استفسار أجزم وإلا ما أجزم ؟؟

خمسين الف مبلغ حلو لو عرفت تتصرف فيه
تختار ارخص الولايات وتسكن مع عايلة ولا سكن مشاركة مع طلاب ثانيين
وتقتصد قد ماتقدر
اغلب الطلاب يجون ومعاهم نفس مبلغك انت توكل على الله

شي حلو انك تفكر بتعليمك بدل جلسة البيت لأن ماتنفع ابد
بالتوفيق

وعليكم السلام ورحمة الله وبركاتة


أخوي قبل شهر كتبت مثل موضوعك هذا وأختلفت الأراء مابين محفز ومحبط لي .

ورد علي أخوي المستشار التعليمي وقال الأبتعاث لن يتوقف خاصة بأمريكا , ولكن من المحتمل أن يطول وقت إلحاقك .

ورده هذا شجعني بصراحه .

خاصه وأني مثل وضعك لا واسطة لي إلا رب العالمين

صليت إستخاره في الليل وأصبحت عازم على تحقيق هدفي بإكمال الدراسه . وها أنا أنتظر موعدي بالسفاره لإكمال ماتبقى من أوراقي .


نصيحتي لك أخي العزيز أستخر ربك قبل كل شي وحينها قد تراء الأمور بمنظور آخر .

أسأل الله لي ولك التوفيق

تقبل تحياتي

لوسي .. لبا قلبك على المرور ,, بس وين افضل بامريكا يعني شئ جودة الدراسة تكون حلوة وايضا التكلفة قليلة
علي .. يارب تتوفق وتتيسر لك امورك وعلى قولتك الاستخارة شئ لابد منه .

( امر اركاب ) وتعال

يا عزيزي

اتوكل على ربك وهو يحلها

انت خل ايمانك بالله قوي وتعال
ثاني شي/ اذا انت اوراقك كامله تعال الان لان فيه ان شاء الله مكرمة من الله ثم من الملك اسأل الله انه يرزقنا ويرزقك

عندك ولايات الوسط وولايات الجنوب
اغلبها تمتاز بالرخص
وكل ماكانت المدينة صغيرة جامعية يكون افضل

توكلنا على الله
بس انا سمعت ان المكرمة للي بالجامعة مو بالمعهد ؟؟
صحيح هالكلام


امر اركاب؟؟ من الوزارة عادي كذا يعطوني اياه والا ويش السالف
انا رحت لمكتب مراسلات وقال حزبطك ؟؟
يعني كل الاوراق راح تكون معي من قبول معهد وجامعة وفيزة دراسية
امراركاب هذا ويش طريقته تكفى

1 - اكثر من الاستغفار
2 - استخر ربك هو الي اعلم مني ومنك
3 - بدلك على مكتب يجيبلك قبول وجامعه
4 - قبول المعهد راح يكون بمعهد رخيص جداً في ولاية كاليفرونيا في مدينة ارفاين او لوس انجلس الي تحب
5 - رسوم المعهد راح يكون 10000 عشرة الاف ريال لمدة سته اشهر ( يابلاااااااش )
6 - كذا باقي من الخمسين اربعين الف ريال
7 - تحجز طياره من الرياض ( اذا كنت بأهل الرياض ) الى واشنطون مسار واحد بـ 2500 اذا كثرت
8 - كذا باقي من الاربعين الف ريال 37 الف وخمس مية ريال
9 - يومين بواشنطون حجز فندق عشان تضبط اوراقك بالملحقيه نقول بـ 700 ريال
10 - كذا باقي 36 الف وثمان ميه
11 - تحجز على خطوط الدلتا او غيرها من الخطوط لمدينة ارفاين بولاية كاليفرونيا عشان تبدا دراستك بالمعهد الي اتفقنا عليه ( الحجز تقريبا بـ 300 ريال بالكثير )
12 - كذا باقي معنا 36 الف وخمس مية

( المبلغ المتبقي ليس بالكثير وليس بالقليل )

يعني حاول انك تختصر على نفسك بكل شي

1 - الاكل انت تطبخ بالبيت وشد على البيض خله وجبتك الرئيسيه لين يفرجها ربك
2 - ملابس خذ معك من السعوديه وحاول تروح لحي الخزان اذا كنت من الرياض وتشتري ملابس شتويه وصيفيه وتكثر من الملابس عشان تشيل من بالك انك راح تشتري ملابس بامركيا
3 - تركز على دراستك وتخليها هدف رئيسي وانك ماجيت للمتعه ولا تغير الجو
4 - اعتبر نفسك في سجن لمدة سنه ومحكوم عليك ( والفتره الي تقضيها على حسابك الخاص انت بالسجن )


ادع ربك كثير واكثر من الاستغفار ولاتمر عليك دقيقه الا انك ذاكر ربك

وصدقني ربك راح يذكرك

اتمنى لك التوفيق والسعاده