اخوي جاي على حسابه.. هل يمر على الملحقية في واشنطن؟

أنصح اخوك يمر على الملحقية يسلم ملفه بنفسه لأن الملحقية صعب التواصل معهم. أهم شي يتأكد ان الملحقية مداومين في اليوم الي رايح فيه و في الغالب يخلص في نفس اليوم مجرد تسليم أوراق لأنه مو مبتعث (إلا إذا كان معاه أمر إركاب يقولون إن أمر الإركاب يعطيك معاملة خاصة في الملحقية! لكن هذا كلام الشباب في المنتدى مو تجربة شخصية). إذا انه منزل مواد جامعية فإن شاء الله فرصته في الإنضمام أكبر بس خليه يأكد على الملحقية يرسلون ملفه في أقرب فرصة.
النماذج و المتطلبات موجودة في موقع الملحقية خليه يعبي نموذج فتح ملف طالب على حسابه الخاص و أيضاً نموذج ملف مبتعث عشان يختصر على نفسه لما يلحق ان شاء الله. ولا ينسى يرفق درجات التوفل (الرسمية) و لو عنده جدول المواد يكون تمام. إذا ما عنده ممكن يكمل الباقي بعدين مع المشرفة. لكن أهم شي تكون أوراقه الأساسية مكتملة عشان يقدر يعرف من يشرف عليه و يفتح ملف.

حسب نصائح الاخوان أن يمر على الملحقيه و لو كان على حسابه الخاص لفتح ملف ويكفيه يوم واحد في واشنطن واذا هو قادم على السعوديه في الغالب يتم استقباله في المطار من قبل سائق الملحقيه(عاده رحلات السعوديه يتوقعون وصول طلاب عليها لذا هم يتواجدون هناك) ومن ثم يأخذون الطلاب الى الفندق وعلى حساب الطالب و يئمنون المواصلات من الفندق للملحقيه وربما للمطار للمغادره لولايتك اتي تدرس بها- بخصوص الظم هناك نظام ال 30 ساعه لكن في الغالب يتم تجاوزه يعتمد على مراجعة الشخص وجهد الاهل هنا في السعوديه مع الوزاره وأن شاء الله الامور تتسهل. امل ان اكون قد افتك حسب ما لدي من معلومات وليس من تجربه لاني مغادر لواشنطن ان شاء الله 26 يناير وسوف اكتب تجربتي الفعليه مع الملحقيه والسلام

والله انا خويي رايح على حسابه ومر على الملحقية ما اخذ يوم وخلص كل شي ..

وانا رايح برضوا وبمر ..

ياريت تقولي متى رحلت اخوك .. ؟!

تحيآتي ..

الافضل عشان ينظم بالابتعاث

ولا ينسي يعبي نموذج الانضمام للابتعاث خادم الحرمين ....