استفسار \\ للألحاق باالبعثة ايهما افضل "أمريـكا VS أسترالــيا" //

مايبغالها كلاااااااااااام أميكا أسرع للإلحاق أما أستراليا بتجيك بعد ماتصير جد هذا اذا ألحقوك لأنها مقفله هناك
أما قبولك فالافضل قبول مشروط من الجامعه يعني تشترط انك تخلص المعهد عندها واذا خلصت المستويات تدخل الجامعه

روح امريكا مرا لاتجي استراليا ولاتفكر فيها اذا تبغى نصيحتي

اذا انك بتدرس بكلاريوس روح امريكا اما اذا انك تبغى تكمل ماستر تعال استراليا

وان شاء الله الشبااب يفيدووونك

موفق ان شاء الله

أنا بحكم تجربتي مع الدولتين حعطيك مقارنة بسيطه وانت الحكم :-

أمريكا :-

-الالحاق بالبعثه سهل جدا ً على حسب مايتردد من الطلاب المبتعثين بالولايات المتحدة .
-إجرءات التأشيرة الامريكية تتطلب تنظيم وقت وسهولتها أو صعوبة أخذ التاشيرة يعتمد على الشخص .
- حتى تنال القبول الجامعي وتنال وثيقة I20 عليك فقط دفع رسوم ادارية للجامعة أو للمعهد وعليك اصدار ضمان مالي من حسابك
لإظهاره للسفارة الامريكية حتى تثبت أنك قادر على دفع تكاليف دراستك .
-تعدد خيارات الدراسة بأمريكا وتعدد أنماط العيش بالولايات المتحدة بما فيها اختلاف الضرائب من ولاية الى ولاية فهناك ولايات رخيصه وهناك ولايات غالية .
- رحلات مباشرة للخطوط السعودية لأمريكا من وإلى المملكة .
- الـتأشيرة الامريكية يتم تمديدها بالسفارة الامريكية بالرياض أي لو انتهت التاشيرة وانت بامريكا يجب أن تعود لتجديدها .
- التأشيرة الامريكية لاتتطلب فحص طبي أو دفع مقدم .

أستراليا :-

- لإستصدار الفيزا الاسترالية يجب عليك دفع الرسوم الدراسية مقدما ً عبر حوالة مالية .
- إجرءات الفيزا الاسترالية تتطلب فحص طبي لدى إحدى المراكز الطبية المعتمده لدى السفارة الاسترالية .
- إجرءات الجمارك الاسترالية ( جدا ً مشدده ) لأن قوانينها لايسمح لك بإدخال المواد الغذائية التي اتيت بها من السعودية ولايمكنك إدخال التمر ولا اي صنف طعام او بقوليات واذا اتيت بها الى استراليا وإذا تريد أن تقرأ عن قوانين الجمارك الاسترالية ابحث عنها بالنت وهي اجرءات تعرف بإجرءات ( الحجر الصحي ) .
- تمديد الفيزا يمكنك ان تقوم به وانت باستراليا عكس اجرءات التاشيرة الامريكية .
- تكاليف المعيشه ( غالية ) .
- الالحاق بالبعثه باستراليا يمشي حسب ( لوائح نظام الابتعاث ) عكس الولايات المتحدة .
- لاتوجد لدى الخطوط السعودية خطوط مباشرة لأستراليا من وإلى المملكة ويتطلب منك استخدام خطوط طيران أخرى من المملكة أو عبر دول الخليج أو الدول القريبة من أستراليا ( ماليزيا - تايلاند - سنغافورة ) .


هذه مقارنه بسيطة بين الدولتين من ناحية السفر واجرءات الفيزا وتكاليف المعيشه .

الله يوفقك ولاتنسى انك لازم ولابد لما تختار جامعة لازم تكون معتمده من وزارة التعليم العالي ولاتنسى لو بتروح امريكا لازم تعمل جدول زمني تنسق فيها خطواتك ... وممكن افيدك فيها .

الله يوفقك يارب ..

.. السـلآم عليكم ورحمة الله وبركاتة ,~
..