هل تريد أمر إركاب

السلام عليكم ورحمة الله وبركـآته

بسم الله الرحمن الرحيم

أنا اشششوف الكثير من الناس يفكر ويحاول انه ياخذ أمر اركاب علشان أول شي : يطلع على حساب الدولة من ناحية التذاكر يعني مجانية ، ثآني شي : يتسسهل الحاقه بالبعثه لأن معه أمر اركاااب.

طيب يا أخوان انا على كثر الي شفته من مواضيع ان كل من أراد الحصول على أمر الاركاب يتجه الى العطيه لماذا ؟؟؟؟؟؟

الوزارة بكبرها تحسسبون انه مايصدر أوامر الاركاب الا العطيه لا يا أخوان ترى بإمكان أي واحد بالوزارة يصرف لك أمر اركاب صدقني لو فراااش ويكتب تحته اسم العطيه أو اياً كان ويوديها له وهو على طول يوقع بدون مايششوف الاوراق اصلاً
انا قبل ما أجي لأمريكا حجزت على حسسابي مدري عن شي اسسمه أمر اركاب وقالو لي ناس من الشباب رح للوزارة وحاول تآخذ لك أمر اركاااب علششان يسسهل عليك الحاقك أتجهت للوزارة اقسم بالله لآ واسطتي ولا واسسطتكم لأني ماكنت ادري وش أمر الاركاب اصلاً وأتجهت للوزارة الي على طريق التخصصي ودخلت الدور الثالث بالغلط < يعني بالعقل ما أعرف شي في الوزارة أول مره في حياتي أجيها حتى العطيه كنت اسمع به على الخفيف بس المهم وطلعت باللفت مادريت الا وقف بي في الدور الثالث ونزلت ومعي شهادة الثانوي والجواز والـ i20 فقط يعني لاقبول جامعه ولا شي مع العلم ان نسبتي 76.73 واستفسرت عن أمر الاركاب وحصلت لي واحد ان شاء الله انكم ماتحصلووونه اقسسم بالله حطمني مو على مسألة أمر الاركاب على البعثه كااامله هههههههههههههه ، بس قلت ماعلي منه وهو يسسولف معي يقاله ينصحني يقول لاتروح لأمريكا الا المطوع الي من جنبي وينآظرني ويتبسم وقال وش عندك يالغالي قلت ابد انا اسمع عن أمر الاركاب وكان ودي احصل عليه < قال ابشر على خشمي < اقسسم بالله اني وقتها ماني مصدق ورحت معه وطبع لي أمر الاركاب من داخل ووقع عليه وقال لي سسم رح للفرع في حي الغدير وقص التذاكر من الطيااااار طلع من هو هذا المطووووع : عبدالله بن إبرآهيم العمآر < مدير عام الميزانية < الله يطول بعمره ويجزاه خير .

يعني يا أخوان ترى أمر الاركاب من قسم الميزانية حتى لو يصدره لك العطيه بيكون من قسم الميزانية يعني اختصرو على انفسسكم ولا تحطون في بالكم ان أمر الاركاب فقط من عند العطيه ترى العمار اقسسسم بالله مايقصر مع احد مع العلم اني يوم جيته كان يتمشى بالسسيب يعني فاضي ماكان عنده ولا احد يجيه العالم ماتدري ماتسسسسسمع الا بالعطيه ي الوزارة وأرسسلت له واحد من اخوياي قبل اقل من شهر وعطاه أمر اركاااب وراح له واحد من عيال عمي قبل كم يوم وعطاه أمر اركاب يعني الأمور على قولتهم سهالات بس الواحد لايصعبها على نفسه.

مانزلت هالموضوع يعلم الله الا من أجل الفائدة

دمتم بـــود...