يا اللي ما شملتكم المكرمه الملكيه يا ضحايا التحبيط تعالو هنا ..

السلام عليكم

أضم صوتي لصوتك اخي بو عبدالله

والله مو بس انت اللي تأثر من هالتحبيط ناس كثير مساكين هوونوا وكنسلوا الفكرة من اناس ينقولون أخبار مصدرها مش موثوق وبعدين يجون يقولن نحن مش معصومين من الخطأ هداهم الله

اخي بو عبدالله عزائي لك. ولكن مثل ما جت هالمكرمة ترا والله باقي امل. يمديك وانا خوك يمكن تجي والله بيفتحا بوجهك لا ترجع للمنتدى وانت معزم. الله معك.

يا استاذي الفاضل والعزيز

ترى ما احد ياخذ في هالدنيا الا رزقه ونصيبه الشباب هنا منهم ناس اكلوا هوا لحد ماجاتهم البعثة .. انا قريبي انا داخل في الشهر الثامن لين جاته بعثة والمكرمة ما احد يدري عنها او متى تجي والا كان كل الناس جاو قبل المكرمة بيوم او بيومين!

اتمنى لك التوفيق من كل قلبي ولجميع الطلاب. ولعلها خيره. وشد حيلك واذا ربي كاتبها لك ان شاء الله بتحصلها.

والله يوفقك يارب.

مع احترامي للكاتب , ولكن لك عقل تفكر به وبصيرة تمشي عليها , المنتدى واعضائه وبعض الاشخاص الموثوقين فيه , كانو ينقلو لنا الأخبار الواقعية والحاصلة وتجاربهم الشخصية , والي كانت ولا زالت حقيقية وقد يكون بعضها مكذوب ولكن مو من الاعصاء الثقات بالمنتدى , الي حصل مكرمة , يعني فزعه , لا الوزارة عندها علم مسبق وبالتاكيد موظفيها ما عندهم خبر , لان الملك قرر الشيء هذا وكان ممكن الوزير يعرض عليه وضع الدارسين على حسابهم الخاص وما يتكرم علينا , لكن هاذي مو من طبايع الملك عبدالله وهو دائما في صف شعبه.

لعلمكم صوت الدارسين على حسابهم الخاص مستحيل يطلع ويكون له صدى لولا الله ثم المنتدى لانه الوسيلة الوحيدة القانونية للتعبير عن الحال والوضع الي يمر فيه كل شخص

فاذا تلوم..

المنتدى: أخطأت فهو يوفر البيئة المناسبة
الاعضاء: أخطأ فهم يمثلون تجربتهم الشخصية نحتاج لأحترامها ووضعها بالحسبان
النقالين للأخبار في الوزارة: أخطأت فهم يضعوك في ارض الواقع وبعيدا عن الاحلام

ما حصل "المكرمة" عبارة عن خبر مفرح وسار وغير معقول وفوق الطبيعي , فلا تبدأو بكتابة المواضيع السلبية والي ما تفيد المنتدى ولا تفيدكم وبل ممكن تأثر سلبا على الاعضاء الي يعطوا من وقتهم في المتدى بدون مقابل وفاعلين للخير

اخوي بدر اشكرك على مرورك على الموضوع

لكن هل يعقل اني اجلس في بيتي واقول الي كاتبه ربي بيصير ولا لازم نفعل بالاسباب

يعني الان الطلاب الي راح ينضمون للبعثه جلسوا في بيوتهم وقالوا ما بناخذ الا ربي كاتبه وجتهم المكرمه لين بيوتهم ؟؟!!!!

ولا فعلوا بالاسباب وجهزوا اوراقهم ورحوا وربي وفقهم ... والله يوفقهم انشالله

وبالنسبه لموضوعي انا مو جالس الحين اعاتب ولا ابي الماشي يرجع الموضوع هذا نقاش للحل حق الايام الي جايه

وبالنسبه للمكرمه اكيد محد يعرف وقتها اخوووووووي

لكن الوزاره ليه رفضت طلاب الجلسه صدقني اخوي ما رفضتها عبث

وهذي مو اول مره يضمون فيها طلاب بالشكل هذا يا كثر ما طلع الوزير الدول الي برا وضم الدارسين على حسابهم

الله يكتب لنا نصيب انشالله

وانا مع احترامي لك لاتفسر كلامي على كيفك وتفسر موضوعي على كيفك

اول شي اذا كان الخبر مفرح عسى ربي يوفق جمييييع اللطلاب وكلهم ينضموووووووون انشالله انا ما اكتب سلبيااااات يا حبيب قلبي بالعكس المكرمه الملكيه كانت نقطه ايجابيه كبيره

