بعد المكرمه وبعد ظهور اسمي في السستم وبعد الالحاق هذا ما حدث

June 19th, 2010, 06:11 AM

بسم الله الرحمن الرحيم








اولا الحمد لله رب العالمين على كل شيء


اود ان انقل ما حدث لي مع الملحقيه بعد ظهور اسمي في السستم و الالحاق


كنت جالس انتظر ماهي هلال تشيك على ملفي هل طلع للدور التاسع او لا وكان مكتب العريني بجنبي

المهم اسمع العريني يقول : استقبلوا كل الطلاب لا تخلونهم برى وافتحوا ملفات للكل واي طالب يجي الصبح يبي يشيك على ملفه اذا كان جاي الصبح اطبعوا له ورقه وقولو له خلاص راجعنا بعد الظهر يطلع ملفك للدور التاسع ، وخلوه يشوف الورقه مطبوعه على الاقل ما تروح جيته على الفاضي اننا مو ناقصين شكاوي بعض الطلاب يجي طاق مشوار تسع ساعات وفي الاخير ما يحصل شيء اطبعي له ورقه وخلوا الامور تمشي واذا اي طالب جاي بعد الظهر قولي له نفس الحكايه اطبعي وووو قولي بعد اربع ونص راجعنا .وهكذا

رجعت ماهي هلال السوادنيه وقلت لها وين ملفي وش صاير مع انها قبل تقول انتظر ايميل بعد كلام الدكتور العريني تغير الوضع . قالت عطني رقم الهويه واطبعي لي ورقه وقالت خلاص راجعنا بعد الظهر تلقى الملف في الدور التاسع
جيت بعد الظهر ولازل ملفي في الدور الثاني قلت له ليه وش صاير قالت رح للدكتور سعد العريني جاء العريني بالصدفه وقالت ماهي للعريني هذا جاء الصبح على ان ملفه بيطلع للدور التاسع ولا زال الملف هنا قال ارسلناها للدور التاسع ورجعت لنا في ورقه ناقصه . قلت طيب وش اسوي راح علي يوم على الفاضي قال تعال بعد اربع ونص وان شاء الله ملفك فوق انتظرت وبعد اربع ونص كلمت السودانيه قالت ما يمدينا اليوم بكره الصبح تلقى الملف فوق .

قلت ترى الموضوع مهوب بهالبساطه تعال ورح انا اليوم انحسب على غياب وكل هذا ما استفدت شيء قال بكره الصباح الملف فوق

جاء اليوم بعد الظهر رحت للملحقيه عند السودانيه قال اطلع فوق ملفك راح

طلع فوق عند موظفه وقالت عطنا الرقم الهويه قلت خذيها طلعت ملفي وشيك عليه وقالت ما شاء الله اول ملف كامل بالشكل ـ ما امداها تتم الكلمه الا وفيه نقص ـ بس كان بسيط بس عنوان السكن في امريكا عبيته وقامت ورجعت خاليه اليدين قلت وين راح الملف

قالت تعال الاثنين عندي عشان نطلع لك كل حااجه

بالعربي اذا ما تتابع ملفك بنفسك ما راح تنجزه بسرعه اما اذا انت ساحب بتتأخر فقط تأخير

ونسيت اقولكم كانت تصريفتهم قبل بنرسل لك ايميل

الظاهر : العريني جايته شكوى مزعت جنبه


والله يعين

والحمد لله رب العالمين

• نشر عبر تويتر
• نشر عبر فيسبوك
• نشر عبر جوجل