مبتعث جديد New Member
الولايات المتحدة الأمريكية
ارامكو السعوديه , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى Mechanical Engineering
, بجامعة UALR
- UALR
- Mechanical Engineering
- ذكر
- little rock, Arkansas
- السعودية
- Aug 2010
المزيدl August 29th, 2010, 10:20 AM
August 29th, 2010, 10:20 AM
السلام عليكم ورحمة الله وبركاته ...
بدخل بالموضوع على طول بما اني ما اجيد المقدمات ,,
يا اخواني زي ما عرفتو من العنوان انا موظف في ارامكو عندي خدمه 4 سنوات
واحس بقلق وقروشه في العمل بالعربي ~> احسها مو مستواي وانا الحقيقه كرهت نفسي معها
طبعاً ولله الحمد مانقدر نجحد النعمه اكيد في ناس يتمنوها بس كل واحد و اهدافه ...
وانا الان اكمل الجامعه عن طريق الأنتساب وخلص ولله الحمد السنه الأولى ,
والأن انا محتااار جداً مدري اكمل مشواري ,,
في ناس تقول كمل جامعتك هنا واطلع كمّل مااستر هناك
وناس تقول لا اطلع واخذ لك هندسه افضل لك
والله اني ما انام الليل مرتاح مشغول بالي ..
طبعاً انا ودي اطلع اليوم قبل بكرا بس اللي حولي دايم يرددوني
واكثر شيء يرددني إذا قالو الحين الناس تطلع على شان تتوظف وانت تطلع من وظيفه على شان تعود طالب ؟؟
فـ إذا عزمّت أطلع بإذن الله ابي اعرف كم احتاج على شان يضموني تبع الابتعاث (على حساب الدوله)
والماده كم احتاج
إذا قلنا اني بدخل جامعة اكرون ..
الماده شوي تمسكني بعد يعني من الأشياء اللي مرددتني واجد ...
ناس تقول من 100 الف إلى 150
وناس تقول مو اكثر من 60 الف
والله مخي ضَرَبْ مافيه يفكر
وكيف التوفل انا هذي مافهمتها ابداً في ناس تقول انو الجامعه اللي فيها معهد ماتحتاج توفل يعني خلص مستويات المعهد على طول تدخل الجامعه بدون توفل .. !!!
تكفوووون يا جماعة الخير انصحوني
زي ماقلت لكم انا موظف يعني شي مو بسيط اني اترك الوظيفه !!
انا بستخير إن شاء الله بس لآزم اخذ العلم من اهل العلم كما وصانا محمد صلى الله عليه وسلم ..
بس بعطيكم معلومه صغيره :: يمكن في ناس تقول خلك في وظيفتك بس ماتعرف كم الراتب ,, راتبي بالظبط 5500 ريال
يعني تقريباً ما يكفي شخص مصرف مثلي
يعطيكم الف عافيه مقدماً والله يوفقكم ويرجعكم بلادكم سالمين تنفعون بلدكم إن شاء الله
وعقبال لكل اللي يتمنون او اللي توهم طالعين يارب
في امان الله ~
وعليكم السلام ورحمه الله وبركاته
الله يوفقك أخوي وين مارحت ان شاء الله
أول شي الدراسه والشهادة مهمه جدا لك ولمستقبلك ان شاء الله
أنا ما ابي أحبطك ولا أبي أقلل من رغبتك بالذهاب للدراسه لكن لازم تفكر فيها صح قبل تترك وظيفتك حتى لو كان راتبك زي ماقلت
أللي أعرفه ان أرامكو تعطي الموظف حقه اذا كمل دراسته بأي طريقه يعني لو كملت هنا أنتساب وخلصتها بأذن الله أرامكو راح تعدل من وضعك وأنا متأكد من هالشيء بحكم كثير من عائلتي موظفين بأرامكو
صدق أنها شوي خربت الشركة بس مو للهدرجه أنها ماتعطي موظفينها حقوقهم بالعكس الشركة تشجع على الدراسه وتعديل مستوى الموظف
فأنت أهم تستخير وماتسوي اي خطوة حتى تكون متأكد بأذن الله عشان تخسر وظيفتك
أنا نفس وضعك والله بس أنا وظيفتي بقطاع خاص والدوام فترتين صباح ومساء ومتعبة جدا صدق راتبي الحمدلله يوصل 9 آلاف بس أبد مافيها راحه كلها مشاكل بمشاكل وقدمت أستقالتي عشان أبكمل بكالورويوس بحكم ان معي دبلوم أدارة
