هل يحق لطلاب علم النفس لمرحلة البكالوريوس في امريكا طلب الالتحاق بالبعثه ؟

اضم صوتي لصوتك
انا نفس الوضع وابي اعرف ياجماعه فيه احد يعرف؟

معقولة محد يعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ وينكم ياجماعه ولا رد

الي اعرفه انه تخصص علم النفس بكل فروعه ليس من التخصصات المطلوبه للابتعاث .... وهناك مبتعثين في هذا التخصص و فروعه وهم عن طريق جهات العمل لمرحلة الماجستير او الدكتوراه مثل الجامعات او المستشفيات

لكن ما حصل سابقا انه الوزاره قبلت الطلاب الي متقدمين للبعثات لمرحلة الماجستير وهم تخصصاتهم بالبكالوريوس علم نفس و تم قبولهم في مرحلة الماجستير لتخصصات ادارية مثل ادارة اعمال او تسويق او نظم معلومات.

نصحيتي لك غير التخصص اذا كنت ترغب بالانضمام للبعثه اما اذا كنت ترغب بالدراسه على حسابك الخاص هذا شي يرجع لك

متأكد من الخبر هذا؟

بخصوص انه التخصص ليس من ضمن التخصصات المطلوبه نعم متاكد و تقدر ترجع لموقع الوزاره و تشوف التخصصات الي يتم الابتعاث لها وخصوصا في المرحله السادسه وكذلك المراحل الي قبلها انا ماعمري شفت تخصص علم نفس من ضمن التخصصات الي يبتعثون عليها وتقدر تدخل على موقع الوزاره و تشوف التخصصات المطلوبه للابتعاث

لكن كالحاق انك تروح و تدرس على حسابك ومن ثم تقدم على الالحاق ماقدر افتيك فيها هل ممكن يوافقون ام لاا

عشان كذا نصحتك انك تغير التخصص بناء على التخصصات المطلوبه للبعثات وعشان لا تحط نفسك في فرضيات ممكن تخسر فيها

اما بخصوص الابتعاثات السابقه لطلاب علم النفس على تخصصات مختلفه نعم كذلك متاكد لاني اعرف شخصيا شباب ابتعثوا وهم بالبكالوريوس علم نفس و الماجستير تخصصات ادارية علما بان التخصصات الادارية الي ابتعثوا عليها هي من ضمن التخصصات المطلوبه للابتعاث مثل (تسويق تجاره الالكترونيه و تمويل و تامين)

عشان تاخذ بالكلام السليم و الصحيحه و تقتنع لابد انك تروج بنفسك للوزاره و تسئلهم نفس السؤال اذا كان الموضوع مصيري بالنسبه لك او تنتظر الين يبداء التقديمم على المرحله السادسه و تشوف التخصصات المطلوبه لاني انا ما امثل الوزاره ولا اقدر اضمن لك تغيير الانظمة و الشروط في يوم وليله من الوزاره اللهم اني اكتبلك عن اطلاعي للموضوع و حسب ما شفت سابقا بنفسي

مشكور اخوي bE Bo على ردك
بصراحه الموضوع مازال بالنسبه لي غامض طبعاً اتكلم عن الالتحاق بالبعثه
وللأسف الملحقيه بواشنطن ماترد على الاتصالات ولا الايميلات واعتقد ان الجواب عندها لأن الوزاره ردودهم تنافي الواقع
في ملتقى الجامعات الدوليه بالرياض سألت انا وزميلي الوزير شخصياً (ومساعده) عن الالتحاق بالبعثه وردهم كان واحد بان الالتحاق بالبعثه يحق لتخصصات الطب فقط لمرحلة البكالوريوس..
وزميلي سافر للدراسه على اية حال بعد ذلك على حسابه و الان التحق بالبعثه تخصص ادارة اعمال قبل شهر تقريبا من ما ينافي كلام الوزير

عموماً , اذا احد عنده اي معلومه او تجربه مشابه مع تخصصات مماثله ارجو الافاده
او اذا بالامكان تزويدنا بارقام هواتف او ايميلات يتم الرد عليها للملحقيه بامريكا .. او كندا.

ياأخوي عادي الالحاق مايشترط يكون تخصصات معينه يعني عادي يمشونها
أما اذا تبغى رقم يردون عليك عندك مكتب الدكتوره موضي الخلف في الملحقيه حيردو عليك وحده مصريه أو سوريه بس يفيدون مررره

أنا دوبي أمس كلمتهم 0012022988722
وربي معاك

عليكم السلام ورحمة الله وبركاته

ليس شرطا ان يكون التخصص من ضمن التخصصات التي تطلبها الوزارة.

مشكوره اختي جنوبيه وأخوي سلطان على افادتكم
وفعلاً يبدو بأن في حالة طلب الالتحاق لايشترط تخصص معين وإن شاء الله قريبا راح اقدم اوراقي عالملحقيه
والله يكتب لي ولكم اللي فيه الخير

بالتوفيق للجميع,,