مساعدة شهر ونصف من ارسال ملف زوجتي ولم يدخل اسمها إلى هاللحظة! فمن له روحه للوزارة ليساعدني؟

June 12th, 2010, 09:08 PM

السلام عليكم

مساكم الله بالخير جميعاً يا اخوان ويا اخوات..

واللي اني تعبت ياعالم لي اكثر من شهر ونصف منذ ارسال ملف زوجتي ولم يدخل اسم زوجتي في نظام الاستفسار إلى هذه اللحظه. ملحقية أمريكا ارسلوا ملف زوجتي مع مجموعة 40 الصادرة من أمريكا ويوم راح اخوها الوزارة يوم الاثنين اللي راح قالوا له ماوصلتنا الاوراق مدري ليه حسيتها تصريفه ..

والمشكلة المره اللي قبلها راح اخوها الثاني وقالوا له الملف وصل بس مسأله وقت ومراجعة وفرز وتدقيق والكلام هذا من شهر قبل المكرمة!!؟ مدري اصدق مين والا مين !؟ وراح اخوها الثاني بعد المكرمة وقالوا اصلاً هذه المجموعة ماوصلتنا من امريكا وانا اعرف كثير من الشباب انضموا وهم في مجموعة 40

عموماً يا شباب بحكم اني في امريكا وصعبة علي اني اوقف دراستي الجامعية في الصيف عشان اروح للرياض وبحكم ان اهلي بالشرقية وصعب علي كل شوي اهجول فيهم من الشرقية للرياض وفي النهاية يتصرفون فاللي من اهل الرياض او له روحه للوزارة ويقدر يتابع لي موضوعي ويعرف ايش اللي صاير فيه يبشر باللي يطلبه .. والموضوع اخوي وانساني اكثر من انه اي شيء ثاني. والله الذي لا اله إلا هو امس رحت موعد تطعيم لابنتي واول ما اقبلت على العيادة قالوا تأمينك منتهي قلت مو مشكلة بدفع من جيبي بكم قالوا بـ 180 دولار شوفه الدكتور و 6 دولار التطعيم ويمكن ما نطعهما اليوم يمكن تجي مره ثانية لان بنتك شوي تعبانة. واضطريت أاجل الموعد بناء على نصيحة العيادة لان ماعندي تأمين طبي. وقالوا متى ماجاك التأمين الطبي ارجع لنا. طبعاً التأمين الصحي لازوجتي ولابنتي عندها انا عندي لاني حولت على بعثة أرامكو لكن زوجتي وبنتي ماعندهم وانتظر زوجتي تجيها البعثة عشان ادخل بنتي مع ملف زوجتي وتحصل على التأمين والعلاج وتتابع مواعيدها في المستشفى.

طبعاً انا ضحيه معلومة خاطئة في الملحقية, زوجتي كانت مبتعثة مرافقة لي وقالت لي مشرفتي قفل ملفك وفوراً ونرجع نفتح ملف زوجتك وتقول انا عارف ان بنتك تنومت قبل كذا في المستشفى وانها تحتاج التأمين وقلت كلام سليم وتوكلي على الله وقفلي الملف وقفلته الله يجزاها خير ولكن ثاني يوم كلمتني وقالت انا آسفه ماقدرت افتح ملف لزوجتك واكتشفت ان النظام تغير لكن بما ان زوجتك اكملت اكثر من 30 ساعة ااكاديمية راح نحولها طالبة دارسة على حسابها الخاص وكلمني الملحق د. محمد العيسى هاتفياً وقالي لي خلاص تطمن واحنا عارفين الوضع وقال لي ارسلنا ملفك للوزارة وشرحنا الوضع مع توصية طبعاً ما اعرف المُلحق عشان يكتب لزوجتي التوصية لكن التوصية عشان وضع بنتي الصحي.


فياشباب مين له روحه للوزارة فيكم او ساكن قريب يمهم ويقدر يتابع لي الموضوع؟ تكفون واكون لكم من الشاكرين!!

طبعاً انا قلت يتابع ما قلت ابي واسطة او ادفع فلوس عشان احصل على البعثة لان ولله الحمد زوجتي تستحقها بالنظام مكملة 50 ساعة اكاديمية ومستوفية لجميع الشروط حتى المعدل وملفها مرسل من قبل المكرمة وللاسف إلى هذه اللحظة لم يدخل اسمها في النظام.

فاللي له روحه للوزارة قريب يراسلني عالخاص للتنسيق.

طبعاً قبل شهر تم مراسلة الوزارة - إدارة البعثات على البريد الالكتروني وكان جوابهم: وصلت معاملتك الى الوزارة وجاري عرضها على اللجنه ,وصلت معاملتك الى الوزارة وجاري عرضها على اللجنه اليك معلومات المعاملة مع العلم انها ما زالت تحت الاجراء

طبعاً مافيه واسطة مادورتها وكل ما كلمت احد يقول لي ابشر وانتظر ومدري ايش !! وكلمت مسؤول في الملحقية وقال لي انت الله يهديك عجل !!! مرسل من اكثر من شهر ونصف وعجل؟ كنت بقول له ياطويل العمر اللي يده في الماي غير عن اللي يده في النار. طبعاً انا خايف ان الملف ضاع لاسمح الله لانه مادخل نظام الاستفسار إلى الان وان شاء الله انه مايكون ضاع ولو بيدخل جلسة 180 لاحول ولاقوه بنتظر بس ابي انتظر على شيء بين وعلى شيء يطمئن القلب.

بإنتظار اقتراحاتكم وارائكم او دعواتكم على الاقل ..

سبحانك اللهم وبحمدك أشهد ألا إله إلا أنت أستغفرك وأتوب إليك.

• نشر عبر تويتر
• نشر عبر فيسبوك
• نشر عبر جوجل