استفسار هل هذا الخطاب هو قبول مشروط؟

مبروووك .. عندك قبول مشروط من الجامعة لفترة الربيع 2011 ..
بس ماأدري اذا فيه اجراءات ثانية .. ان شاء الله احد يفيدك أكثر

ع البركه كاتبين لج قبول مشروط بدراسه اللغه في الجامعه اظن اسمها جامعه واشنطن عدل

ع البرررركه ابد ارسليها للملحقيه

مبروك عليك القبول المشروط في ماجستير ادارة الاعمال لربيع 2011

الف الف مبروك قبول مشروط ويوم تخلصي اللغة الانجليزية راح تبدأي دراستك الاكاديمية , اهم شي تتأكدي من ان الجامعه والتخصص هذا بالذات معترف بهم في الوزارة عن طريق الأخ طارق لان القائمة الي بموقع الوزارة ماهي مجددة , هذا الرابط راح يشرحلك النقطه هذي باتفصيل:

http://www.mbt3th.us/vb/forum8/thread198294.html

ألف ألف ألف شكر لكم يا أخواني على التوضيح والتأكيد
والله يبارك فيكم
خليتوني أحس إن الموضوع يستاهل أفرح فيه أخيرا بعد معاناة مراسلات فاشله دامت 3 أشهر مع ما يزيد عن 50 جامعه أمريكية

لالالاااااااا فيه قرقر ثاني الحين مع د. طارق !!
يعين الله .. بروح أراسله وأسأله هل هذي الجامعه معترف فيها أو لا
علما إن موقع الوزارة معتمدها ومعتمد الماستر لتخصصي

شكرا لكم جميعاً

يا خوفي تتحطمين ولاكن على حسب كلام الناس ان موقع الوزارة ما يتحدث سريع فالمرجع الاستاذ طارق

الف مبروك .. ممكن صيغة الخطاب اللي ارسلتيه للجامعات للحصول على قبول مشروط

الف شكر لك

بس يرد د. طارق رح أعلمك وش قال

وللأخت العسوله اللي تسأل عن الصيغه، ولأني ما أعرف انجلش جبت صيغه من النت وبتعديل احترافي خخخ

شوفيني توني نزلت موضوع مخصوص لعيونك

هلا والله اختي انا مبتعث في اليابان وحاب احولة البعثة الى امريكا
وراسلت الجامعة هذي بس القبول اللي يعطونك اياه هو قبول Preparatory Program بمعنى سنة تحضيرية او مواد تكميلية
فما ادري ان كان فعلا الملحقية توافق علية او لا
بس ياريت تتأكدين لأنه مكتوب في الخط العريض Conditionally Admitted to the Masters of Business Administration Preparatory Program

انا تراي مادري ان كانت الملحقية تقبل فيه او لا علشان كذا لا تتحطميين
وياريت اهل الخبرة يفيدوننا