الى المسشار ارجوووك ان تدخل وترى مشكلتي فهي اغرب مشكلة لحد الان!!!

اكثر الدعاء والاستغفار .. اخي الكريم

اسأل الله العظيم رب العرش العظيم ان يفرّج كربتك ..


والله ييسر امورك ويرزقك من حيث لاتحتسب

اخوي لأنك في السعودية انصحك بلقاء رأس الهرم لو استطعت وهو الدكتور الموسي او الدكتور الفوزان او الدكتور ماجد الحربي واشرح لهم معاناتك وانه انت مالك ذنب باللي قاعد يصير وطبعا هالكلام المفروض يحلونه لك الملحقيه بكندا ولكن دامك في السعوديه انا اقترح انك تعمل كذا واذا لاقدر الله لم تخرج بحل لمشكلتك رتب وادخل على الوزير او نائبه فكلهم ماوجدوا الا لخدمتنا كطلاب وانا متأكد انك ستجد ابوابهم مفتوحه وكم مرة انا شخصيا كنت ابي اقابل كم دكتور في الرياض بالوزارة طبعا وقابلتهم والله لاواسطه ولا شي ولكن كل المسؤولين ستجدهم في خدمتك انت بس جرب وتشوف ولو لقيت احدهم مشغول او شي شوف الثاني وهكذا وصدقني راح تلقي مبتغاك وراح تلاقي من يحل مشكلتك بالوزارة واتمني اتمني تنحل مشكلتك باقرب وقت
طبعا ما انسي اوجه تحيتي للمستشار اللي يعلم الله سبحانه وتعالي يعلم اني غني وهو بعد غني عن مدحي له او اطري عليه(يعني انا مابي منه شي ولا اعرفه لامن قريب او من بعيد وهو كذلك) فهو شخص متعاون ومتفهم لأوضاع الطلاب وكل المسؤولين مثله وهو موظف عادي ويحاول ياخذ من وقته ويرد على الطلاب والله يجزاه خير وهذا مو رائي وبس بل هو رائي اغلب الطلاب في كافة الدول والله يوفقه فالدنيا والاخره على هالشي اللي احنا كطلاب نقدره ونحترمه عليه .

اتمني اكون افدتك ولو تبي اعطيك جوالي واعلمك ايش تعمل بالظبط واوجهك بالظبط تري مستعد وبالخدمه وان شاء الله تتوفق يارب(تري اليوم بس نقلت لمدينه ثانيه وتعبان للاخر فاعتذر لو كان حروف طبعت بالخطأ او شي من هالقبيل)
تصبحون على خير وراح اكون سعيد بمساعدتك لو بس بالتوجيه للي لازم تعمله عن طريق الجوال ليكون الكلام اوضح.

اكثر من الدعاء والاستغفاار ربي يفرجها عنك يااااااااااارب

وزي ماقال اخونا غاب القمر روح الوزارة ربي يكون في عووونك

اخوي غاب القمر اشكرك جزيل الشكر على التعاطف .. يعلم الله اني ارتحت كثيرا لمشاركتك وشعوري انه المؤمنين لبعضهم البعض فعلا

انا سويت مثل ما قلت ورحت الوزارة وعانيت معاناه معاهم... المشكلة العظمى انهم يتعاملون مع الناس وكانهم كذابين او مذنبين!!!
وانا قابلت ناس كثير صرت اشوف اي مكتب قدامي ادخله واشرح له مشكلتي على امل يساعدني منهم من يفهم مشكلتي ويحاول يساعدني ويقول لي روح لفلان وفلان ومنهم من يقول وش تبيني اسوي لك روح الملحقيه هي اللي تحل مشكلتك ومنهم اللي مايصدقني ويفكر اني مسوي مشكله في بلد الابتعاث وبهذا توقفت المكافئه!!!
الى ان قابلت الدكتور ناصر الفوزان وكل اللي قدر يسويه لي خلاني اكتب خطاب بمشكلتي ووقع عليه عشان يرسل الى الملحق الثقافي في كندا ليتحقق من كلامي وكأني اكذب عليهم!!!!!!
وهذا الخطاب صار له اكثر من شهر والملحقيه تقول ما وصلنا شي ... يبوني ارسل لهم الخطاب بنفسي عشان يردون عليه!!! كيف ارسله انا بنفسي وماعندي نسخه منه؟؟ المفروض يرسل من الوزارة
كل اللي عطوني رقم وارد اتابع فيه المعاملة ومن اكثر من شهر ونتيجه القرار هي ( يكتب للملحق الثقافي لطلب الافاده) وتاريخ الجلسه اللي دخلت فيها المعاملة صار لها شهر وهذه الجملة ما تغيرت لحد الان!!!!

لا املك الا الدعاء لك بتسهيل امررررررررررررررك

اخوي الحل هو انك تواصل حضورك خلال الفترة القادمة للدكتور ناصر الفوزان يعني عسكر عنده لين يحل وضعك
الامر غريب و لازم اولا يستفسرون كالعادة من الملحقية ثم يبحثون عن الحل، و الله الموفق

الاخ غاب القمر / اشكرك على الكلام الطيب اللي قلته فيني بس فيه عبارة ما فهمت المقصود منها و هي ( و هو موظف عادي) وش تقصد منها؟
على العموم انا اعتبر نفسي موظف غير عادي ( من غير تكبر طبعا) و ذلك لانني اتوقع انا الموظف الوحيد الذي يستقطع من وقته في الصباح و المساء لكي يرد على استفسارات الطلاب و مع ذلك احس بمتعة كبيرة جدا بمساعدتي لجميع الطلاب .و ثانيا انا مدير ادارة .
و الله الموفق

اخوي غاب القمر كان يقصد انك ما عندك تكبر مثل الموظفين البقيه وهذا الي فهمته ...

والله الموفق

اخوي المستشار بالعربي المفيد توني واصل بريطانيا على حسابي ناوي اكمل ماستر انشاء الله هندسه مدنيه ابغى اصير مبتعث لو بنيجيريا كيف ولا ساحل العاج والله وانا اخوك الواحد من مافيه قوله كيف خصوصا ان بريطانيا غير انها مقفله الجامعات كمان مقفوله لنفس السبب تكدس مع العلم اني قولي كيف اسوي ارجع السعوديه اقابلك ولا اقابل العطيه ولا مين وش نسبة الامل رد علينا تكسب اجري الله يحفظك

عشرين سؤال في سؤال واحد !!
و تضمن ايضا السؤال هموم و ضيق خاطر و انا ما الومك ،،،
و لكن طالما انك تعرف ان بريطانيا موقف الابتعاث اليها لتكدس الطلاب ليش تروح لها!!

انا انصحك تسافر الى امريكا او كندا لانها اسهل في الابتعاث اليها و الله الموفق