مساعدة خطاب بتكفل الوالد بمصاريف الدراسة ... ضروري

اخوي خل الوالد الله يحفظه يروح لأي بنك و يقول لهم ابي ضمان مالي للولد عشان بيدرس برهـ و هم يعرفوا وش يكتبوا
بس قول لهم انه يذكروا اسمك في الخطاب يعني بداية الخطاب البنك يقول فلان الفلاني عميل عندنا و في حسابه إلى التاريخ الفلاني مبلغ كذا, بعدين تحت يكتبوا و فلان الفلاني اللي هو انت يكون ولدي وانا مستعد اتكفل بجميع مصاريفه طول دراسته.

كل البنوك يعرفوا الضمان المالي بس بعضهم ما يكتبوا الجزء الثاني من الخطاب اللي يذكروا فيه اسمك انت اطلب منهم افضل

و بالتوفيق للجميع

المشكلة إني طبعت الضمان المالي من البنك ..

ما في حل غيره ..

يعطيك العافية أخوي ..

ما فهمت كيف المشكلة طبعت الضمان المالي من البنك؟

أنا خلاص طبعت الضمان المالي و أرسلته ..

بعدين قالولي يبغوا خطاب من الوالد غير الضمان المالي على إنه يتكفل بمصاريف الدراسة .. لأني سألتهم الضمان المالي مايكفي قالوا لا لازم أبوك يكتب خطاب بأنه راح يتكفل بجميع مصاريف الدراسة و يوقع عليها و ترسلها ..

اها , يعني نفس اللي قلت لك اخوي تخلي الوالد يروح البنك و يطلب منهم يضيفوا هذا الشي انه هو ابوك و بيتكفل بكل شي
انا اخوي حسابه في البنك الاهلي و وسوله هذا الشي و ولد عمي ابوه في سامبا و سووله هذا الشي
اما حل غير كذا ما اتوقع في وما اظن اها مشكلة كبيرة يعني كلها نص ساعة و يخلص هالموضوع

وعليكم السلام

بالنسبة للخطاب الي انت طالبه فهو مختلف تماما عن الضمان المالي

الضمان المالي يصدره لك البنك .. و خطاب التكفل بمصاريفك الدراسية يكون صادر من الشخص الي راح يتكفل بدراستك

الي هو الوالد او اخوك .. او عمك وخلافه

والخطاب هذا تطلبه بعض الجامعات منك .. والشغله سهله لاتشيل هم

خلي الوالد يكتب رساله انه راح يتكفل بجميع مصاريفك الدراسية و التأمين الطبي اللازم .. بألاضافه لمصاريف المعيشة

ويحدد مبلغ شهري الي هو بمثابة راتب شهري لك .. حاول تخليه 2000 دولار مثلا

وتحت يكتب اسمه و توقيعه بس

وبالنسبة للصيغه موجوده عندي .. بس توني مفرمت الجهاز و لازم انزل برنامج الاوفيس عشان اقدر افتح الملف

اول ما افتحه راح ارسل لك الصيغه بأذن الله ...

ولكن سؤال .. هل الوالد عنده مؤسسة او شركة .. ولا موظف ؟

لان اذا عنده مؤسسة او شركة راح تكون الصيغه مختلفه شوي .. وتكون مشابهه للصيغه الي عندي ..افضل لك

يصير بس اعطيك الصيغه وانت تعدل على الاسامي و ترسلها لهم

مشكووووووووووووورين على الردود .. و يعطيكم ربي ألف عافية ..




أنا بإنتظار رسالتك .. الوالد متقاعد الحين .. و المؤسسة الي مسويها بأسمي