أمر الأركاب V.S الألحاق بعضوية العثة

60 مشاهده وتو الموضوع اليوم مدرج ولا في أي رد !!

بالتوووفيق

انتظر الرد مثلك

اسف اخوي على الكلام الي بقوله (ولا راح يجيك رد بعض الي في المنتدى وهم الغالبيه لا ينفعون الناس ولا شي ابدا مغير يحبطون المعنويات باشاعات واخبار ضاله اما ينفعون احد ولا يساعدون ابدا ابدا القليل هنا يساعد ما اقول الا الله يعينك)

بالنسبة لأمر الاركاب انا الي عرفته ان يسهل الالحاق والانضمام للبعثه وارسال ملفك بسرعه والفرق بينك بين الي ما معه امر اركاب ان الي معه امر الاركاب اذا وصل يعبي نموذج ناسي وش هو بس يخص الناس الي معهم امر اركاب وهذا الي معه النموذج الحاقه اسهل من الي ما معه النموذج.

ياعيني على الاضافات الحلوه مسوي جبت شي جديد الله يهديك ..


أخوي لا احباط ولا شي تبيني اقول لك انه سهل امر الاركاب لا وربي مو بسهل لو انه سهل حصل عليه الجميع خلك ذيب وانشب لهم اللين تاخذ امر الاركاب بالنسبه للالحاق كم مدته ويلحقونك مايعلم فيه الا الله

بالتووفيق ماودي اقوول شي علشان لاتقول حبطتيني ^^

وان شا الله تحصل عليه يارب وتنظم بأسرع وقت

مشكلة امر الاركآب مشكلة

والمشكلة انا في جدة , وصعبة كل شوية اطلع الرياض عشان امر الاركاب واغلب الشباب جاهم تصريف

انا اعرف عيال طلعو وانضمو ومامعاهم امر اركاب

لو انك في الرياض انشبلهم كل يوم ..

بس لحالتي اللي في جدة ماينفع , لو تحسبها طيران مرتين او 3 مرات بتلقى نفسك خسرت مبلغ , ولو تحط المبلغ في التذكرة حقت امريكا اصرفلك صراحة ..

خلاص اشتري تذكرة امريكا وارتاح واريح نفسي

بالتوفيق ان شاء الله , ولو اعطوك على امر الاركآب بشرني :$

الرجال قال يبي اي افاده بعدين انا مقلت الاخ قلعة رعوم هو عضو يحبط الناس عشان تجي وتقولي ذا الكلام !!!

عموما انا ما ودي نروح في طويله ولاشي وانا والله محشمك لأنك من عيال الشيبه .

انا معي طالع بامر اركاب طبعا جايبه بواسطة واللي يقولك جايبة نشبت لهم ومن ذال الهياط قله نصااااااااااااااااااب

وحتى امر الاركاب جلست 4 على حسابي كل مارفعو اوراقي في جلسة يتم الرفض والاسباب تافهة

والحين جات مكرمة ابو متعب وللحين العالم التحقت وانا كلمتهم قالولي قرار الحاقك وصل لاكن للحين

كل ماشيكت طلع لي ستعرض على اللجنة في الاجتماع القادم من اكثر من 4 اسابيع

بس خليها على ربك

لاكن نهاية الموضوع في راسك دراسة وتقدر على مصاريف السنه كالمة على حسابك

وغامر وادرس ولاتتغيب حتى لو بدون امر اركاب الاغلبية 3 شهور وتلتحق

بتسمع كلام وقف الالحاق وكلام وكلام انت غاااااااااااامر وباذن الله ماتندم والله يوفقك ويوفقنا