استفسار عن العطيه ... تكفوون ضروري

وزاره التعليم العالي بالرياض ( حي الناصريه ) والدكتور علي العطيه .. مستشار الشؤون المالية والادارية

أخوي اذا رحتله راح يكتبلك على ورقه ويحولك للوزاره في حي الغدير ومن هناك يطلعون الأمر

*** لازم يكون معك ( قبول جامعه معتمده من التعليم - قبول معهد - التأشيره )

الله يوفقك يارب ..... واذا خلصت طمني وقلي وش صار عليك .. أنتظر ردك للضروره

غريب الدار الله يوفقك ويسهل امورك ... ولا تشيل هم بكره ارد لكم خبر ..

بس هل فيه اوراق اعبيها في الوزاره ..؟ و وش اكتب في المعروض ..؟ اكتب اريد امر اركاب ؟؟

انت ادخل عند العطيه وتعرف وش يقولك

خذ معك ورقه بيضا احتياط لو احتجت معروض عشان ماتدوخ وأهم شي الاوراق الثلاث قبول الجامعه والمعهد والتأشيره

*** لو تكون عند الوزاره من 7.30 يكون احسن عشان تاخذ رقم تقابل العطيه بدري

والله يسهل أمرنا وأمرك يارب

أخوي أنا اليوم كنت بالوزارة ومدير مكتب العطية أكد لي أن العطية بكره الأحد ما راح يداوم في الوزارة يعني لا تتعب نفسك رح له يوم الإثنين وعلى فكره دوامه طوال الأسبوع في الرياض يوم السبت و الأحد والإثنين ولكن من حظك بكره العطيه ما راح يداوم وكما ذكروا لك الأخوان الأوراق المطلوبة هي كا التالي :
1- صورة جوازك .
2- صورة التأشيرة.
3- صورة لقبول الجامعة ( موصى بها ).
4- صورة الأي توني.
5- صورة بطاقة الأحوال.
إذا ودك تكتب خطاب وتقدمه يستحسن
تمنايتي لك بالتوفيق ،،

شباب والي باقي ما جاب ولا اي قبول

لا معهد ولا جامعه وحتى تأشيره ما فيه ض1

لو رحتله يقدر يسويلي شي ولا لازم أكون مخلص هالاشياء قبل ؟

الدكتور علي العطيه مسماه الوظيفي هو ( معالي نائب وزير التعليم العالي) و ليس مستشار الشئون الادارية و المالية .
فقط لتصحيح المعلومة عشان اذا كتبت خطاب موجه له تعرف اللقب الصحيح.

بالنيابه عن الأخوان
أخوي للآسف لازم يكون عندك تأشيرة عشان أمر الأركاب وإذا بغيت تجيب تأشيرة لازم قبول على الأقل من معهد

الله يسهل علينا جميعا يارب

وانت وش مسمى وظيفتك؟
نبي نكتبلك خطاب شكر وتقدير طال عمرك