أنا معي أمر أركاب بس المشكلة أني موظف حكومي وقربت على انهاء الفصل من العمل

نصيحتي انك ما تسافر إلا وأنت معدل المهنة وياليت تحاول تعدلها إلى طالب أذهب لمدير الأحوال المدنية و اشرح له وضعك من طق طق إلى السلام عليكم وترا إذا انه مدير الأحوال المدنية بالرياض تراه حبوب وسمعت انه يتجاوب مع المراجعين
وقله حرااام يعني تصيرون عائق لمستقبلي والموضوع واقف على كم شهر و من هالكلام .
والله يسهل لك امرك ،،

حاولت يااخوي عبدالله لكن ماافاد معه شئ
دائم أسمع كلمة النظام النظام عقدتني هذي الكلمة
لكن أخذت أجازة 45 يوم
خارجية بس المشكلة في الملحقية هل يتاكدون بأني عسكري أو لا
وهل بيقبلون أوراقي وواقع على التعهد أني ماني موظف لين أخوي يضبط الامور في الرياض
ويعدل المهنة لي
والله أنجنيت من هذا الموضوع
اتمنى تفيدوني

^^
والله ما اقدر افيدك لكن انصحك بأنك ما تتهور وتقدم على خطوة وتندم عليها رح للوزارة بفيدونك اكثر من المنتدى وحاووووول لا تيأس مع مدير الأحوال المدنية جب معك التذاكر واكتب لهم معروض ابلشهم في انفسهم لا تيأس ابداً كل يوم صبح على مديرهم إلا أن يقول الفكه
الله يسهل لك امرك ،

الله يعطيك العافية أخوي عبدالله
بس أبي احد يوضحلي النقاط الذي ذكرتها
من هم عندهم خبره في هالمواضيع
يفيدني
لأن بجد راسي قام يلف

السلام عليكم

انا يا خوي زي حالت تقريبا
اولا انا موظف ولكن في الاحوال طالب فما ادري باجازف وباقول ماني موظف

وكمان انا باسافر وانا على راس العمل وبدرس لين التحق وبعدين باستقيل من العمل
فما ادري والله كيف طريقتي بتظبط او لا يعني بيعرفون اني موظف او انهم يشوفون الحاله طالب ويمشونها
سؤال انت رايح تدرس على حسابك ؟؟ يعني قدمت وجاك امر اركاب


على العموم الله يعينك وبالتوفيق للكل

مادام أنك في الاحوال ماانت موظف طالب بصراحة وضعك طيب ماشاء الله
لأني سمعت الوزارة تشيك في الاحوال قبل مايدخل أسمك السيستم
يتأكدون من ملفك وهذي النقطة مجننتني
وأنا رايح على حسابي وبايع اللي وراي ودوني
علشان أكمل تعليمي بعد الرفض التام من العمل أني ماكمل دراستي
والعمل يحتاجني أكثر قررت استقيل ودخلت على العطيه 3 مرات لكن بدون فائدة
حست الوزارة فوق تحت لين حصلت موظف طيب وشرحت وضعي له وقال ماعليك جب أوراقك
قبول جامعي وفيزتك وبطاقة الاحوال وجوازك
وجيته فعلاً مااقصر معي خدمني خدمة العمر الله يوفقه وين مااراح
لااعرفه ولايعرفني وخدمني واللي يقربلي صرفني سبحان الله دنيا فيها العجائب

الله يوفقك يا اخوي
انا من رأي انك تسافر وتبدأ دراسة وما تفتح ملف في الملحقية الا لما اخوك في السعودية يخلص شغلك ويغير المهنة
وبالتوفيق

والله فكرة رائعة أخي الحالم
بس مشوار اجلس شهر ادرس في المعهد وبعدين اسافر
لواشنطن احسها خسائر طيران وتاكسي وتكلفة بتطلع علي
بس يعتبر حل لمشكلتي ومجبور عليه
يعطيك العافية أخوي ماقصرت

اش قصدك انه خدمك هل تقصد امر الاركاب
وبالنسبه لي حتى اسمي مسجل بالتامينات بس في الاحوال انا طالب فوالله اني زيك في حيره ما اعرف وش اصلح وبتوكل على الله وبأروح ان شاء الله