استفسار شباب بالله عليكم اذا احد يعرف مكتب يقدم ضمان مالي

ممكن تروح لمكتب IDP او مكتب IGEC ممكن يساعدك
وموفق اخوى

هههههههه ...
جديدة هذي - مكتب يقدم ضمان مالي , بصفته مين عشان يقدم ضمان مالي / المعذرة مازن بس بقولك خبرتي وإن شاء تفيدك
يا حبيبي إذا كنت طالب على حسابك الخاص تدفع رسوم الدراسة مبدئيا من خلال الوزارة وتعبي أوراق فتح ملف طالب خاص من الرياض وترسل للملحقية في كندا طبعا ممكن تراسل الملحقية بالإيميل ويقولون لك إش المستندات المطلوبة بالضبط. طبعا ممكن ترسل أوراقك مباشرة إلى الملحقية بس الشيك لابد أن يكون من خلال الوزارة عشان ورقة الضمان وعشان ضمان وصول الشيك على مسؤوليتهم وياخذ له تقريبا أسبوعين. وعلى أساس الشيك المدفوع للملحقية تصدر لك الوزراة ضمان مالي نظاما, وتقوم الملحقية بالتسجيل مرة أخرى بالنيابة عنك في مقر دراستك ومن ثم ترسل ضمان مالي لجهة الدراسة فور وصولك. بعدها تبدأ إجراءات طلب الإلحاق وعند الحصول على البعثة يتم إسترجاع كامل المبلغ الذي دفعته من خلال الوزارة على داير مليم ...

ملاحظة: Toronto و Ottawa هي مدن في ولاية Ontario .

طيب وين احصلهم هالمكتبين الله لايهيينك اخوي وشكراً

ياعزيزي فيه مكاتب تعطيك ضمان مالي علشان تقدم على السفارة .. انا سألت عن الحصول عن ضمان من الوزارة فماقدرت
وسمعت انه فيه مكاتب تقدم ضمان للسفارة
الدورة انا دافع فلوسها مافيه مشكلة بس المشكلة بالضمان عارف كيف
والصراحة استفدت من تعقيبك على الموضوع لكن بسألك عززي هل فتح الملف من
الوزارة نفسها ولا من الموقع ياعزيزي ..
وشكراً

اخوي اللي انا اعرفه انك تطلع ضمان مالي من البنك اذا كنت رايح تدرس على حسابك يعني تحط فلوس برصيدك او رصيد الوالد وتطلب منهم يعطونك ضمان مالي بعد كذا تقدر تسحب المبلغ بعد مايعطونك الضمان المالي واذا تعرف احد بالبنك كلمه خله يساعدك فيها

انا سويت الطريقة ذي واعطوني فيزا طالب سنة كاملة وتصريح دراسة سنة طبعا لازم يكون عندك قبول معهد
اتمنى ان المعلومات ذي تفيدك وبالتوفيق

انا عارف الله يرضى لي عليك ..
لكن المشكلة مو متوفر المبلغ المطلوب علشان اطلع الضمان المالي ،،
شكراً لك ..

معليش على المداخلة بس سؤال الضمان المالي هوا الشهادة البنكية؟

أنا جيت كندا شعبان إللي فات , وقتها الأنظمة الجديدة الحالية وتفعيل نظام الربط الإلكتروني لم يبدأ بعد. أذكر إن الوزارة إستلمت مني الشيك وأعطتني خطاب إستلام. هذا الخطاب مع مستندات كثيرة طلبتها مني الملحقية بعد مراسلتهم بالإيميل كطالب على حسابه الخاص أرسلتها بالبريد السريع وتابعت مع المشرف الدراسي بالإيميل لتأكيد وصول الأوراق. عند وصولي كندا طلبت فتح ملف طالب خاص من جديد كالعادة من خلال موقع الملحقية مع رفع المستندات المطلوبة وطلب إلحاق بالبعثة.
نرجع للوزارة : على أساس الشيك إللي إستلموه والخطاب إللي معك تطلب ضمان مالي نظاما.
طبعا أحيانا كثيرة أمور السفارة تمشي بورقة بنكية تثبت وجدود رصيد كافي للدراسة حسب نوعية دراستك لكن مو أقل من 70 ألف على ما أظن حسب كلام مكتب الجسر الأزرق بالرياض. لكن عندي زملاء طلبت منهم السفارة مع الشهادة البنكية ضمان مالي ومثل ما أنت عارف السفارة تقييمها لطلب الفيزا متغير حسب الشخص إللي ماسك المعاملة إللي ممكن يرفض إصدار الفيزا لو ما إقتنع بطلب المتقدم ومنها لو ما إقتنع من البداية بجدية وإمكانية دراسة طالب الفيزا. أرجو إنك ما تخاف بس هذه معلومات عشان تتحسب لأي شيء غير متوقع .
بعدين إذا إنت دافع رسوم الدورة ليش ما دفعتها من خلال الوزارة؟ هل تعلم نظاما لا يجوز لأي طالب الدراسة في كندا إلا من خلال إشراف الملحقية حتى لو على حسابه الخاص. أنا كان مبلغ الشيك إللي دفعته 29 ألف دولار تقريبا, فالمبلغ كثير فكان الأضمن من خلال الوزارة عشان حتى لو لا سمح الله وإنرفضت الفيزا أو صارت مشكلة مع مقر الدراسة الوزارة ترجع شيكك لك مرة ثانية بكل أمان.
تحياتي

ماعندي خلفية والله
انا ياعزيزي مو مبتعث انا على حسابي انا خلصت كل اموري بس ابغى ضمان مالي علشان الفيزا اطلعها
المشكلة ماعندي ضمان فعشان كذا قمت اسأل عن الوزارة هل تعطيني ضمان امشي فيه اوراقي بالسفارة
قالوا لا فالان مشكلتي الوحيده الضمان بدور مكاتب تقدمها ولا السكوى لله اتسلف من احد وربي يحلها وييسرها ،،

شاكر لك تعاونك اخوي ..

على فكرة الان السفارة تطلب مبلغ 70 ألف راكد في الحساب مدة لا تقل عن 6 أشهر. هذا إللي قالوا لي خلال شهر جانيوري 2009 وفيه ناس طلعوا شهادة بنكية عن طريق تحويل مبلغ معين إلى حسابهم بس عشان الشهادة وبعدها يرجعون المبلغ إلى صاحبه ... المهم بعضم مشى حاله مع السفارة والبعض تم رفض الشهادة البنكية من السفارة هذا كلام مكتب الجسر الأزرق إللي بالرياض مرة أخرى
بس عموما إتكل على الله ولا لك إلا هذا الحل. طبعا السفارة الأمريكية تكتفي بهذه الشهادة ولكن الكندية أكثر تعقيدا ...