استفسار من الاخ العزيز احمد العياف

السلام عليكم ورحمة الله وبركاته

طلب من الاخ العزيز العياف او من عنده خبره من الاخوان المتواجدين في المنتدى بخصوص امر الاركاب والامور المتعلقه به , انا اخذت تذاكر من الوزارة , طبعا انا طالع للدراسة على حسابي , لكن بعد ما اخذت التذاكر من مكتب الطيار اللي في الوزارة وقالي لي موظف الطيار خلاص كذا امورك تمام , قلت له هذي التذاكر طيب وين امر الاركاب , اللي هو الخطاب اللي يكون مذكور اسمي فيه , لانه هذا الغرض من الحصول على امر الاركاب .
قال لي انه انت طالع على حسابك ومايطلع لك هذا الخطاب , الخطاب بس للمبتعثين , انت تكفيك التذكرة واذا رحت لواشنطن قدمها لهم .

طبعا كلامه ماخش مزاجي ورجعت للشخص ( الله يجزاه خير ) اللي طلع لي التذاكر وقلت له نفس الكلام اللي قلته لموظف الطيار وقال لي نفس كلام موظف مكتب الطيار .

السؤال للأخوان اللي سبق واخذوا تذاكر من الوزارة وهم طالعين على حسابهم : هل تكفي صورة التذكرة اللي اخذتها من مكتب الطيار ؟ هل تقوم مقام امر الاركاب ؟ وهل راح تقبلها الملحقية في واشنطن ؟

الان انا وواحد من اقربائي طالعين على نفس الرحلة بس هو شاري التذاكر على حسابه وانا على حساب الوزارة , كيف بيفرقون بيننا الملحقية ؟ لان التذاكر نفس بعض مابينها فرق .

لانه مثل ماتعرفون الواحد وده انه اموره تكون تمام قبل لايمشي .

واسف اذا كنت طولت عليكم