اتصل على االاخ ابو ناجي انشاء الله ما يقصر معك وعطيتك الي تبيه بناء على طلبك الرقم O5 5 4 6 5 4 9 5 8
7 " مساعدة مطلوب معقب في السفارة الأمريكية لاستخراج تأشيرة
مساعدة مطلوب معقب في السفارة الأمريكية لاستخراج تأشيرة
تنبيه: هذا الموضوع قديم. تم طرحه قبل 4976 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- حبيبي فايز ماتحتاج معقب ولا شي لانك كذا كذا مظطر تروح للسفاره بنفسك7 "
الخطوات ياحبيبي
1- انك تاخذ الاي تونتي اللي هو القبول اللي معك لااقرب مكتب واذا تبي المكتب ابشر ارسلك لنفس مكتب اللي حجز لي بالسفاره
2- بعد مايخلصك المكتب ياطويل العمر تنتظر موعدك بالسفاره وتجهز الاوراق
منها القبول اللي معك وخمس صور لك مكشوف الراس خمسه ب خمسه بدون تعديل المصور خلفية بيضا والشهاده الماليه وكشف حساب
وايصالات الرسوم اللي دفعتها 200 دولار و 532 رسوم تاشيره وصفحة التاكيد اللي راح يسويها لك المكتب و 65 رسوم الفيديكس
3- بعد ماتروح للسفاره وتخلص منهم يايقبلونك يا يقولون لاقدر الله ديور
وانتهى بلا معقب بلاخساير زياده* - ضيع 10 دقايق من وقتك في قسم التأشيرات في المنتدى هنا وراح تعرف كل شي بنفسك المسألة بسيطة ترى7 "
اصلا ما احد يقدر يسويها عنك لانه لازم حضورك وبصماتك
وترى الوضع الان سهالات في اقل من اسبوع تجيك الفيزا مو مثل اول - جزاك الله خير7 "
ياريت تعطيني عنوان المكتب التي خدمك
طيب صورة الجواز عندي ليست مكشوف الرأس ،،،،، هل فيها مشكلة ؟!!
ما هي الشهادة المالية ؟؟؟ وكشف الحساب هل لابد يكون فيه مبلغ معين ؟؟؟
رسوم 65 الفيدكس ! حقت إيش ؟ إيش اللي راح أرسله ؟ -
1- الشهادة الماليه اللي هي الشهادة البنكيه اللي نفس اللي اعطيتها المعهد اللي جاك منه القبول
2- كشف الحساب ماادري والله اذا لازم مبلغ معين او لا
3- 65 مهوب هم بياخذون جوازك يحطون لك الفيزه فيه ؟ شلون يرجعونه لك عندهم الدي اتش ال مدري الفيديكس بالسفاره تروح له وتعطيه ايصالك و 65 عشان اذا خلص جوازك يرجعونه لك بهالطريقه فهمت علي :$ على فكرة 65 اذا كنت ساكن بالرياض او الظهران او جده غير هالمدن تدفع اظن 126 او شي زي كذا
نجي لسالفة المكتب ...
شف ياطويل العمر وانت على طريق التخصصي ومستشفى الملك فيصل رحمة الله على يدك اليمين وانت متجه جنوب
تجيك اشاره اللي قدام مدخل المستشفى الرئيسي ومقابل مبنى ارامكو تتعداها يجيك مول السياحيه على يدك اليمين
ادخل مواقف السوق وشف فيه صراف الراجحي قدامه بوابة اظنها رقم 2 المهم انها البوابه اللي قدام صراف الراجحي
بالماريّه البوابه محل عاليمين حق ملابس اطباء وممرضات والخ الخ والمحل اللي عاليسار حق عود ودخون والخ الخ
تدخل مع الباب يجيك محل اقمشه رجاليه بعده محل صغير اسمه الفايز للتجاره ادخل شف اسامه لبناني مدري سوري جالس يظبطك
هذا ارخص محل يمكن تلقاه بالرياض يسويها لك وبالتوفيق -
7 "
September 5th, 2010, 07:06 AM
السلام عليكم ،،،أنا خريج بكالوريوس قانون وحصلت على قبول مبدئي للدراسة على حسابي الخاص في جامعة أمريكية، فمن لديه القدرة أو يعرف معقب شاطر يستخرج لي تأشيرة دراسية من السفارة الأمريكية وحقه في الأتعاب محفوظ ، ،
لأنني في الحقيقة لا أعرف شيء عن إجراءاتها ، حتى إن المعلومات التي حصلت عليها في الموقع غير كافية ،
أرجو المساعدة في أسرع وقت ممكن ، أخوكم فايز 44 26 88 5 5 5 0