق الشرط الاساسي للالتحاق عشان تروح وانت مطمئن:
(((( تخلص 30 ساعة اكاديمية ))))
بمعنى لازم تكون جايب درجة التوفل او الأيلتس المطلوبة في الجامعة الي راح تدرس فيها , وايضا لازم يحسبو لك عدد ساعات من الدبلوم حقك قد ما تقدر يصير لو حسبو لك 15 ساعه يكون باقيلك 15 ساعة يعني ترم واحد على حسابك وبعدها تتحول حسب النظام

يعني لا تروح وانت لسه تبي تدرس معهد ومعاك 25 الاف لان تقريبا استحالة تكفيك لغة و 30 ساعه , واذا كفتك لغة فقط فما راح تكلفك دراسة , والتحويل يصير برحمة الوزارة بينما لما تروح وانت محقق شرط اللغة وباقيلك بس ال 30 ساعة , يصير المبلغ الي عندك ينصرف في مكانه ويكون نسبة تحويلك 90 % بدلا من 50%

الله يوفقك ويعينك عزيزي

قال اليك الوزير يتم تحويلك في الصين بعد شهر بالبعثة عن طريق الوزارة او المؤسسة
اذا كان عن طريق الوزارة فكيف يتم تحويلك في الصين بالوزارة ولايتم التحويل في امريكا
الوزير قال اليك روح الصين لان الطلاب قليلين في الصين حوالى 500 طالب فقط
اما ذي ماقلت اليك لايوجد تحويل عن طريق المؤسسة التحويل فقط عن طرق الوزارة لان الوزارة هي المسئولة عن التحويل

طلع حتى الوزير يصررف

ياخي غريبه يعني بالصين اووك وبامريكا لاا ؟؟!!!

شف وانا اخوك اللغة الصينية قادمة وبقوة للعالم والصين بلد حلو وكل مارح لها احد يمدحها من ناحية دراسة او سياحة
الصين الآن تفرض نفسها غصب لقوتها الاقتصادية في العالم
ازيدك من الشعر بيت الآن يوجد طلاب امريكان يدرسون اللغة الصينية شنو السبب برآيك ؟

انا من وجهة نظري ان التميز بحد ذاته انجاز للشخص وبما انك مهني فالصين هي وجهة مفضلة للمهنيين

اولا واخيرا استخير ربك
لان من كلامك ان الـ 25 الف هي الي وراك والي قدامك يعني من كلام الوزير وكلام الناس في تصريفات الملحقية من دخول السيستم وكذا اعتقد ان الوضع نسبته ضئيلة في الالحاق

ان كان همك دراسة فاللغه ماراح تكون عائق لك وبالنسبة للغة الانجليزية بأي مكان تقدر تدرسها اما معظم او كل اللغات فهي حصر بالدولة الناطقة لها

تحياتي لك لهمتك العالية مجرد رآي ليس الا