استفسار تكفون ادخلو جاوبوني وشوف قصتي وادعولي

الله يعينك يا اخوي و يفرج همك

بس والله ما عندي خلفية

ان شأء الله الأخوان يساعدوك

حدد رغبتك بالاول ...

اذا كنت تبي تدرس بالسعودية .. او بالخارج .. و بتحصل الجامعة اللي تناسبك بإذن الله ...

انسى النكد و فكر زين باللي تبي تسويهـ ..

خل عندكـ هدف واحد و تخصص واحد و بعدها يسهل عليك الاختيار ...

بالمملكة هذي الجامعات الخاصة ( قبولها مضمون )
ظˆط²ط§ط±ط© ط§ظ„طھط¹ظ„ظٹظ… ط§ظ„ط¹ط§ظ„ظٹ - ط¬ط§ظ…ط¹ط§طھ ط§ظ„طھط¹ظ„ظٹظ… ط§ظ„ط£ظ‡ظ„ظٹ ط§ظ„ط¬ط§ظ…ط¹ظٹ

*و بالنسبة للجامعات الحكومية ... عليك مراسلتها و الافضل الذهاب لعمادة القبول و التسجيل فيها

اموورك بتترتب ان شاء الله و لا تقلق ... اتمنى لك كل التوفيق و النجاح

شوف جامعه جازان ع الطايف ع أم القرى القبول فيها سهل
هذا الي أعرفة
وَ الله يوفقك يارب وض يسهل لك

أخوي ،
تذكر دائماً ( عسى أن تكرهوا شيئاً وهو خيراً لكم )

شوف لك جامعه ثانيه وَ تخصص آخر يمكن تبدع فيه أكثر

اخوي الله يسهل امرك اولاً ...
ثانياً .... خروجك من البترول والمعادن .. مو نهايه الدنيا .. ولا تعيش جوك في نكد
لانك بتشل تفكيرك ولا بتشوف اي شيء حولك ..
معدلك ما شا الله عالي يعني امل كبير في القبول ...
الحين حط في بالك تخصصات تقدم عليها ان شا الله .. بعد فتره راح يفتحون القبول في الجامعات ..
قدم - والتقديم الكتروني - بالنسبه لجامعات الرياض
وقدم في مدن ثانيه كمان ... (( وشوف جامعه الملك فيصل بالاحساء - هندسه )) اذا حاب ..
انا اقولك جامعه الملك فيصل لان كثير نعرفهم ما نقبلو في سعود راحو لها ومشت امورهم ولله الحمد ...
.
.
طبعا بخصوص الابتعاث الخارجي ...

مرحلة البكالوريوس:
ألا تقل نسبة الثانوية العامة عن 90%.
أداء اختبار القدرات العامة على ألا تقل الدرجة عن 70 %.
أداء الاختبار التحصيلي، على ألا تقل درجة الاختبار التحصيلي عن 77% بالنسبة للطلاب الذين يرغبون في دراسة الطب والعلوم الطبية .
ألا يكون قد مضى على حصوله على شهادة الثانوية العامة أكثر من ثلاث سنوات.
أن لا يزيد عمر المتقدم على 22 سنة.
الشروط العامة للابتعاث:
أن يكون المتقدم سعودي الجنسية.
ألا يكون المتقدم شاغلاً لوظيفة حكومية.
يجب أن تتم الدراسة بالانتظام والتفرغ والإقامة في بلد الدراسة، وأن ينتظم الطالب بالدراسة انتظاماً كلياً.

المصدر موقع الوزاره طبعا ..انظر من هنآآ

طبعا ممكن المعدلات تتغير .. لان الوزراه مالها امان
واذا عندك واسطه .. الـ 70% تحصيلي بيشوفونها 77%

رأيي الشخصي ...
قدم في الجامعات السعوديه .. اضمن لك كرسي ...
واذا انفتح باب الابتعاث شوف الشروط .. وقدم .. اذا جت معاك ..
تسحب من الجامعه واذا ما جت معاك .. الخير باللي بيدك ...
أسأل الله العلي القدير ان يفرج همكـ ويحقق مرآدك ونشوفك بأعلى المراتب ...
يا بش مهنـــدس مغترب ....

هلا اخوي
حسيت من كتابتك للموضوع انك فعلاً طفشان و متنكد ليه
الدنيا هذه ما تستاهل انك تتضايق منها او تقول ليه انا حظي كذا بالعكس كل شي فيها مقدر على الشخص
كل الامور الي تحصل ترها مكتوبه من يوم خلك الله القلم قال الله سبحانه للقلم اكتب مقادير الخلق يعني انت خرجت من الجامعة
هذا مقدر فلا تزعل نفسك وطول باااالك وخليك متفاءل وانسى الهم والحزن وتوكل على الله وكل الامور بتزين
انا حصلي موقف بس ماني حاب اذكره وتراه اصعب من موقفك بس الحمد الله رضيت بالي كتبه الله وبحثت عن الدراسه
وتسهلت الامور والحين دراستي في شهر اغسطس في امريكا .
انا اقول ادعي ربك عساه تنفرج (( ضاقت فلما استحكمت حلقاتها فرجت وكنت اظنها لا تفرج))
ومثل ما ذكروا بعض الاخوان عساها خيره ممكن تلقى لك مكان افضل او جامعة افضل
عليك بالاستغفار والمحافظه على الصلاة
ولا تستسلم لعقبات هذه الحياه كن قوياً امام ظروف وتقلبات الحياة

اتمنى لك التوفيق

الله يجزاكم الف الف خير عن كل حرف كتبتوه لي بس يا اخوان انتوا يمكن ماحسيتو بنظرات من حولي لي انا ابي شيء اضمن مستقبلي فيه والى الحين مافهمت سالفة البعثة كيف تسير وكيف يقبلوني ووش يبغون واي دوائر حكومة اروح والله العظيم حالتي النفسية تعبااانه ادعولي ان ربي ييسر الكلية الصناعية تقبلني لاني بكره رايح من الرياض الى الجبيل اقدم عليها ادعووووولي