عسكري وانلحس راسي من كثر القرارات ماصار التحاق

والله ماعندي خلفية والشباب مايقصرون
ولكن انا من رايي اذا زوجتك تبي تكمل
خلها هي اللي تقدم على الالحاق
واذا قبلت تكون مرافقها
ولا تخسر وظيفتك لان ماتدري عن الظروف

^^ الكلام هذا مضبوط خلي زوجتك تقدم على بعثه واذا جاتها انت نظاماً تطلع مرافق معها وانت موظف عادي هذا حل الحل الثاني والاضمن من وجهة نظري خلك في عملك وادرس لغة عندك وجيب التوفل في السعوديه وجيب قبول جامعه واطلع على حسابك ادرس الجامعه على طول تلتحق بسرعه وانا افضل الخيار الاول والاضمن خصوصاً وانت متزوج وتعيل اسره ... الله يوفقك

ali-al-shehri


اخى انا اشجعك على طموحك لكن لاتغلط غلطة ناس سبقوك عليها

لانه اذ سافرت بيجى شخص مسؤل عنكم اسمه سعد العرينى ,,

اذ انت موظف او عسكري ومامعك موافقه رسمية ماراح يتعاون معك ويستلم اوراقك

اضف الى ذلك انه الاخ سعد العرينى بيقولك تبغى توقع انك مو موظف مو مشكله

بس مانتحمل المسؤلية انت تتحملها ,,


فريح راسك وجيب اجازه دراسية عشان امورك تمشي بالسليم اذ تبغى الحاق ,,


تحياتى

يارجال خلك بوظيفتك وش لك بالمرمطه

هلا بك اخوي

مدري اذا انت تقصد تقدم الحاق من الخارج بعد الدراسة فترة معينة هل ان شاء الله مضمون يضمون زوجتي في

الالحاق وكم تحتاج الفترة عشان يضمونها لو درستها على حسابي لأني مقدر على اكثر من 3 شهور ؟

واذا انت تقصد اقدم على البرنامج من السعودية فالبرنامج الحين مغلق للسنة الجاية وعاد ردد متى يفتح ومتى اصلن تنقبل

ولا وش رايك

هلا اخوي روكو

ماظنتي النظام يسمحلك ياغالي وهذا الي فاقع مرارتي نظام الافراد مااتوقع ابد يفرغك من عملك عشان تكون مرافق

لزوجتك والله ظلم وكبت حماس عيني عينك

انا ادرس في الجامعه الآن لغة لكن وين ذا اختبار التوفل ومن وين اختبره وكيف ؟؟

وانا قلت بطلع على حسابي بدرس شهرين او 3 واقدم على الملحقية لكن هل بيقبلوني على طول ؟ او بيتأخرون علي ؟

وكم فترة القبول في الملحقية ؟ ناس قالولي اقل من شهر والي يقول شهرين وكثير

والدوام مايعطيني اصلن اجازة اكثر من شهر حسبنا الله عليهم مع ان النظام فيه تقدم سنة لو تبي بدون راتب ولا ؟

الخيار الاول حلو لكن مطول وسمعت انه اسهل بكثير وزي ماقالو الاخوان لو قدمت الالحاق من كندا نفسها بعد شهر

من الدراسة

ويوفقك ياغالي

لاهنت على تفاعلك

حياك ربي يابعدي وتسلم على كلامك الطيب

طيب الاجازة الدراسية كم مدتها لو قدمتها لهم ؟ وهل بيصرفون لي راتب او يتوقف ؟ وكم اقصى فترة اقدر اقدم فيها

اجازة دراسية ؟

وهل في النظام اصلن ها الاجازة الدراسية ؟؟

ولو قدمت اجازة دراسية ياغالي بكون نفس الشي عسكري لو قدمت اوراقي للاخ سعد العريني ولا تفرق ياغالي ان كنت مقدم اجازة دراسية وان ماكنت مقدم ؟


انتظرك تفيدني ومشكور ربي يسعدك

هلا فيك اخوي تاكي

والله ياغالي الناس تدور الافضل وتدور الوظيفة والمستقبل الافضل الا العسكرية ماحد يبغاها ولا احد مرتاح فيها

سواء كنت في قطاع ممتاز او قطاع عادي

والمرمطة ياخوي فترة بسيطة وتبني مستقبل ان شاء الله لك ولعيالك

حتى شيبانك عسى الله يخليهم يابعدي يفرحون وينبسطون لاشافوك شاد حيلك وتدرس ومهتم

بسم الله الرحمن الرحيم

أخي الكريم علي أسئل الله العلي القدير أن يوفقك ويسهل أمرك ...
أخي الكريم أذا كنت تفكر أن تستقيل من عملك .. فأنا لا أوافقك الرائي أبداً والوظيفة مطلب أساسي من مطالب الحياة بما أنك متزوج وتعيل أسرة واطفال ولا يعقل ذالك أبداً..
الشئ الذي أنصحك به أن تحصل علي قبولات لزوجتك من أحدى الجامعات الأمريكية وتأخذ أجازة من عملك وتذهب ألى هناك لأن أمريكا فرصة الألحاق بالبعثة فيها أسهل من باقي الدول وبعدها وبعدها يا أخي الفاضل تقوم بالتقديم بالألحاق بالبعثة لزوجتك ..
أذا الحقة زوجتك بأذن الله تعالى تقوم بطلب أجازة مرافق وهذا النظام مسموح به للمدنيين والعسكريين وهناك قرار من مجلس الوزراء يسمح لهم بالتفرغ كمرافقين لعوائلهم وأنا متاكد من ذالك وأعرف احد الزملاء من القطاع العسكري تم تفريغه ليكون مرافق لزوجته خلال مرحلة أبتعاثها ..
أذا تم تفريغك تستطيع الألتحاق بالبعثة وتدرس وتعامل كانك مبتعث بدون أن تلجاء الى الأستقالة من عملك

تقبل مروري وأذا أردت اي شي فأنا في أتم الأستعداد لمساعدتك