LinkBack URL
About LinkBacks
اهنيك على العنوان الخطير
بس محتوى الموضوع كثييييييييييييييييييييييييير ولا قدرت اكمله
تحياتي لك
7 " بس محتوى الموضوع كثييييييييييييييييييييييييير ولا قدرت اكمله
تحياتي لك
هات يدًك وتعال معايا - أقلك خطوه بخطوه وبالتفصيل وش تسوي لجل تطلع وتدرس برًه
هات يدًك وتعال معايا - أقلك خطوه بخطوه وبالتفصيل وش تسوي لجل تطلع وتدرس برًه
تنبيه: هذا الموضوع قديم. تم طرحه قبل 5064 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- ربي يسعدك ياشيخ ويوفك ويفتح لك ابواب رزقه7 "
والله انا طالب بامريكا ومالي في موضوعك شي
لاكن انتا اجبرتني اني ارد عليك لو بكلمة شكرا
اسلوبك رائع وكلامك في الصميم
واخيرا عندي كلمه : والله انك اول واحد يجعلني ارد في موضوع مالي علاقه فيه - يعطيك العافيه يااااااااااااااارب7 "
والله الموضوع جاء بوقته لاني طالعه بعد كم شهر ماليزيا بإذن الله
بس عندي تعقيب اذا ممكن
انا ان شاء الله باخذ الفيزا من هناك لمن اوصل يختمو 3 شهور بالمطار وبعدين اودي جوازي للجامعه ويسوون لي فيزا لمدة سنه وخلاص ..
وبعدين ال 7000 ليش تقصد ؟ هل هي تقصد رسوم اول ماتروح اللغه؟؟ والا اايش؟؟
لاني اعرف تدفع 7000 رسوم للغه لمدة سنه في معهد الجامعه و500 للفيزا
ومشكووووووووووور والله يوفقك ويوفق الجميع يااارب ...
June 7th, 2010, 02:21 AM
كيف الحال
انا بصراحه لاحظة كثير من الناس تحاول انها تفهم الكلام إلي أقدر أقول عنًه مبهم وبلا جدوى لكن انا اعطيكم الخلاصه
انا بصراحه ما راح أخدم إلا الفئات إلي راح أذكرها :-
1 - قاعد على الكنبه في البيت ومنت عارف شالطبخه
2 - بتضرب دوفيدوف أو ملبورو ومنت عارف وش يعني جامعة
3 - مخلص دبلوم وحايس منت عارف وش تسوي
4 - مخلص ثنوي وجامعات السعودية الي هي كلها على بعضها 11 جامعه ولا وحده قبلتك
5 - خلاص بقي شي؟؟
بسم الله
وانت قاعد على الكنبه طال عمرك أبيك بكل حنيُه تضغط على هذا الرابط
طھظ†ط¨ظٹظ‡ط§طھ
هذا يا طويل العمر الجامعات الموصى بها
بدينا في الكلام الي مو مفهوم يرحم أمك أتكلم بتفصيل
أببببببببشر ما طلبت شي
الجامعات الموصى بها يعني
جامعات خاااااارج السعودية من جميع انحاء العالم تعترف فيها السعودية
حلوين؟
طيب
أبيك كذا تولًع بكت كامل لنه الحين بدأ الجد
في حالة إنًك مطفًر وما عندك ولا ريال كمًل الكلام
في حالة إنك مقرقش وفلوسك كثير برضو كمًل الكلام
لو إنك مطفًر يا صاحبي عندي لك أخبار شوي مو حلوه لكن برضو حلوهـ
بما إنك مطفر طبعآ ما راح تقدر تروح أمريكا ولا بريطانيا ولا أستاراليا ولا كندا وعلى ذلك قش
لكن تقدر تروح الهند / الصين / ماليزيا / إلخ , البلدان الرخيصة
نصيحتي لك يا صاحبي , الهند وماليزيا
لو إنت جاد وتبي ترفع راس هلك وتقدر عالدراسة الصعبه , روح الهند
لو تبي تمشًي حالك وشوي شوي روح ماليزيا , متوسًطه هي مو سهله لكن إلي يشد حيلك يمشي سهالات
خل نفرض إنك تبي تروح ماليزيا مثل حالتي
يًلا انت اخترت ماليزيا تبي تروح هناك !؟
اوك يلا بسم الله
نشوف الجامعات الموجوده
طبعا الموضوع جدا تافه وسهل وما يبيله يعني
أول شي شوف الجامعات الموصى بها وأختار وحده منهم
- لو معاك دبلوم شوف الجامعات الخاصًه لنها هي الوحيده إلي تعادل ساعات , الحكومية ما يعادلو ساعات أبدا -
أوكي شفت الجامعات الموصى بها؟
Multimedia University Malacca
Multimedia University (MMU)
Petronas University of Technology
Tenaga National University
هاذي كلها جامعات موصى بها
أوكي حبًه حبًه ما تبيني أصدعك؟
اوكي روًق واشرب ليمون بعدها ارجع كمًل
رجعت !
