رحلتي قبل دراستي بيوم !! ابي مساعدتكم

انا اللي اعرفه انك مو لازم تروح للملحقية أو السفارة بنفسك

ريح بالك وروح على مدينتك على طول بس انا انصحك انك ما ترسلها بالايميل لأنهم يمكن ما يفتحونه او ما ينتبهون له من كثرة الإيميلات. أنصحك ترسل اوراقك من اقرب مكتب بريد وبخدمة البريد الممتاز انت جب كل اوراقك ورح للبريد وراح يعطونك ظرف كبير من عندهم تحط فيه كل أوراقك ويعطونك ورقة تكتب فيها العنوان اللي انت ساكن فيه و العنوان المرسل له اللي هو عنوان السفارة وتلقاه مكتوب في أول ورقة في الفورم حق مبتعث جديد
اطبع الأوراق من السعودية وخذها معك و اول ما توصل صور الاي توني وال 94 وختم الخروج من السعودية وحطهم مع بقية الأوراق
قيمة الطرد الممتاز راح تكون ب 18 دولار وتوصل للملحقية ثاني يوم على طول
موقع البريد الأمريكي usps.com
يمديك تدخل وتحط عنوانك وراح يعطيك اقرب مكتب بريد لك

ميزة البريد السريع انه يمديك تشيك بالايصال انه تم استلام طردك من الملحقية وبكذا تكون مطمن انها وصلت لهم
وبالتوفيق

معليش اخوي الظاهر انت مسافر لكندا

ردي اللي فوق لطلاب امريكا بس الظاهر المحلقية اللي في كندا تستقبل الطلبات عن طريق موقعهم وشغل مرتب
اتمنى شباب كندا يفيدونك

الله يعطيك العاافيه اخووي ما قصرت كفيت ووفيت ..

اسعدني مروورك

السلام عليكم

اخوي مايحتاج تروح لا للملحقيه ولا شيء ولا يحتاج ترسل اوراقك بالبريد

كل شيء موجود بالنت تطبع الاوراق من موقع الملحقيه وتعبيها وتسويلها سكان وترسلها الموضوع سهل ترا

وايضا تحتاج ورقه انرولمنق لتر الي تفيد الملحقيه بانك طالب في المعهد او الجامعه

الله يعطيك العاافيه اخووي ما قصرت بس ما قلت لي وين ارسلها اسعدني مروورك

شوف ياطويل العمر
تدخل على موقع الملحقيه وتحط طلب فتح ملف دارس على حسابه الخاص ( او في مامعناه) وتجيك الشروط وحده وحده والخانات وحده وحده تعبيها وانت مرتااح

بس انصحك ياخوي انك تسئل عن وضعك انت بحكم انك توك جاي وحاليا مثل منت خابر المكرمه .. فيبغالك تسئل هل تسوي الاجراءات عاديه مثلنا (قبل لاتجي المكرمه) او في طريقه ثانيه.....

كلم الملحقيه وراح يفيدونك ..مايقصرون صراحه انا قبل لاجي كندا كنت متخوف من الملحقيه وكنت بسوي مثلك اروح لهم بنفسي واقدم اوراقي .. بس طلعو قمه في التعامل والوضووح...

اتمنى اني افدتك بشيء واذا عندك استفسار انا حاضر

الله يوفقك ويسهل امورك وامور المسلمين

الله يعطيك العاافيه اخووي اشهد انك ما قصرت كفيت ووفيت اسعدني مروورك

لاتنسى تحط صوره من الفيزا والقبول النهائى للمعهد والمبدئى للجامعه ان وجد


وبالتوفيق اخوى

طيب ما عليش اخووي استحملني كيف اكلم الملحقيه وانا بالرياض يعني ادق عليهم اذا كذا الله لا يهينك اذا تعرف الرقم عطنياه . او عن طريق ايميل لاني دخلت موقعهم ما لقيت ايميل مخصص للاستفسار الله لا يهينك اخووي