استفسار ودي اسئلكم يا طلاب امريكا

يعتمد على الولاية والمدينة ومصاريف المعهد والخ!

بس اقدر اقولك مبلغ 100 الف يكفيك حول 8 شهوور واكثرر كمان في احد الولايات الوسطى والي المعيشة فيها معقولة!
يعني مو تروح كالفورنيا وتعتقد ان المبلغ هو نفسه الا رح يكفيك في اوهاايو مثلا!

بالتوفيق

مو لهالدرجه عاد أختي نوسه

أحس 100 ألف كثيرر جداا ولمدة 8 شهور !! يعني لو سنه أقول ممكن...

طيب لو ضمنت السكن كم راح تكلفني 8 شهور

وأبغى أعرف وش رايك في ولاية إنديانا بوليس يعني تنصحيني فيها ولا لا من جميع النواحي واذا فيها عيوب معينه ياليت تقولين لي عنها


ولك مني كل الإحترام والتقدير
أختي نوسه

الله يعطيكم العافية

اي ولاية تنصحوني فيها يا جماعة الخير .. الصراحة انا محتااااار حدي ولا عارف شلون اوصل حق مبتغاي

نورنا الله ينور عليكم دنيا و آخر

انا لساتني وصلت لي 9 ايام
ويصراحه الحياة هينا مره مره غاليه
مع اني موجوده بولاية تعتبر جدا رخيصه الي هي تينيسي

كلام الاخت نوسه صحيح
يعني اذا عندك 50 الف بتكفيك تقريبا 5 شهور

بالعكس اخت نوووسه انا اضمن له مايصرف100 الف في كاليفورينا في مدينتي في سنه اقل 100 الف يكفيه ..........مادري ليش الناس تعمم على ولايه كاليفورينا انها غاليه في مدن رخيصه ومقدرو العيش فيها افضل من الولايات الاخرى اللي الشباب يروحون لها

على حسب الشخص اللي يصرف ويقتصد
يعني مثلا لو عشت مع عائله بتوفر كهرب والنت والتلفزيون والسكن رخيص
غير لو عشت لحالك ومصروف المعهد والاكل يعني شبتاخذ كل شهر ..

انا ولد عمي هناك كلفته السنه الاولى مع خويه مشتركين في السكن ما يقارب 65 الف ريال فقط لا غير وهو الان انضم الى البعثه وهو في ولاية كنتاكي وانا بلحقه قريبا انشاء الله المعهد تكلفته 6 مستويات ما يقارب 32 الف ريال والسكن بحجز الغرفتين وحمام ومطبخ 400 دولار يعني كل يشيل 200 دولار اذا كان معك واحد يعني في السنه ما يقارب 9 الاف ريال يعني مع المعيشة ماتطلع فوق 60 الف ريال اذا كنت مقتصد طبعا غير شاملة التذاكر ...

اتمنى اني افدتك

ههههه .. اخوي انا اقصد شااامل كل شي معهد + الشقة لو فرضنا اجارها مع كل شي حول 700$ + المعيشة من اكل وشرب وخلافه!
وقلت ان المبلغ هذا ممكن يكفيه 8 اشهر واكثر .. لأن في النهاية يعتمد على الشخص وصررفه .. واذا هو يصرف كثيرر ما اعتقد حتى تكفيه 8 اشهر!
انت تقصد مدينة انديانا بولس في ولاية انديانا صح؟ الي اعرفه ان المدينة حلوووة والطبيعية فيها رهييبة .. وهاذي كانت اختياري الاول قبل لا اجي امريكا بس للاسف الجامعة طلعت موقوفة!
والي اعرفه ان اجارات الشقق يقولو انها حلووة!

اذا ناوي عليها توكل على الله .. بس لازم تتأكد من الجامعة والمعهد اهم شي ما يكونو موقفين!
أظن انديانابولس المعهد الي فيها مو كويس .. في معهد تابع لجامعة في مدينة ثانية اسمها بلومنغتون يمدحوه بس مادري موقوف او لا!

بالتوفيق ان شااء الله