اما الي تقول عنهم ينقلون تجاربهم انا احب اقووولك مو كلهم وانا الي اقصدهم نوع اخر وانت عارفهم زييييين

للاسف كان بعض الطلاب ما ينقل تجربه فقط حتى اسلوبه ما كان اسلوب نقل تجربه

والشي الاخير الي ابيك تعرفه انه الموضوه هذا كتبته على شان نناقش ايش راح نسوي بالمرحله القااادمه

مو على شان نعاتب فلان وعلاااااان والموضوع للذين ما شملتهم المكرمه الملكيه فأتوقع انه ما لك لا ناقه ولا جمل في هذا الموضوع

تحياتي اخوووي

العفو عزيزي وشرفني مرورك العطر ..

وطيب طالما انك تعرف وحللت هذا الشيء كان جيت بناء على قرار شخصي من غير ماتسمع لاي احد ..

انا واحد من الاقارب كان يدري بالوضع .. قال لي تنصحني اجي؟ قلت والله هذا شخصي بحت لكن ترى اللي صاير كيت وكيت وكيت !! قال انا بتوكل على الله وبجي واللي بيصير يصير وقال والدي قال لي انا معك إلى معهد اللغة وبعد معهد اللغة لمن تخلص ولاجاتك المكرمة ارجع .. وهذا هو ماشاء الله تبارك الله شملته المكرمة وهو ماله إلا شهر في امريكا لكن لايخفى عليك انه كان حاط فيه باله انه بيجلس سنة كاملة على حسابه الخاص وكان والده مستعد ومجهز له مبلغ لهالشيء .. بينما قريبي الاخر مسكين الان بيكمل 8 اشهر على حسابه الخاص وماصدق مسكين يوم سمع الخبر بيطير من الفرحة.

وصدقني ما احد يعلم الغيب لكن بومتعب الله يطول بعمره راف بحال المساكين .. وممكن انهم لو اعلنوا ان الشهر الجاي او بعده راح تكون مكرمه كثير راح يجون عشان يلحقون عليها وكان ان واحد من الناس اللي بكلم اقاربي ابلغهم ياعالم اللي يبي يجي ترى راح يكون فيه مكرمه والخ ..

حلم تكملة الدراسة يراود الكل ..

صدقني ما احد ياخذ الا نصيبه بهالدنيا ..

اللهم لك الحمد حتى ترضى ولك الحمد ان رضيت ولك الحمد بعد الرضاء ..

اخوووي سعد اشكرك على مرورك

المشكله في ناس جالسه هناك لاتجي ولا تجي ياخي مثل ما انت طلعت واملك بالله انه يجيك الحاق في ناس مثلك واكثر منك وفي اكثر من واحد طلع بوقت الازمه وعارف كل شي لكن حاط امله بربه ويقول حق الناس لاتجون ليه هالتحبيط خله يجي حاله من حالك

والمشكله انه في ناس جاهم الحاق وشملتهم المكرمه وداخل على موضوع ويقط كلام ويمشي يا اخي الموضوع هذا حق الي ما شملتهم المكرمه نبي نناقش ايش نسوي بالمرحله الجااااايه

اذا بيدخل احد يساعد على عيني وراسي اما انه يدخل ويقط كلام ويمشي مادري وش تفسيرها هذي بالظبط ؟؟

مافي احد في الدنيا يقدر يمنعك من الدراسه وغير كذا انت تدري ان المنتديات فيه فلسفه كثيرة ومالها سنع واشاعات بالهبل
ياخي اسمع من هنا وطلع من هنا والملك الله يخليه لينا ويطول في عمرة ما راح ينسى الطلاب الدارسين علي حسابهم الخاص بس المساله مسالت وقت
بالتوفيق ان شاء الله لكل المبتعثين والدارسين علي حسابهم الخاص

كلامك صحيح اخوي وعلى عيني و راسي لكن انا كنت اتكلم عن بعض الاشخاص وبعض اساليبهم

لكن انا يا اخوي ماحطيت هالموضوع الا على شان اشوف الناس الي مثل وضعي ونناقش المرحله الجايه ايش الي راح نسويه وبس وارجع لموضوعي وشو اخر شي ايش كتبت

ويوم قلت ضحايا التحبيط فعلا في ناس تحبطت وجلست وفاتها هالشي وانا واحد منهم اما الي ما تحبط هنيئا له اخووي بس انا قصدت بهالموضوع الي تحبطوا واثر هالتحبيط ما شملتهم المكرمه وحبينا نناقش

ارجو انها تكون وصلت وانك تكون فهمت مقصدي كاامل