وينكم تعالو بسرعه ....

بسم الله الرحمن الرحيم

انا بساعدك انا في امريكا الحين
اول شي اذا انت بتجي على واشنطن تستقبلك الملحقية وتوديك الفندق ويكون معك سعوديين ويعطونك اوراق تفتح ملف

ثم ما عليهم منك انت الاي تدبر عمرك
والسعوديين بتلاقي كثير خصوصا على الخطوط السعودية
وبالنسبة للمصروف على حسب اذا انت راعي خراب يمكن ما تكفيك 800 دولا لاكن اذا انت عاقل تكفيك وزيادة بس دور الاشياء الرخيصة
واي سوال انا حاضر على الخاص

وشكرااا

اخوي عبد العزيز الله يجزاك خير الصراحه ماقدرة اراسلك على الخاص لانى مشاركاتي اقل من 30 بس
المشكلة انا راح ادرس على حسابي يعني مندوب المكتب هو الي بستقبلني فأيش تنصحني اعمل .....

أخي الفاضل فور وصولك لمطار دالاس واشنطن تجد موظف من الملحقية مصري الجنسية معه لوحه عليها شعار المملكة العربية السعودية (سيفين ونخله) إتسجل إسمك عنده وتنتظر حتى يكتمل العدد(الطلاب)
وهذا الرابط الذي من خلاله تُبلغ الملحقية بوصولك لواشنطن http://www.sacm.org/pdf/NewStudentArrival.aspx ومع ذلك خلك مُنسق مع مندوب المكتب إحتياطاً للطوارئ لو لاسمح الله لم تصل لموظف الملحقية تجد مندوب المكتب الذي تعاملت معه موجود ويوصلك للمحلقية طبعاً يوجد فندق قريب من الملحقية إسمه وتر قيت تروح للملحقية على الأقدام في نفس مبنى الملحقية.
ومن ثم يتوجه بكم (أقصد الموظف محمد مندوب الملحقية) للفندق الذي سوف تقيمون فيه طبعاً تكاليف الفندق على حسابك سواءً مبتعث أو غير مبتعث ومن ثم يأتي لكم بأوراق فتح الملفات ويساعدونكم في فتح الملفات ومن ثم يستلمونها منك وهنا تكون قد أنهيت إجرائاتك لدى الملحقية وبعد إسبوع يرسلون لك على الأميل رقم الطلابي في قسم الدارسين على حسابهم الخاص, بعض الطلاب ينتظر حتى اليوم الثاني وفي هذا اليوم يأتي إليكم الأستاذ سعد العريني رئيس قسم الدارسين على حسابهم الخاص ويشرح لكم كيفية تعبئة الأوراق ويحدثكم عن بعض الأمور التي تخص الألحاق.

بعد ذلك أتوقع أنك سوف تتوجه للمطار للتوجه لولايتك التي بها دراستك طبعاً يوم إلى يومين كافية لإنهاء الأجراءات مع الملحقية في واشنطن.

800 دولار كافيه وتعتبر جداً ممتازه شهرياً لمصروفك الشخصي فقط بإذن الله.

وفقك الله وجعلك من المقبولين والمبتعثين قريباً,,,

اخي الكريم ...

يامحاسن الصدف

ترى انا في نفس المدينه اللي انت رايحهااا لاااااااااااا وفي نفس المعهد اللي رايح عليه

المعهد من جهه التدريس اذا ماعندك خلفيه عن الانجلش يعني ميييييييييييييييييييييح انا ماانصحك بالمعهد

المدرسين اللي فيه اغلبهم سيئين ماعدا كم واحد فيهم جدااا كويس

المدينه جدا ممتازه وهادئه وتكفيك بالراحه 800 دولار طبعا اذا اخذنا في الحسبان دووون تكاليف السكن

ماادري انت جا هنا بتجلس كم ؟؟؟

لانه لو كنت مطول اكثر من 6 شهور افضل لك انك تكنسل السكن وانا ادور لك على سكن رخيص وقريب من المعهد

لانه لو المعهد راح يدور لك على سكن اكيد راح يكون بعيد جدااا عن المعهد

انا ساكن قريب من المعهد مشوار 5 دقايق مشي ومكلفني اقل بكثير من لو اخذت سكن من نفس المعهد

واي خدمه انا حاااااااااااااضررر اخوي

وبالنسبه للسعودين المدينه فيها عدد لاباس به من السعوديين والعرب

تحياتــي...

اخوي احمد العياف الله يجعلها في موازين حسناتك ويسر امورك

السلام عليكم اخوي مهندس مع وقف التنفيذ.....
طيب انت باي معهد تنصحي ؟؟؟؟؟
ثاني شي انا فترة دراستي سنه تقريبآ......
والسكن الي انت ماخذه كم تكلفته تقريبآ في الشهر ....
ولك مني اجمـــــــــــــــــــل تحية وكم حبه على الراس بعد

والله ياغالي شووووووف

بصراحه المدينه جميله وماينعاب فيها غير ان معاهدها تجاريه وضعيفه

فلو عندك الاستطاعه تحول لوس انجلووس وتدور في معهد يكون تابع لجامعه معترف بهااا من الملحقية

يكون افضل واقوى

لاني انا الى الان لي شهرين في امريكا مااستفدت الاستفاده اللي ابغاها ((دراسه اكاديمية))

بس انا اللي مخليني جالس في هذا المعهد اني درست في كندا سنه لغه والحمدلله لغتي لاباس بها

فاذا كنت ميح في الانجليزي انصحك تغير مدينه وتروح معهد تابع لجامعه في لوس انجلوس

السكن اللي انا ماخذه بـ725 دولار امريكي في الشهر

طبعا الحمام اكرمك الله مشترك ومعايا زميل في غرفه ثانيه يشاركني الحمام اكرمك الله

ومعانا في نفس البيت صاحب البيت وحرمته طبعا لهم دوره مياه خاصه

وطبعا ماهو مسؤول عن اكلك يعني انت تروح السوبر ماركت نهايه كل اسبوع تقضي وش تبي وتسوي بنفسك

وصاحب البيت جدا حبوب لانه اصلا مو امريكي بس معاه الجنسيه الامريكيه

هو مكسيكي وجدا حبوب ويتكلم معاك

قلي متى جيتك اذا انت مصمم تبي المدينه هذه عشان لو حاب ادور لك على سكن حلو وقريب من المعهد

ادور لك ياغالي

واي خدمه حبيبي مايردك غير الكيبورد

تحياتــي...
اخوك ابوطلال

اخوى مهندس انا ياالغالي جيتي المفروض في اول شهر رمضان
لاكن اذا قدرة اني ادور معهد تابع لجامعه واحول عليه ممكن تتأجل جيتي
في شهر رمضان .....
وانا الصراحه حاب اني اتواصل معك اذا ماعنك اي مانع ,,,, واعلمك بلمستجدات ...
تحياتي لك ياالغالي .

ياغالي تامرني امر

بعطيك ايميلي بس راسلني عليه

eng.trad

على الهوتميل

والله اتمنالك كل الخير ياغالي وافضل لك ان تحول معهد لمعهد تابع لجامعه

كل التوفيق لك ولي ولجميع الدارسين