هلا هلا ولكم باك يخوي
بسم الله
طبعا انا راح آخذ جامعه وحده على سبيل المثال فقط وأسوي تجارب عليها عشان تفهمو السالفه لكن لو ودك تروح مع جامعه ثانية عااااادي لكن بيكون نفس الطريقه ما يختلف ولا شي
أدخل أول جامعه فوق إلي هو رابطها :-
Welcome to Multimedia University
أول ما تدخل الموقع يجيك في الصف الأول قدام عيونك كذا
Contact - undergraduate courses
بااااااااااااااس وصلت ؟ شفت الكلمة ذي؟ اندرجراجوايت كورسس؟
حط الماوس عليها يفتحلك كذا خانة من حاله دون ما تضغط شي
روح ثالث خيار
Degree - هي معناها بكلريوس بس لها أكثر من مصطلح
خلاااااااااااااااص اول ما توصل هناك انت وصلت لكل إلي تبيه يا صاحبي
الحين قدامك التخصصات كلها حق الجامعه هاذي
على فكره هالجامعه لها قسمين
قسم سايبيريا
وقسم مالاكا
وكل تخصص مكتوب عنده هذا التخصص موجود في أي قسم
وعادي لا تتلخبط هاذي مجرد أقسام يعني بدل ما تصير الجامعه كبيره قسموها قسمين بس
خلاص شفت واتفرجت في التخصصات وعرفت وش الي تبيه؟
حلو خليك في نفس الصفحه لا تروح محل
تبي تعرف كم تكلًف الدراسه هناك؟
ولا تتحرك من محلك
خليك في نفس الصفحه
روح للتخصص إلي انت أخترته
تحته مكتوب السعر
على سبيل المثال أخترت هذا التخصص؟
* Bachelor of Information Technology (Hons) Security Technology
شوف شوف تحته مكتوب على طول سعره لأصحاب البلد ولك انت يالي جاي من برًه
3 years, Local Fees: RM 39,000*, International Fees RM 49,000
3 سنوات الدراسه , سعرها 49 ألف رنجت هاذي العمله الماليرْيه , واحد رنجت = واحد ريال
ولو تبي تتأكد هذا يحولًك إلي تبي
ط*ط§ط³ط¨ط© ظ…ظ† ط£ط¬ظ„ ط§ظ„ط±ظٹط§ظ„ ط§ظ„ط³ط¹ظˆط¯ظٹ (SAR) ط³ط¹ط± طµط±ظپ ط§ظ„ط¹ظ…ظ„ط© ط§ظ„طھط*ظˆظٹظ„
من الريال السعودي إلى أي شي يخطر في بالك ويصير لو بحثت في أي جامعة في أي بلد في العالم تحول بهالطريقه
-------
حلو إلى الآن؟
مافي تعقييد؟
أوكي
----
تبي تروح الجامعه؟
سهالات
يا إنك تشوف مكتب وتريح راسك من الغلبه
يا إني أشوف ردود ناس من جد تبي هالكلام إلي عندي وأقولك إش تسوي
----
الطريقه بإختصار شديد كالتالي :-
--
الجامعه فيها شي إسمه Intake يعني أوقات القبول والتقديمات
يعني الوقت إلي الجامعه تفتح فيه أبوابها وتقولك تعال
--
هذا الموعد يختلف عن كل جامعه وجامعه خلينا على الجامعه إلي حنا فيها
روح للصفحه الرئيسية للموقع
فيه مربعين قدامك
أسود
وأبيض
شوف الأسود
شايف كلمة :
* June 2010 Intake
هذا يقولك إنه في تقديم الحين يلا قدم علينا
لأنه انا اكتب الموضوع هذا في تاريخ 7 من شهر June
يعني التقديم مفتوح
حلو
تحت الكلمه هاذي على طول في كلمة :
Apply Online
معناها تقدًم الآن أون لاين , هاذي الترجمه حقتها , وانا انصحك إنك تفتح دكشينري لو منت فاهم ولا كلمة تترجمها سريع سريع
شايف قدامك عطاك 2 applications وش يعني ابلكيشن
يعني فورم , يعني أوراق تعبيها عشان تعطيهم إياها عشان تنقبل
Local
و
International
صح؟
انت حتضغط على أي وحده يا ذكييييييييييييييي ؟!!