ياليت لو تقول بأي قسم تشتغل أو مسمى وظيفتك وهل أنت رسمي أو عقد مع ارامكو
الله يوفقك يارب
اخوك يوسف
/
yousef84 August 29th, 2010, 11:40 AM
7 " الله يعينك وماشاء الله شغلتك مهيب شينه في ارامكو اوبريتور فيها شفتات وراتب بدل سكن وو يرصفلك 6 رواتب او اكثر كل سنه من غير 12 راتب يعني خير ونعمه لكن انك تفصل اذا مجمعلك ميزانيه حلوه لدراسة في الخارج فروح ولا تتردد وتراه افضلك بمليون مره انك ترجع لشركه بشهادة هندسة وتصير سنير من غير تفاهم واحسن بعد في الوضع النفسي اكيد ما يخفى عليك الاغلب من الرئساء تعامله سئ او ما اقول سئ غير مقبول للخريجين من ITC .. بس من ناحية انك مصروف 5500 ريال ما تكفيك فهاذي مشكلة كبيره غيرك عايش على الفين ريال ومرتاح لأبعد درجه الا في حالة عندك عائلة اما اذا كنت عزوبي فقولك من الحين خلك في السعوديه ابرك لك لأنه يبغالك اجل مصرف في كندا ولا امريكا اكثر من 6 الاف $ ما يقارب 20 الف ريال سعودي كل شهر مقارنه بالي تصرفه في السعوديه يعني في السنه فوق 250 الف ريال مصرف فقط من غير رسوم دراسه الخ ... والخيار راجع لك
احم احم 911 August 29th, 2010, 03:13 PM
7 " بسم الله الرحمن الرحيم
اول شي كل انسان له وجهة نظر وكل واحد عقله براسه ويدري وش يسوي مو معانا الكلام هذا اني اجدع عليك
لكن وانا اخوك كل واحد له ظروف وله امكانيات وانا مادري عنك فانا ابتكلم بعموم الشخص ولا اقدر احدد لك شي
وكل واحد يسعى انه يكون بازين حال صح والا لا
فانا اقولك طبعا اذا تقول كم يبي لي واصير على البعثه ؟ هذا جواب محد يعرفه فيه واحد
من العيال جاي مامعه واسطه ولا شي وماشا الله اول ماطب امريكا نزلت المكرمه ظم ولا دفع الا ٩٠٠ دولار
حق السكن وبعض الاغراض وانا جيت بعده بسبوع ولا دخلت بالمكرمه ولا نقول الا الحمد لله انا جاي معي
واسطه ولا انظميت الا بعد ٣ شهور فالمساله توفيق من الله وفيه ناس جلسو الغالبيه من ٥ الي ٧ شهور ونظمو للبعثه
فانا اقولك العب على المضمون ولاتطمع .
واذا على التكلفه على حسب الشخص والديره اللي انت رايح لمها مو على على حسب الولايه (الولايه تعطيك العموم لان الولايه
مثل المنطقه الحين يقلون الرياض غالي الاجار فيه او الاراضي طيب الاراضي اللي في الغاط والا الزلفي مثل سعر الاراضي
اللي في الرياض ) هذا معنى كلامي
فيعني انت وديرتك اعطيك تفاصيل السعر وبالمتوسط وحقنا حنا ياسعودين يعني سكن متوسط
في الولايات الغاليه مثل كلفورينا
مدينه سان فران سيسكو السكن ب ٩٠٠ دولار
مدينه هيورد صغيره السكن ٦٠٠ دولار بس عموما كلفورينا ما انصح اي واحد متعث او غير مبتعث لايجي لمه
ولايه متوسطه مثل تاكسس
مدينه دالاس السكن ب٦٠٠ دولار
ولايه رخيصه مثل اوهايو
مدينه تاكسس السكن المتوسط ٤٠٠دولار
اما المعهد فالمتوسط ١٠٠٠ دولار في جميع المدن معاهد اللغه اللي ماتتبع جامعه (تحصل معاهد ماتتبع لجامعه معترف فيها)
واما المعيشه على حسب الشخص يعني المتوسط اتوقع ٤٠٠دولار
انا صراحه في سان فرانسيكوا واعرف ناس في اوهايو
انا لا اتكلم بنسبه لنفسي او خوييا انا اخذت المتوسط من الجميع
والله اعلم وبإمكانك اخذ العلم من غيري (حنا قلنا اللي عندنا والعلم عند الله وانت الله يوفقك لما يحب ويراضا)
تقبل تحياتي ياعزيز.....
