استفسار سؤال لمن قدم أوراقه للملحقية بواشنطن للإلتحاق بالبعثة .. أرجو المساعدة

اخوي اذا كنت تدرس على حسابك ،،، ما يحتاج موافقه ولا يحزنون ،،، مر الملحفيه وانت رايح بالطريق وافتح ملفك..

وبالنسبه للفيزا المصرفيه ،،، ضروري جدا خصوصا في البدايه ما تدري ايش الضروف الي توجهك مع البطاقه العاديه



دعواتك ياغالي

بارك الله فيك يا بعد كل المبتعثين

وإن شاء الله في هالليلة الفضيلة إنه يحقق مرادك

طيب ما عندك خلفية عن مسألة الوقت التقديري للإلتحاق ؟

يعني هل تعرف أحد من الشباب جا قريب وضموه للبعثة بزمن قريب والا الشغلة مرمطه ؟

بالنسبة لسؤالك : هل يشترط موافقه وزارة التعليم العالي للدارس على حسابه الخاص ؟
الجواب : لا لا يشترط , بس مر الملحقية بواشنطن وافتح ملف وربي يوفقك

بطاقة الفيزا : ظرورية جداً ولاكن يمكن الاستغناء عنها اذا ما قدرت

تسلم اخوي ،،،

وبالنسبه للطلاب الي جايين بعد المكرمه ،،، السالفه فيه مرمطه وعوار راس ،، وماتمشي امورك الا بواسطه ،،، ما ودي احطمك بس هذا الي صاير ،،،، انا موجود من شهر ٣ وملفي مانفتح الاقبل شهرين ،، ضيعوه والى الان مانرسل....


الامور تمشي هنا بس ببطئ شديد ،،، يعني اذا كنت من النوع الحريص والي يتابع يوميا ،، تتعب نفسيا معهم

والله يكتبلك الي فيه الخير

الله يعين ويسهل والامور توضح الموافقة من الوزارة مو مطلوبة والوقت الالتحاق مو معروف

الله المستعان بس .. يا رجل إحنا معلقين آمالنا بالله سبحانه وتعالى ثم في رجال الملحقية والوزارة .. والحقيقة إن الواحد يبيله يصبر ويحط إتكاله كلياً على الله سبحانه وتعالى ولا يركن لليأس .. الواحد لازم يتعب في البداية عشان يلقى .. وإن شاء الله غن الله ما يخيب ظن احد فيكم وكلكم تنضمون للبعثة وبكل يسر وسهولة ولا يبقى أحد منكم إلا راضي .

من ناحية الواسطة والبطء الشديد اكيد هو من الزحمة والكظ وكثر الطلاب .. ولكن ربك كريم .. ولو عندك واسطة الدنيا كلها وتبي تلتحق وربك ما أراد فما انت بملتحق لو إيش .. ولو ربك يريد لك التوفيق من بدري فهو وحدة القدار على تيسير الأمر كله .

إذا تعلّق الموضوع بالله عز وجل .. أبشروا بكل خير وخلوا علاقتكم بالله هي الأولى والمتينة .. مو في فلان وفلتان .. ثم إن الله رح يسخر لكم الناس لخدمتكم مثل ما سخر البحر لموسى وهو على كل شيء قدير .


يارب .. بحق هذي الليلة الفضيلة إنك ما تخيب ظننا
وتقبل صيامنا ودعائنا وقيامنا
وأن توفقنا وترحمنا وتيسر لنا طريق العلم وتهدينا
وأن تقبل الكل منا في البعثة وترفق بحالنا
بحق هذي الليلة الفضيلة يا رب العالمين