طبعا international
ليه؟
لأنه معاك دكشنري وترجمة الكلمات لو منت عارف معناها وفهمت إنه Local يعني ماليرْيين و international إلي جايين من برًه صح ولا لأ !!
صح صح معايا كذا وفوق يخوي
يلا نكمل
فتحت معاك صفحه وفيها كلام مهم جدااااااااااااااا جدا جدا جدا جدا جدا جدا جدا جدا
كاتبين يا صاحبي وش يبون منك باختصار شديد
كيف يعني وش يبون منًي
يعني
التقديم كالتالي :
تعبي البيانات كاملة على الموقع
وكذلك ترسل بياناتك كااااااااااامله عن طريق الـ DHL أو أي محل خدمات نقل
ما تعرف كيف؟
انا اقولك
شفت الصفحه الي فتحت قدامك ؟
في قدامك كم شي يبونه منك؟
4 أشياء صح؟
1 - يبون منك مبلغ وقدره *** على شكل شيك وموجًه إلى جامعتهم وقايلين لك أكتب ورا الشيك رقم الطلب إلي راح يجيك بعد ما تكمل الـ application على النت - ترا مافيها شي صعب لجل ما تفهم إلي قلته
2 - أوراق مصدًقه لكل الشهادات إلي تملكها - ثنوي , دبلوم , تخصص ضرب شوارع , كل شي عندك صورًه وصدقه وضمه مع الملف هذا إلي فيه الشيك , ومشددين مليون مرًه وقايلين لاااااااااااا ترسل الأوراق الأصلية , الشهادة الأصلية خلها في بيتك , هاذي الشهادة تكون مصوره ولكن مصدًقه يا صاحبي يرحم أمك ركرْ
3 - روح أقرب محل تصوير جمب البيت وأقذف جوارْ السفر حقك في وجهه وقوله , صورلي هذا من الجلده إلى الجلده مرتين , مرتييييييييييييييييين , من الجلللللللللده إلى الجلده يرحم أمك ركرْ
4 - اكشخ والبس احلى ما تملك من ملابس وروح أتصور 6 صور جديده مو تعطيه حقك الطفوله وتقول شوف شكنت يمحلاي , لا يبوي , صور جديده يرحم والديك , وتكون الخلفية بيضه , وتكون 5 × 4
وحط كل هالأمور في ملف كذا لو لقيت لون بنكي أو فوشي يكون ميه ميه
وأرسله للعنوان إلي موجود قدامك إلي هو :
(International Students Admission)
Multimedia University
Jalan Multimedia
63100 Cyberjaya,
Malaysia
Multimedia University
Jalan Ayer Keroh Lama
75450 Melaka
Malaysia
انت لا تشيل هم ولا تحس إن الموضوع معقًد أبدا
لا لا
روح أقرب محل خدمات نقل مثل DHL هذاك الي لونه أصفر كذا
أدخل عليه معاك الملف
وإرمي الملف في خلقته
واتفل اللبانه على الأرض وولع رْقاره
وقوله :
شايف هذا الملف؟
آطى في خشتك لو ما يكون في ماليرْيا في أسرع وقت فاهم ولا لأ؟
هو بيقولك اوكي بابا ويبكي - أرمي في خلقته الفلوس حق النقل , وارجع بيتك
ونااااااااااااااااااااااام
تعرف وش يعني تنام؟
نااااااااااااااااااااام أحلى نومه
لأنك خلصت كل شي بيدك تسويه
الباقي على الله
تنتظر القبول وعاده ياخذ 3 أسابيع القبول
كيف يجيك القبول؟
يجيك عن طريقهم برضو وسيلة نقل , يوصلك لين حد باب بيتك
