استفسار كيف اخ1 معي مبالغ مالية .. لامريكا .. وهل النك الامريكي .. بالسعودية ؟؟؟؟؟

وين الردود ياجماعه

افضل شي لاتاخذ كاش ولا شيكات سياحية

رح البنك الأهلي وافتح حساب عندهم واطلب بطاقة ماستر كارد مسبقة الدفع قيمتها 100 ريال

حط فلوسك كلها في حسابك الي في البنك وكل ما حتجت شي تقدر تشحن البطاقة

مميزات البطاقة
مافيه فرق عملة
مافيه رسوم على الشراء عن طريق نقاط البيع
مافيه رسوم للبنك على السحب عن طريق الصرف... مجرد الرسوم حقت الصراف الامريكي

موفق ان شاء الله

طيب إللي عنده بطاقة فيزا من الراجحي

ما تشتغل معاه بأمريكا

يعني ما يقدر يسحب منها وإلا بإمكانه

السلام عليكم
اخي الكريم من خلال بحثي واللذي استمر قرابه شهر عن كيفيه اخذ الاموال الى امريكا راح اعطيك الخلاصه وان شالله تكون مفيده لك
انا مثلك طالع الاسبوع الجاي وهناك عده طرق لحل هذه المشكله
الطريقه الاولى انك تاخذ معاك المبالغ النقديه با الدولار وهذي طريقه غير امنه لانه ممكن انك تتعرض لسرقة وهذي حصلت مع كثير وغير كذ برضو اذ اخذت مبلغ اكثر من 5000 الاف دولار راح يسألونك في المطار ليش ماخذ المبلغ الكبير لانه في الطائرة في ورقه تعبيها من ضمن الاسئلة كم تحمل من مبلغ نقدي طبعاً اذا قررت انك تاخذ المبلغ معاك جاوب السؤال انك تقول اني طالب وراح ادرس بأ امريكا وراح افتح بهل مبلغ حساب في بنك في امريكا
الطريقه الثانية استخدام فيزا البنك تبعك بالسعودية: هذي الطريقة ممتازه خاصة ان معظم الاماكن بأ امريكا لازم تستخدم الفيزا لشراء ودفع بس ما انصحك تسحب فيها مبالغ نقدية لان كل سحب راح يخصمون منك مبلغ وهي ضريبه خدمه وطبعأ هذ المبلغ يختلف من بنك لبنك وايضأ من سلبيات استخدام الفيز انه راح يكون سعر الصرف 3,90 دولار وليس 3,75 دولار لانك جالس تستخدم فيزا مستخرجه من بنك في السعودية
الطريقة الثالثه استخدام بطاقة مسبقة الدفع: طبعاً تطلب هذه البطاقة من بنكك اللي تتعامل معه وتطلعلك فاضية انت تعبي فيها من حسابك وتستخدمها بس هذه االبطاقة غير مقبوله في بعض الاماكن بأ امريكا
طريقة استخدام اون لاين من بنك هذي طريقه ممتازه يعني تفعل خدمه اون لاين من البنك اللي تتعامل معه وبعد ما تاصل امريكا تفتح لك حساب وعادي تقدر تحول من حسابك اللي بالسعودية لحسابك اللي في امريكا
طريقة خذ شيك سياحي او مصدق من بنكك :هذه الطريقه سهله تطلب من بنك شيك سياحي او مصدق للبنك اللي راح تفتح فيه حساب في امريكا واذا وصلت امريكا تفتحلك حساب وتودع الشيك فيه بس من سلبيات هذه الطريقه انه راح تاخذ وقت حتى يتم ايداع الشيك في حسابك في امريكا وينزل فيه قرابه الشهر
الان بقولك ما هي افظل طريقه تستخدمها
المبلغ النقدي اللي معاك تعطيه والدك او اخوك وبعد ما تاصل امريكا وتفتح حساب هناك ترسل بينات حسابك اللي فتحته في البنك الامريكي لشخص اللي عطيته المبلغ النقدي وهو يروح لبنك ويحول المبلغ للبنك حقك وهذي الطريقه تاخذ 3 ايام وخلال هل وقت تستخدم الفيزا حتى يتم وصول المبلغ في حسابك الامريكي
نصيحه لكل شاب لا تاخذ معاك مبالغ نقدية كبيره تتعرض لسرقة او للمسأله
اتمنى اخي اني افدتك وافدت اعضاء الموقع
بالتوفيق لكل مبتعث

تعقيبا على الاخ تعقيب الاخ السابق

اعتقد اذا كان اكثر من 10000 دولار يسالون

انا لما جيت امريكا كان معاي 8300 دولار

كان معي 2300 كاش

و 6000 شيك مصرفي باسمي

جيت هنا وفتحت حساب وودعتهم ومانقس منهم ولا ريال لما ودعتهم وانودعوا تقريبا خلال اسبوع

بنكي في السعودية البريطاني قوله انا ابي اسافر وابي اسوي شيك باسمي هم يعرفون الطريقة

ولما جيت هنا فتحت حساب في bank of america البطاقة يعطوك اياها في نفس الوقت ويودعون لك الفلوس

والشيك ينودع في اسبوع تقريبا يتاخر يومين زيادة يمكن

اتمنى اني افدتك اخي الكريم

بالتوفيق للجميع انشالله

الا تقدر بس فيه فرق عملة يعني تطلع عليك اغلى من بيع السوق... بس بطاقة الاهلي مسبقة الدفع مافيه فرق عمله ولا شي

جزاك الله خير بس يقولون حقت الأهلي ربوية

معد ندري نصدق مين ونكذب مين

حقت الاهلي شرعية 100%

انا اتكلم عن مسبقة الدفع... وبعدين وشلون ربويه وهي ما تعطيك الا الي تحط فيها

مسبقة الدفع كانه حساب عادي بس يعامل على انه فيزا

جزاكم الله خير .. اخواني


شكلها بطلع حقت الاهلي ان شاء الله ..


وبودع فيها 1000 دولار ..اعتقد تكفي .


والباقي اذا وصلت هناك بفتح حساب ..


واخلي الاهل يرسلوني


الله يطولبأعماركم ويجزاكم خير


دعواتكم لي .. لان اليومين هذي بيصير حرب بوزراه التعليم العالي

خخخخ بطلع بطلع من عندهم ..