أفضل المكاتب التي تقدم الخدمات للراغبين بالدراسه خارج المملكه ؟

هلا اخوي في مكتب اسمه مدار التقدم بالرياض في واحد سوداني اسمع د. حاتم وهم في هندي ايمه آجي

يمدحونه وانا شخصيا قدمت اوراقي عليه
وانا مقدم على قبول ماستر والماستر معروووف صعب الى ابعد درجة قبوله اذا ماعندك توفل ولا جيمات وياما ناس عانت

اممم جاب لي قبول في شهرين ماستر طبعا اما بكلوريس ما اتوقع ياخذ اكثر من 3 اسابيع او شهر اهو ياخذ 1000 ريال على شغله وياخذ بريد ارسال لامريكا 250 ريال
انا كلفني يمكن 1800 لانو احتجت ارسل اوراق زيادة
والله يوفقك انشاء الله

ابوفيصل
اخووووووووووووي
انا رحت لكذا مكتب بالرياض وطردوني لأن معدلي مره منخفض وانا ابي قبول للماجستير من امريكا
وبعد عناء لقيت مكتب والحمدلله ربي وفقني وسهل امري وجابوا لي قبول خلال شهر تقريبآ
قدمت عليهم اوراقي في 4- 9 -2010 واحسب حسابك لعملية ارسال الاوراق
ويوم 16-10-2010 وصلني قبول الجامعه ومن خلالهم جبت قبول معهد خلال عشر ايام
والحمدلله بعد كذا برضو تسهلت اموري في السفاره وحصلت على الفيزه خلال اسبوعين
وانشالله بطلع في منتصف شهر فبراير 2011 والله يسهل اموري وامور كل مبتعث ويوفقنا

عمومآ يااخوي أنا تحت أمرك باللي تبي من الألف الى الياء ,, وماابي منك سواء الدعاء وانا اخوك
وان حبيت تتواصل معي لجل اعطيك عنوان المكتب انا مستعد بس راسلني على الخاص
لاني أخاف أخالف قوانين المنتدى
وتقبل مروري

musical sense - حزن-النبلاء
شكرا على المعلومات وعلى المرور الاكثر من رائع

شباب يعطيكم العافيه
ما ادري هل المكتب يأمن السكن ام لا ؟
وهل دفع تكلفة الدراسه تكون عن طريق المكتب او عند الوصول وكذلك تكلفة السكن ؟
ارجو الافاده وشكرا

تكاليف الدراسة اذا جيت تدفعها للمعهد على حسب البرنامج مثلا تدفع حق المستوى الواحد بالبداية واذا خلصت المستوى وبتبدا المستوى اللي بعده تدفع يعني كل مستوى لحاله تدفعه من المعهد
والسكن انا انصحك تبحث بالنت و احد تعرفة في الولاية نفسها
اول شيئ اعرف وين موقع دراستك وبعدين ابحث في الاماكن قريبه عن سكن عن طريق القوقل ماب

أخي /حزن - النبلاء
بالتوفيق لك وللجميع انشاء الله
اذا ماعليك امر احتاج اسم او عنوان المكتب اورقمه
مااقدر ارسل لك خاص لان مشاركاتي قليلة
واعتقد ان ذلك لايخالف قوانين المنتدى بما انه يفيد الجميع
وشاكر لك

ابشروا واتمنى مااكون خالفت قوانين المكتب
المكتب في الرياض اسمه ( الشرق العربي ) في شارع الضباب
يعني لما تجي مع شارع الضباب وتكون مدينة الملك فهد الطبيه على يمينك وبعدها مطعم ماما نوره بتقابلك اول اشاره
تتعداها اطلع على طول بتجيك الاشارعه الثانيه وبيكون فالزاويه على يمينك ماكدونالدز ادخل مع الاشاره يمين
بعدين راح يجيك اول ( يو تيرن ) أتركه ثاني ( يو تيرن ) أرجع معه وامش تقريبآ 100 - 200 متر وبتحصله على يمينك
لوحته بيضاء والاسم والشعار باللون الاحمر والاسود
طبعآ لما تدخل المكتب راح تحصل سودانيين وسعودي ... رح للسعودي وقله أنا مرسلني لك / سلطان اللي جاب قبول للماجستير
وهو بيعرفني .. وانشالله يقدر يتوصى لك في امر القبول
اتمنى أني قدرت أفيدك .... وانا تحت امركم في اي شي تحتاجونه
والله يوفق الجميع بإذن الله

اخي وعزيزي سلطـــــــــــان
اسال الله رب العرش العظيم ان يوفقك ويسهل امرك وامري
ماااقصرت الله يعطيك العافيه

قدم عن طريق مكاتب كنديه في كندا نفسها احسن لك يعرفون بالوضع احسن و بصراحه اسعارهم ارخص كثير من مكاتب السعوديه

و اذا صار شي غير ما اتفقت عليه طبيت عندهم واتفاهمت معاهم

كلم هذا الرقم 6047222641 وحده اسمها راويه الغامدي

هي الي قدمتلي قبول معهد و جامعه و بصراحه كل شي كان تمام

مكتب السعوديه طلب مني سته الاف ريال بما يعادل 2232 دولار
و هي اخذت مني 250 دولار فقط لا غير