اول ما يوصل الملف عندهم , بيضبطون أوراقك ويشوفون تنقبل ولا لأ وكذا
بيخاطبونك عن طريق الـ Email ويقولون أهلا وسهلا أنقبلت
وصل القبول؟
الله الله , ألف مبروك تستاهل والله
-----
إلي باقي أسهل من إلي راح بألف مرًه لأنه كله في ديرتك
باقيلك تسوي 3 أشياء
الشي الأول تعبي نموذج هذا هو شوفه انا اجيبك إياه ولا تشيل هم :
http://fr.mohe.gov.sa/ar/eservices/Forms/mission13.doc
اول ما تضغط عليها يطلعلك ملف وورد , عبيه يا صاحبي
وبصراحه العنوان إلي ترسله له للرياض ما أعرفه لكن انت دق سفل ولف في موقع مبتعث أكيد راح تلقى العنوان
ثاني شي أمر سهل جدااااااااااااااااااااااااااا
تروح يا طويل العمر على السفاره الماليرْيه في الرياض
تدخل عندهم
تقول سلام عليكم
شالاخبار
وقلًط عندهم
وقول بالنص والحرف الواحد
أبي أدرس في ماليرْيا لا هنتو عطوني فيرْا
بالنص الإنجلش
Letter of Approval for Foreign Student Studying in Malaysia
طب انا قريت كلام في موقع الجامعه وكلام جميل جدا يقول :
الطالب مو ضروري يروح ياخذ فيرْا من السفاره على إنك طالب , روح وخذ على إنك سائح فقط ولا وصلت هناك بينتظرك مندوب من الجامعة حقتنا لابس جكيت مرسوم عليه شعار الجامعه ينتظرك وياخذك للجامعه ولا جيت عندنا بالسلامه يا طويل العمر نضبط أمورك كلها ونطلعلك الفيرْا على إنك طالب رسمي في ماليرْيا وأمورك في الحلاوه الطحينية - على فكره في كلتا الحالتين بيجيك المندوب وياخذك الجامعه
اول ما توصل الجامعه بيقولك إيدك على 7 آلاف ريال يا حلو
تعطيه سبعه آلاف ريال والله أعلم كم المبلغ بصراحه بس انت روح ومعاك مبلغ طيب في حالة طوارئ لا سمح الله , يعني أمن نفسك بالبداية لكن تأكد انك ما راح تدفع في خلال مدة الدراسه هناك كلها اكثر من خمسين ألف ريال لأنها رخيصه جدا
بعدها يا صاحبي تعرف المثل إلي يقولك , مع الخيل يا شقرا؟
هناك راح تلقى سعوديين على قفى من يشيل
لو براسك سؤال دوًر أي أحد وإسأل
قالولك اختبار قوله وين وروح لا تشيل هم
قوًي قلبك وتمسك بصلاتك وابعد عن المعاصي
جيب الشهاده وارفع راس هلك
حلوين؟
باقي شي ضروري جدا جدا
إلي هو
الشي الثالث
لا تنسى تسلًم عالوالده قبل تسافر وتقولها أدعيلي
--
وش تبي أكثر من كذا؟
هل تتوقع في سؤال في راسك؟
طيب شرايك انا عندي سؤال واحد
هل راح تدعيلي بالتوفيق والشفاء للوالده ؟
,,,,
طبعا نسيت أقولكم , في تواصل بيكون بينك وبين الجامعه على الـ Email ضروري يكون عندك إيميل عشان يتخاطبون معاك وتضبط الأمور وتقولهم متى راح توصل وموعد طيارتك ورقم الرحله وكذا أمور عادية راح تعرفها وانت تسوي الأشياء إلي قلتلك عليها
,,,,
أي سؤال , أي سؤال يخطر على بالك أتكلم ولا تتردد وانا تحت أمرك
فمان الله