مساعده

شكرا اخوي بس وين الرقم؟!!! واي سنترال اللي ادق عليه

السلام عليكم

الرقم هو 014415555

بعدها بترد عليك الرساله الالكترونية
اضغط انت صفر و تتحول للسنترال
طبعا انت و حسن حظك يمكن تلاقيه ماله خلق و نفسة بخشمه على العموم انت ما عليك منه
انت قول ابي مكتب الوزير طبعا ما راح يفيدونك بشيء و بيحولونك على حضرة المعجل
و الله يعينك على مماطلة المعجل و مكتبة


شكرا

والله من وراء القصد

شكرا اخوي ..

بس بقول لك انا شنو ابي منهم يمكن تقدر تساعدني..

انا اخوي يدرس بباكستان طب .. وابي ادرس معه بس على حسابي ..

دق عليهم ابوي الاسبوع اللي طاف قالوا له ما فيه بعثات على حساب الشخص الحين..

والله تفاجاءت بس شكل الموظف اللي كلمه ما يعرف شئ ..

عشان كذا ابي احد يساعدني ابي اكلم شخص موثوق منه ..

لان انا بالشرقيه وما ابي اطق مشوار وبعدين ارجع بفشيلتي.. ابي اكلمهم قبل ..

ساعدوني الله يخليكم..

ما فهمتك

تقولين ما فيه بعثات على حساب الشخص؟؟؟

ما فهمت هالنقطة
و اكتبي المشكله كامله مره ثانيه و ماهي الاشكالات التي تواجهينها

و انا اعطيك الاجوبة بدون الحاجة للذهاب الى الوزارة

شكرا

و الله من وراء القصد...

مرحبا اخوي ..

انا خلصت ثانوي ودرست بكالريوس رياضيات.. ولاتوظفت ولا لي رغبه بالتدريس اساسا..
وابي ادرس تخصص ثاني .. فكرت وقلت دام اخوي يدرس في باكستان بروح ادرس معاه ..

كلم ابوي الوزاره يسالهم عن الاوراق للي محتاجينها عشان ناخذها معانا لما نروح نطلع موافقه من عندهم ..قال له اللي كلمه مافيه دراسه على حساب الشخص نفسه..

حنا استغربنا ..شلون ذي؟!!!

بس شكل الموظف اللي كلمه ما يعرف شئ..

الطلب اللي ابيه الحين ..

ابي اكلم الوزاره لان لدراسه الطب لازم ما تكون عدت على شهاده ثانوي خمس سنوات .. انا الحين صار لي خمس سنوات وكم شهر عدا عليها ..

قلت بكلمهم احسن من اطق مشوار للين الرياض وارجع بدون شئ..

ابي اسالهم يقبلون بهالشئ والا لا؟!!!

ابي رقم ادق عليهم فيه اللي يكلمني يكون عارف كل شئ..

فهمت علي اخوي؟!!!!

اتمنى تساعدني لان الوقت يمر على الفاضي..

السلام عليكم

اول شيء يا اختي تستطيعين تاخذين من وزارة التعليم العالي موافقة مبدأية و هذا من ابسط حقوقك
لان هذي الموافقه مهمة جدا للاننضمام الى البعثة اولا و لمعادلة الشهادة الجامعية اخيرا

بخصوص انك عديتي اكثر من خمس سنوات على التخصص فوالله ما ادري لكن الوزاره على ما اعتقد ما يهمها دام ان عندك قبول من جامعه في باكستان و معترف فيها من الوزاره فالمسألة منتهية و ما اعتقد ان الوزارة لديها الفطنة الكافيه و التدقيق في تطبيق النظام بالشكل الي انت تتخيلينه
ردي هذا على افتراض ان الوزاره منعتك لان انا فهمت انا المنع من الوزاره و اذا كنتي تقصدين جهه ثانيه قوليها لنا



اتمنى اني افدتك

شكرا

و الله من وراء القصد....