اسئلة السفارة الامريكية للي على حسابهم الخاص

السلام عليكم ورحمة الله وبركاته
أختي الكريمة
السفارة الامريكية مافرقت معاهم على حسابك أو بعثه
فقط بسؤال واحد
مين اللي يصرف عليك
والحين اقولك كل أسألتهم
==============
اول مره تروح أمريكا ؟
طيب وش عندك رايح ؟؟ >>> أزرع بصل
أي ولاية بتروح ؟
وش تدرس ؟
من يصرف عليك ؟
(اذا على حسابك راح تقدمين لهم الشهادة البنكية , وبعض المرات يطلبون كشف حساب)
ومتى تخرجتي ؟
ذاا متخرجة منذ مبطي >> متعوب عليها الجكلو ذي
راح يسألون وش سويتي طول الفترة بعد التخرج
وبما أنك بنت ما اظن يسألونك هذا السؤال
مرات يسألون سؤال بآآيخ اللي هو :
انت بتروح تدرس ولا طالع تبي تعيش او تسوي شي هناك لا وبعد معها ابتسامه

ملاحظة : الامر والله والله والله والله سهل فوق ماتتصورين
ولا تشيلين هم ولا تخوفين من المقابله
وبتروحين وشتوفين وربي كل شي سهل وبسيط
ويارب بالتوفيق في الدنيا والآخرة

الامر سهل وبسيط
سالوني من بيدفع تكاليف دراسيتي ؟ قلت أبوي .....قالت اوكي وانتظر الفيزا

جزاك الله الف خير اخ العساف الله يريح بالك دنيا وآخره يارب.

بسسسس ؟ والله ياريت أنا كنت خايفه فرحتني الله يسعدك دنيا واخره

السفآاره والله مآامنهم خوف أبدآا ,.

بصرآاحه كنت مثلك خآايف من ها السؤآال وأخذت كشف حسآاب معي
سألني من يبي يتكفل با الدرآاسه قلت فلآان حتى مآاطلب كشف الحساب .


روحي وتوكلي على الله وان شاء الله تساهيل .

السلام عليكم

1- من وين تخرجت
2- وش سويت بعد التخرج
3- من يتكفل بدراستك , اذا اي احد بيتكفل بدراستك جيبي لهم شهادة بنكية بمبلغ لا يقل عن 30 الف دولار سواء والدك او اخوك او حسابك الخاص انتي
4- وين بتدرس اي ولاية , عادي المعهد بولاية والجامعة في اخرى

اخيرا انتظر الفيزا

بعدها تذهبين لفيدكس اللي في السفارة وتعطيهم الوصل ويقولون لك وين تبين يجيك جوازك

لاتنسين تاخذين معاك فلوس لاتقل 100 ريال اذا كنتي ساكنة في الرياض و200 اذا انتي خارج الرياض علشان قيمة ارسال جوازك لفيدكس , وتقريبا 70 هي للرياض و130 لخارجه

ترى انا رجعت للبيت علشاني ناسي محفظتي


والله اعلم

موفقه