ابي مساعدتكم الله لايهينكم

اخوي اولا: وسع صدرك ولاتشيل هم شي بالدنيا دامك مثل ماقلت بصحه وعافيه هذا هو المهم والله يمتعك بالصحه والعافيه

ثانيا : انا خريج ثانويه عامه عام 2001 وشرعي بس نسبتي 80% وجبت قبول من جامعه معترف فيها وبقدم على وزارة التعليم ان شاء الله الاسبوع الجاي وانا طالع بعد شهر باذن الله

اما بالنسبة لموضوع الحاقك بالبعثه ومسألة الثلاثين ساعه هذي للي وللاسف ماعندهم (( واسطه ))
يعني تقدر انت تجيب قبول من جامعه معترف فيها وتطلع الفيزه وبعدها تقدم على وزارة التعليم العالي وتطلب لك امر اركاب (تذكره)
وفيه ناس للامانه قدمو بدون معارف ولا واسطات وحصلو على امر اركاب
واذا اخذتها امورك ان شاء الله 90% ميسره وموضوعك قبولك راح يتم بشكل سريع

انت استخر ربك وافعل الاسباب وجب قبول وطلع فيزه وبعدها قدم على التعليم

وان شاء الله تفرجلك باذن واحد احد

اخوي لك عندي نصيحه لوجه الله ما ابتغي من وراها غير الدعاء لي و لوالدي.....

مثل وضعك وخصوصا انك بتطلع تدرس بكالوريوس .... لاني انا مانصح الشباب انهم يطلعون يدرسون بكالوريوس وخصوصا بعمرك وعلى وجه زواج...... المبلغ الي معك افضل انك توفره لانه ماراح يغطيك حق سنه بالكثير وانت وراك سنه لغه واربع او خمس سنوات بكالوريوس وهذي كثيره لو اضفتها الى عمرك لانه الناس تتخرج من الدكتوراه على العمر وناس مخلصين ماجستير بعمرك هذا عشان كذا انصحك انك تدرس الانتساب المدفوع في اي جامعه بالسعوديه على الاقل وتكون عند اهلك وقريب منهم وتشوفلك شغله باي مبلغ وانت ذكرة قبل كذا انه راتب البنك مافيه بركه حتى لو 20 الف وان شاءالله لو لقيت لك وظيفه راتبها اكثر من 3 الاف ان شاءالله ربنا يباركلك فيه ....

لو بتدرس ماجستير ممكن اقلك روح توكل على الله لانه الماجستير من سنه الى سنتين بالكثير ..... لكن البكالوريوس طويل والله وماهو بسيط او سهل ....

فالافضل لك تدرس انتساب مدفوع او تدرس بالجامعه العربية المفتوحه او الجامعات الاهليه بالسعوديه اوفر لك وافضل وان شاءالله ربنا يسهل امرك ويوفقك بدراستك ويبلغك مبتغاك

الف الف الف شكر اخ فواز 15 وماقصرت وردك الصراحة اثلج صدري ولك مني بعد الله الدعوة في ظهر الغيب والله يوفقك في دراستك ورضا والدينك دنيا وآخره .

الأخ بيبو الغالي مشكور على نصحك وبيض الله وجهك .
بس يالغالي اخالفك الرأي بالنسبة لإقتراحك لأن الرسول صلى الله عليه وسلم قال ( أطلب العلم من المهد إلى اللحد ) او كما قال صلى الله عليه وسلم . فما يفرق العمر وتخيل فرضا اخي الكريم اني تزوجت وراتبي 5 الاف فأسألك بالله العزيز القدير هل هذا الراتب يفي بإحتياجات زوجتي ويغطي ماصاريف فواتير البيت او الأثاث او إلخ.. ؟؟؟؟ انا بأتزوج بنت الناس عشان اسعدها وأعزها ولا أخليها تحتاج لأحد دام راسي يشم الهوا مابي اعذبها معاي مابي احسسها ان زوجها عاجز او مايقدر يصرف على بيته تعرف ليش ؟ لأن البنت او الزوجه او الأنثى بمعنى اصح هي من ارق واروع ما خلق الله سبحانه فالمفروض نقدر هذي النعمة ونخليها تعيش بسعادة ورخاء موب كل يوم متسلف من واحد وكل يوم يدق بابي ديان (( وهذي شفتها لبعض الشباب المتزوجين من زملائي )) اعانهم الله .
فمالي حل الا اني اكمل دراسة واجيب شهادة تكون بعد الله سبب لمصدر رزقي والزواج لاحقين عليه انشالله وبنات الحلال كثير عسى الله يقدرنا على اسعادهم لأنهم هم نكهة الحياة وبدونهم نعيش حياتنا بلا الوان ....
والفلوس بعد الله تروح وتيجي بس اهم شي تكون متعلم والعلم عباده ولو في آخر الأرض وبإذن الله نخدم وطننا وديننا ومليكنا ونرتقي به للعلالي بعظمة الله بعلمنا واكرر شكري لك على النصيحة وخذها مني وانا اخوك ولا تزعل ((الدراسة عندنا ولا بريال وكل يوم جايك دكتور او محاضر في جامعاتنا العزيزة هدفه الوحيد تعقيد الطلاب وكبح جماحهم العلمية لكي لا يبقى سواه ويحاول بشتى الطرق ان يحطم الطالب داخليا وفكريا بطلباته التي تعتبر من التعجيز للتلميذ المسكين لكي لا يأتي اليوم الذي يأتيه فيه هذا الطالب ويتفوق على معلمه ويأخذ مكانه وصدقني للأسف هذا حال اغلب دكاترتنا الأفاضل ! في جامعاتنا وياما حتشوف وهذول اخواني قدامي اكبر مثال حي اقتدي به )) فعشان كذا الواحد يفكر يدرس في مكان يقدر (( بضم الياء وشد القاف )) فيه جهده ويعطى على قدر تعبه وجده وإجتهاده وهذه للأسف قل ان نراها في الدول العربية فهمت يالغالي ؟؟؟

الله يوفقنا وياكم وننتظر بقية الردود

اخي العزيز اهنيك على طموحك لاكن على كثر ما شفت في وزاره التحطيم العالي اذ معاك واسطه امورك سهلات اذا ما معك واسطه والله لو ك متخرج بتقدير امتياز ما اقولك هل كلام عشان احطمك لاكن انا لي فوق الشهر عشان اطلع امر اركاب وكل ما جيتهم قالولي امر الاركاب موقف من العطيه واشوف ناس قدامي جالسين يطلعونه
اتمنالك كل توفيق

بنشوف بنكلم فلان وعلان ونذب وجيهنا على الناس الين ربي ييسرها انشالله ومشكورين حبايبي