خلاص هو جواب واحد يا نعم او لا :(

ما اعتقد أن الخطاب وصل لـ ابو متعب ..
لان ابو متعب الله يقومه بالسلامة عمل عملية ثانية ..
ومستحيل يوصولون له االخطاب وهو في هذا الوضع ..
وحتى لو وصل , الامر يحتاج الى وقت ما هو بهالسهولة الي متصورها !!
لكن نقول ان شاء الله في الفترة الجاية نسمع اخبار تسّر الجميع ..

خلها على ربك ياخوي

انا من الناس الي بصراحه جنيت بسبب الالحاق
يعني كم يوم او كم اسبوع لو ماجاني شي اخر فيوز بعقلي بيفصل وبجن صج

اتوقع والي متابع المنتدى وهالقسم خاصه يشوفني على طول موجود
واسمي موجود على طول بالمنتدى وكل موضوع ينزل انا اقراه على طول وخاصه الي بهالقسم

والله يا اخواني صار لي من وصل الملك وانا مو قادر انام زي العالم والناس
مو قادر اطلع وياربعي مو قادر اكل مو قادر اذاكر
خلاص تفكيري صار كله بالمكرمه وبالالحاق استنى كلمه وحده تطمني وتقول لي نام وانت مرتاح علشان يرتاح قلبي

والله كل يوم احس روحي خلاااص الامل راح يضيع وبرجع السعوديه وانا منزل راسي والكل يطالعني ويقول لي شوف ضيعة على عمرك كل شي

والله نفسيتي تعبانه لا بقاادر اقعد الين اخلص اللغه لان ميزانيتي ماتسمح
ولا بقادر ارجع السعوديه علشان ارتاح خايف من كلام الناس ومن خيبة امل اهلي

والله تعبت يااناس ياعالم

ابغي احد يرأف بحالي ماعندي فلوووس حراااام
مو طالب شي صعب انا طالب العلم
الحين هالاياام الي يبغي العلم ويبغي ينفع بلده طلع مصيبه ولا تقدرون عليها ؟

ليش وصلت فينا الى هالشي واحنا اعيال بلد الحرمين الشريفين وبلد البترول لييييش ليييييش ليييييش ؟

والله الحين ما أتمنى الا الهدايه من ربي وانه يصبرني

لأن احساسي يقول راح اجن او راح يصيبني شي من التفكير والتعب

ادعوا لي يا اخواني ادعوا لي ادعوا لي

أن شاء الله نسمع الاخبار الطيبة باذن الله

ما عليه شده وتهون يا جماعه والله كلنا مثل وضعك ادع ربك يا ابن الحلال .. الله اللي خلقنا واللي رزقنا والرزق نطلبه من عنده مو من غيره ادع الله انه يقوم ابو متعب ويسخرهـ لنا ..

والله القادر على كل شي..

نفس حالتك وربي كلامك يكفي ويوفي وما اظن بس انا وانت بهالحالة
اظن اغلب اخواننا واخواتنا الدارسين على حسابهم يحسون ويمرون بنفس حالتنا
الله يعين ويسهل وحاول كل ما فكرت بهالموضوع تقول
الله كريم وان شاء الله ما يضيع تعب ولا حق ولا جهد
الله يوفقنا وياك ومثل ما انت تعبت وصار هالموضوع هاجس لك انا نفس حالتك
واذا الله ما كتب الالحاق
انا شهر وبرجع بس ما راح اسكت عن حقي وحق غيري المظلومين
(المظلوم هو المواطن السعودي المسكين اللي لا هو ولا ابوه يتعاملون بالواسطة والرشاوي وغيره يعني الانسان الشريف اللي ما يرضى بالظلم لا له ولا لغيره واللي بيقولي مستحيل انك ما استخدمت الواسطة بحياتك اقوله اي نعم لان ابوي في مركز يقدر يتوسط لناس كثير وانا لما كلمته بموضوع السفر قالي لا تحرجني وتطلب مني شي انا ما بحياتي سويته اللي هو اني اتوسط لك عند احد مع اني طالع مع اخوي مو لحالي يعني كل شي اندفع كان على شخصين يعني انا حالتي اصعب من بعض الطلاب لان المبلغ اللي اصرفه شهريا للجامعة او للسكن وغيره بيكون مضاعف وانا عارف اني لو رجعت ان لا الوالد ولا الوالدة بيكونون زعلانين او شايلين بخاطرهم علي لاني جيت امريكا وكل هدفي والله شاهد علي اني ارفع راسهم وارد شوي من فضائلهم علي )
الله يسهل والله كريم والله يكتب اللي فيه الخير لي ولكل اخواني واخواتي اللي ما الحقو الى الان
اللهم يا مسهل الشديد 'ويا ملين الحديد , ويا منجز الوعيد, ويا من هو كل يوم في أمر جديد, أخرجني من حلق الضيق الى أوسع الطريق, بك أدفع ما لا أطيق, ولا حول ولا قوة الا بالله العلي العظيم .

مايحتج اكتب اللي بكتبه انت كفيت انا يمكن مثل حالك او ازود لاني بنت تاركه بيتي وزوجي وجالسه اهنا بين اربع جدارن من معهد للبيت
لانوم عدل ولا راحة بال هم في هم
حتى لو صار شي بخاطري ماشتري خايفه يجي يوم واحتاج للقرش
وعايشه على كفاف والميزانيه صفر
الدين تدينا والحاله الله يعلمها

مااقول الا الله يفرجها قريب وتسهل امورنا وانشاء الله راح الكثير ومابقى الا القليل ونلتحق جميعا

ابناء بلاد الحرمين ينتظرون الرافه
بلادنا خيرها كسح العالم وغطاها
فضل بلادنا على جميع الدول والناس
الا ابناء الوطن ما لهم شي

اخ بس اخ والله والله والله العظيم اني نفس حالتك لا ليلي لي ولا نهاري نهار
كلاااامك طالع من قللللللب

قال تعالى : ( ومن يتوكل على الله فهو حسبه )

وقال : ( انما امره اذا ارد شيئا ان يقول له كن فيكون )

وقال : ( فإن مع العسر يسرا - ان مع العسر يسرا )

وقال : ( ادعون استجب لكم )


وقيل : فلرب ضائقة ضيق بها الفتى ولها عند الله مخرج
ضاقت ولما استحكمت حلقاتها ( فرجت ) وكنت اظنها لاتفرج

اللهم اجعل لي من امري فرجا ومخرجا ..وارزقني من حيث احتسب ومن حيث لااتحسب

افوض أمري إلى الله.. إن الله بصير بالعباد
افوض أمري إلى الله.. إن الله بصير بالعباد
افوض أمري إلى الله.. إن الله بصير بالعباد

استهدوا بالله العلي القدير وتوكلوا عليه فهو حسبنا ونعم الوكيل , خلونا ننسى الموضوع بس الى بكره الصباح
-----------

وشسمه يمدحوون الحليب الدافي في ذا البرد وياااسلام لو يكون ماه حتة شابوره
والاحسن كمان انك تكون ناثر الكتب قدامك وتقرا وتاكل وتذاكر <<< الحمدلله غلبنا برت بلاس وصرنا ثلاثه في واحد مو اثنين بواحد

على طاري الكتاب والحوسه مين خلص مذاكره ؟ ومن مقابل النت وساحب على ام الدنيا