استفسار لمن يملك الخبرة .. استفسار في مسألة الإلتحاق

السلام عليكم
موضوع استخراج الفيزا - اذا عندك اي توني شوف المبلغ الي مسجل فيه وحاول تستخرج شهاده بنكيه تعادل المبلغ والافضل يكون اكثر
اما امر الاركاب - راح يساعدك على الاتحاق بالبعثه باسرع وقت ليه ؟ لا تسال هم يبون كذا
ال 30 ساعه - اولا الساعات المطلوبه ليست لغه ساعات اكاديميه يعني بعد ما تخلص اللغه سواء بعد شهر او سنه لازم تخلص 30 ساعه في الجامعه يعني ما يعادل سمسترين على الاقل
اما سالفة المشرف الاكاديمي - من المفترض بما انه مشرف انك ترسل له كل فتره كشف دراجاتك لكن بما ان التسيب متواجد عندنا في الملحقيه الي ما ادري وش تبي المشرف ما له دخل ولا راح يدري عن درجاتك ولا غياباتك الا اذا عزم انه يرسل ملفك للرياض
الرجوع للسعوديه - اولا انت مفكر شي بعيد اسالني ليه لانك اذا تبي تطلع من امريكا لك اجازه محدده تكون فيها خارج امريكا وهي تقريبا مو متاكد اقصاها 4 شهور واذا ما رجعت راح تتكنسل فيزتك وطبعا قبل لا تطلع من هنا راح يطبع لك اي توني جديد علشان تدخل فيه
الزبده انك تقول لهم بطلع اجازه لمدة 4 شهور ويعطيك الموافقه وترجع السعوديه واذا ما جات مكرمه راح تضطر انك تكمل على حسابك

اتمنى اني وضحت لك النقاط الي طلبتها وانا في خدمتك في اي اساله ثانيه
تحياتي

الشهادة البنكية ماهي ضرورية كثر كشف الحساب
امر الاركاب اهو الوسيلة الوحيدة لضمان البعثة من قبل دخولك بلد الابتعاث
ال30 ساعة راح تخلصها في مدة مستحيل تقل عن سمسترين او سنة حسب نظام الجامعة الي تبي تروح لها << طبعا هذا اذا كنت شاد حيلك ومكرس نفسك للدراسة والنوم فقط !!
المشرف الدراسي = ماحد حولك ,, راح يستقبل منك فتح ملف طالب على حسابه الخاص وبعدها ينساك يالغالي
بالنسبة للرجوع للسعودية بعد البعثة ,, عندك 3 شهور اذا ماتجيب ختم دخول راح يتوقف الصرف لاشعار اخر

تحياتي وان شاء الله ساعدتك