AL7OOL August 29th, 2010, 04:03 PM
7 " والله ياخوي انا مثل وضعك تقريبا موظف في سابك وراتبي تقريبا 9500 ريال وضعي في الشركة تمام بس الواحد طموح ووده ياخذ شهاده لا ومتزوج وعندي ولد الله يحفظه لي
المهم مالك في الطويله انا قدمت علي هندسه ميكانيكيه وجاتني الفيزه المفروض اني اروح في بداية رمضان وأجلتها لأني محتار هل اغامر بوظيفتي واهلي مع العلم لو حسبتها بعد خمس سنوات يمكن يكون راتبي قريب 14000 الف ريال وانا علي راس العمل
علي العموم انا ادوشتك معي لكن ادرس الموضوع من جميع النواحي وقبل كل شي استخر ربك انا مأقدر اقول لك استقيل من وظيفتك ورح كمل دراستك او تم علي وظيفتك صحيح هو قرار صعب ويتبعه عقبات ولابد دراستها جيدا.
واسئل الله انه يدلك علي اللي فيه خير لك ولدينك واهلك ويسدد خطاك
اخوك ابو عمر
الشعيل 111 September 1st, 2010, 05:22 AM
7 " ياأستاذي الفَاضل ...
بالرغم من إني أكون أصغر منك بكثير و لا أعرف وضعك مَره , لكن موضوعك أعطى ملخص وأنا بديك رأيي ولكن قد يرى البعض أنني ( اتلفسف ) أو ( أقرقر كثير )واحب ان اكتب بالفصحى افضل .
(قراءة ممتعه )
أستاذي الفاضل ..
أهنيك على طموحك في إكمال دراستك وأنا أعلم وضعك ومدى تشتت ذهنك فأنا عشت ماعشته ولكن بالنهاية رزقني الله بمكرمة الملك حفظه الله , على حد علمي أرامكو السعودية لديها إمكانية ابتعاث موظيفها أو خدمة موظفيها وإمدادهم بالمعارف الضرورية . حاول أن تجد منفذ ابتعاث خارجي عن طريق أرامكو إذا تمكنت .
بالنسبة للغتك الانجليزية وتطوير قدرتك بها فنصيحتي لك هو أن تسجل في معهد لغة إنجليزية مشهود لها , أو إذا أمكنك أن تأخذ دورات لغة انجليزية بأرامكو السعودية إذا كان هذا الامر ممكن . مِثل الخطوط السعودية على سبيل المثال تقوم بدورات للغة الانجليزية لموظفيها وابناء موظفيها , ولاتقف عند هذا الحد بل حاول أن تتعرف وتقرأ جيدا ً عن إختباري IELTS و TOFEL وتتعلم تقنيات الاجابة بهذين الاختبارين وبالمناسبة هذين الاختبارين جميعهما لقياس اللغة الانجليزية ولكن الفرق أن IELTS إختبار بريطاني لقياس اللغة الانجليزية ويكون مطلوب بجامعات المملكة المتحدة ودول الكومنولث , أما TOFEL فهو أمريكي ومطلوب بالولايات المتحدة وبقية الدول ويعتبر أسهل من اختبار IELTS .
أما مسألة هل الانتساب أم الابتعاث أفضل لك ؟ فهنا أقول لك أكمل الانتساب بجامعة الملك عبدالعزيز واستغل الوقت في القيام بتعلم الانجليزية واجراء الخطوات التي اقترحتها عليك اعلاه لأن على كل حال تكاليف الدراسة خارج المملكة و اجراء معاملة الالحاق بالبعثه تحتاج الكثير من الوقت وفيها أوقات عصيبه وحينما تنهي مرحلة البكالوريوس بجامعة الملك عبدالعزيز وتمتلك امكانية هائلة باللغة الانجليزية أكمل دراستك بالخارج إما على حسابك الخاص أو التقديم على برنامج الابتعاث الخارجي الذي يتم افتتاحه كل سنة وبالمناسبة فإن اجرءات الانضمام لبرنامج الابتعاث الخارجي السنوي لمرحلة الماجستير سهلة ولاتدخل فيها المعادلات والشروط المعقدة مثل مرحلة البكالوريوس خصوصا ً وان الابتعاث الخارجي مُدد 5 سنوات بأمر الملك .
حَتى إنهاء دراسة الانتساب بجامعة الملك عبدالعزيز ربما قد يرزقك الله عز وجل ببعثة من ارامكو السعودية أو تنقل خدماتك لوظيفة اخرى وافضل من ارامكو ويمكن منها ان تكمل ابتعاثك مثل الهيئة الملكية للجبيل وينبع أو سابك أو ينساب ولكن على كل حال أنت أعلم مني بمدى الامكانيات المتاحة لك والوضع السائد بأرامكو السعودية ومدى الدعم المقدم لك .
