استفسار أرسل ملفك لوزارة التعليم العالي واضمن الالتحاق !

كلام جرايد
1- توكل على الله
2- الالحاق توفيق من الله
3- انت وواسطتك

اذا انت من الرياض او قريب منها مر على الوزارة وتأكد منت خسران شي .......

والله ياخوي انك سبقتي على سؤالي ..


انا صار لي شيء في الوزاره يوم الأربعاء الماضي .. وعطوني نموذج خاص بطلب الألتحاق بالبعثه .

وقالولي عبء النموذج هذا ... وجبه لنا بعد العيد ..!!!


علشان كذا انا محتاااار حتى الآن .! ما أدري وش المقصود فيه بالظبط .؟؟؟


انتظر إجاباتكم يا شبااب ...

الحيره والوسوسه لاعبه فيني لعب ..




تحياتي ،،،

السلام عليكم


بما انك سميي انا بقولك
انا الحين لي ٣ شهور بامريكا واقلوك وش صار معي او اللي صار مع الشباب علشان تكون بالصوره

اذا كنت مانتب مبتعث من الوزاره اهم شي ... امــــر الاركــــــــاب ... اذا تعرف احد بالوزاره ولا من هنا ولا من هنا اهم شي تجي معك امو اركاب لو احد ياخذ فلوس ويطلعه لك لو يبي عطه ١٠ الالف .. تبي تقولي ليش ؟ اقولك امر الاركاب يعني انت مبتعث ٩٩.٩٩٪ ايضا تبي تقولي ليش ؟ اقولك انا جيت لامريكا بدون امر اركاب ولا اي شي واول ماوصلت المطار وقالبلت سواق الملحقيه سالني ..هل معك امر اركاب ؟؟ قلت له لا قلي خذ هذي الاوراق وعبها ورح للفندق ونمرك بكرا وناخذ الاوراق منك ولا ناخدكم للملحقيه ... واللي كان معه امر اركاب عطاه اوراق زيادة وقاله هذي تعبيها كمان (( الاوراق الزيادة هي اوراق الصادر وطلب صوره من امر الاركاب )) تبي تقولي وشو الصادر اقولك رقم صادر ملفك من الملحقيه للرياض بالوزاره .. يعني ملفك رايح للوزاره خلاص امورك طيبه.. اهم مرحله بالالحاق خروج ملفك من الملحقيه للوزاره.
وخلني اكمل لك وش صار معي بالملحقيه الصبح .... دخلنا الملحقيه وقالو لنا اللي مبتعث ومعه امر اركاب يجلسون هنا واللي مامعه شي يجلس هناك. وشرحو لنا وش لون نعبي الاوراق اللي عطونا والاوراق المطلوبه وقالو سلموها وكل واحد يروح لمدينه دراسته وبعد ٧ ايام عمل بالكثير توصل لكم ارقام ملفاتكم (( رقم الملف هذا فقط ان تكون الحكومه موافقه انك تدرس علی حسابك الخاص وتكون الملحقيه تدري عنك .. وهذا الرقم اللي اذا صرت تعرف احد بالرياض واسطه يخلي الوزاره تطلب رقم ملفك من الملحقيه انها ترسله للرياض )) ولا فيه اللحاق لمی تخلص ٣٠ ساعه بكالوريوس ولا ٩ ساعات ماجستير وقالنا العريني تراني جاد ولافيه شي يلوح لنا بالافق ان فيه شي قريب لان بعد مكرمه الملك جا الی الان ١٤٠٠ طالب . وانا طلعت من الملحقيه علی طول علی المطار وسافرت .
اللي معهم امر اركاب وش صار معهم ؟؟؟ عطوهم رقم صادر لملفاتهم للرياض وبعد اسبوع او اسبوعين طلع قرار اللحاقهم ودفعو لهم فلوس المعهد وراتب وكل شي .
اخوياي يوم وصلت مدنتي وصلت لهم ارقام ملفاتهم بعد اسبوع او اقل اللي مامعه امر اركاب ولا شي يعني زيي
انا جلس شهر ماطلع لي رقم ملف ولا اي شي واكلمهم ونشب لهم نشبه ايميلات ومكالمات لمی عطوني رقم ملف.
وانا ماعرف احد بالوزاره ولا شي
وواحد من اخوياي بالمعهد جاي معه امر اركاب ويعرف واحد بالوزاره وقالي ارسل اوراقك لخويي بالرياض وما عليك
وولله وارسل اوراقي وقالي وانا والله ماكان عندي امل واجد وبعد اسبوعين يطلع قرار ابتعاثي الحمد لله
وباقي الشباب اللي معي الی الحين ماصار لهم شي وكل ماقالو للملحقيه ارسلي اوراقي قالت الملحقيه كمل ٣٠ ساعه بالجامعه وخلص اللغه علی حسابك وبعدين نرسل اوراقكم .

هذي القصه واللي جالس يصير هنا
اتمنی انك استفدت