مساعدة بالنسبه لـضمان المالي من الملحقية Financial Guarantee

November 18th, 2010, 10:14 PM

السلام عليكم ..
اخواني انا طالب بالجامعه وصارلي سنتين ادرس بالجامعه على حسابي الخاص ..
ظهر اسمي في الجلسه رقم 81 .. واللي صار اني انتظرت وكلمت الملحقيه وجلست اراكض وراهم
لحتى عطوني الـ SACM ID .. الموهم انو ماعطوني اياه الا قبل شهرين .. ومشى لي راتب من عندهم والحمد لله
وارسلوا لي بطاقة التأمين .. وحتى صرت انا ادفع للجامعه شهريا وتوني اليوم مسدد اخر قسط للجامعه وكله من راتبي حق الملحقية ..
طبعا انا حاولت اكلم الملحقيه كذا مره في هذي الفتره بس للاسف ماردوا علي الا الاسبوع اللي راح ..
واللي يقهرني انهم مزعجيني بالرسايل بالايميل تم تغيير الادفايزر حقك وتم صدور قرار وتم وتم < طيب انا لما ادق عليكم مالي رب ؟
الموهم اني كلمت الادفايزر حقي وحولني على واحد اسمه عبدالله مصري الجنسيه .. وقالي ان الضمان المالي صادر من شهر August اللي طاف .. فقلت طيب والعمل ؟ قالي بارسله لك بالايميل وانت سوله طباعه بعدها روح واعطيه الجامعه .. قلت له اوكي وارسله له ماقصر وانا معه على التلفون يتاكد اني استلمته ..
ولما شفته طلع الدقري اللي مكتوب بالضمان المالي انو انا باقي بالـ ESL وقلت له اني انا طالب بالجامعه من سنتين اكاديمي .. وقال هو لا عادي بس عطهم ولا عليك .. قلت متاكد ماراح يأثر على حاجه ؟ قال ايه قلت خلاص الله يعطيك العافيه ...

الحاصل اني وديته للجامعه وقالولي انت طالب في ESL قلت لهم لا انا طالب اكاديمي وصارلي سنتين ادرس .. قالولي طيب الضمان المالي مكتوب انك بالمعهد ESL قلت لهم اني قلت هالكلام للملحقيه وقالولي هذا الضمان يشمل حتى الجامعه بشكل كامل ..

اللي صار الان انهم خذوا الضمان ولازلت ادفع من جيبي انا عارف ان هالسميستر دافعه دافعه من جيبي الله لايعوق بشر وان السميستر الجاي ان شاء الله بيكون على حسابهم ..

لكن المشكله اني اللحين افكر بسالفة ESL Degree على اني لما كلمت الملحقيه وعلمتهم اني انا اساسا طالب اكاديمي قالولي تروح للحكومه الالكترونيه وتغيرها من هناك تحط سكان من الـ Verification Letter من الجامعه موضح فيه انك طالب عندهم وموضح فيه الـ GPA وراح تتحول اتوماتيك .. قلت اوكي وسويت اللي قالي .. لكن ارسلولي رساله مكتوب فيها انهم رفضوا طلبي بسبب اني باقي طالب بالـ ESL ؟؟

ادري طولت عليكم لكن اتمنى احد يفيديني يكون عنده خلفيه عن هذا الوضع لان حتى الضمان المالي بينتبهي في 02/18/2011 .

ترا تعبت مع هالملحقيه انا بالمختصر طفرت واللي كان معي بالاساس كان حق سنتين وزياده واللحين مع الراتب حقي يعني سميستر واحد وبعدها خلاص باكون على الحديده .. والله لو بابقى على هالحال رجعت السعوديه لان الميزانيه ماااره ماتسمح ..

انا متفائل بالخير دايم ونظرتي ايجابيه .. لكن مالقيت الاشخاص اللي يساعدوني بهالخصوص لان الملحقيه يحذفوني من ادفايزر لادفايزر ومن شخص لشخص والله انها فوق الست مرات كل شوي يقولون لي ان الادفايزر حقك تغير واللحين صار فلان ..


اتمنى الافاده باسرع وقت ممكن ...

• نشر عبر تويتر
• نشر عبر فيسبوك
• نشر عبر جوجل