لو أردت الدراسة بالخارج على حسابك فنصيحتي لك ان تخطط لها جيدا ً ولاتفوت أي نقطة سواء ً كانت صغيرة أو كبيرة وأن تقرأ عن البلد وانظمتها وكل مابها جيدا ً . أنا على سبيل المثال حينما اردت الدراسة باستراليا قرأت عن البلد جيدا ً وكذلك أمريكا حتى عَرفت اتفه التفاصيل .
ونصيحة أخرى , إذا أردت أن تعرف تكاليف الدراسة بالخارج ويطمئن قلبك ؟ وتقوم بأوراق القبول بنفسك والتأشيرة ؟ اسأل الجامعة التي تريد أن تدرس بها , فكل جامعة تقدم خدمات السكن والمساعدة والاستقبال من المطار فالجامعات هي أكثر من تعطي الجواب الشافي وحتى إن أتى طالب وقال أنا صرفت 100.000 ريال بولاية نيوريورك على سبيل المثال وبنفس الوقت أتى طالب من نفس المنطقة ويقول بأنه صرف 80,000 ريال فهذا لايعتبر مصدر موثوق جدا ً لان المصاريف على حسب طباع الطالب ومنطقته السكنية وهل هو مسرفْ أم لا والكثير من الامور تدخل بضمن حياتهم اليومية التي تقرر كيف هي تكاليف دراستهم بالخارج .
أنا عن نفسي الآن بأستراليا وهي بلد غالية والمعيشة بها غالية ولكن تستطيع أن توفر لأن السوق الاسترالي يملك شركات متعددة بأسعار مختلفه فهناك الرخيص والغالي والعميل هو صاحب الاختيار ( على عكس السوق السعودي ) .
على كل حال آسف على الاطالة ولكن انا حقا ً اتمتع بكتابة الردود المفصلة واظهار معلومات كافية لكل شخص يطلب المشورة وأفضل ان اكتب العربية الفصحى بالردود على الانترنت والكتابة لانني اعرف انك ربما تتضجر من كتابتي للفصحى لأن بعض الاناس يفضلون العامية .
تحياتي لك
اخوك الصغير
يحي
صرخة شهيد September 1st, 2010, 01:08 PM
7 "
August 29th, 2010, 10:20 AM
بدخل بالموضوع على طول بما اني ما اجيد المقدمات ,,
يا اخواني زي ما عرفتو من العنوان انا موظف في ارامكو عندي خدمه 4 سنوات
واحس بقلق وقروشه في العمل بالعربي ~> احسها مو مستواي وانا الحقيقه كرهت نفسي معها
طبعاً ولله الحمد مانقدر نجحد النعمه اكيد في ناس يتمنوها بس كل واحد و اهدافه ...
وانا الان اكمل الجامعه عن طريق الأنتساب وخلص ولله الحمد السنه الأولى ,
والأن انا محتااار جداً مدري اكمل مشواري ,,
في ناس تقول كمل جامعتك هنا واطلع كمّل مااستر هناك
وناس تقول لا اطلع واخذ لك هندسه افضل لك
والله اني ما انام الليل مرتاح مشغول بالي ..
طبعاً انا ودي اطلع اليوم قبل بكرا بس اللي حولي دايم يرددوني
واكثر شيء يرددني إذا قالو الحين الناس تطلع على شان تتوظف وانت تطلع من وظيفه على شان تعود طالب ؟؟
فـ إذا عزمّت أطلع بإذن الله ابي اعرف كم احتاج على شان يضموني تبع الابتعاث (على حساب الدوله)
والماده كم احتاج
إذا قلنا اني بدخل جامعة اكرون ..
الماده شوي تمسكني بعد يعني من الأشياء اللي مرددتني واجد ...
ناس تقول من 100 الف إلى 150
وناس تقول مو اكثر من 60 الف
والله مخي ضَرَبْ مافيه يفكر
وكيف التوفل انا هذي مافهمتها ابداً في ناس تقول انو الجامعه اللي فيها معهد ماتحتاج توفل يعني خلص مستويات المعهد على طول تدخل الجامعه بدون توفل .. !!!
تكفوووون يا جماعة الخير انصحوني
زي ماقلت لكم انا موظف يعني شي مو بسيط اني اترك الوظيفه !!
انا بستخير إن شاء الله بس لآزم اخذ العلم من اهل العلم كما وصانا محمد صلى الله عليه وسلم ..
بس بعطيكم معلومه صغيره :: يمكن في ناس تقول خلك في وظيفتك بس ماتعرف كم الراتب ,, راتبي بالظبط 5500 ريال
يعني تقريباً ما يكفي شخص مصرف مثلي
يعطيكم الف عافيه مقدماً والله يوفقكم ويرجعكم بلادكم سالمين تنفعون بلدكم إن شاء الله
وعقبال لكل اللي يتمنون او اللي توهم طالعين يارب
في امان الله ~