مبتعث جديد New Member
الولايات المتحدة الأمريكية
MąÊšTrØ MÔóN , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى هندسة حاسب
, بجامعة باقي
- إن شاء الله LA, كالي
- السعودية
- Apr 2010
المزيدl January 3rd, 2011, 05:18 AM
January 3rd, 2011, 05:18 AM
يا اخوان انا بكتب قصتي باختصار وابغى استشارتكم بوضعي
المهم انا كنت طالع امريكا على حسابي الوالد ماقصر عطاني 50 الف ريال لأنه مايقدر يدبر اكثر منها (بايع حلاله) وقلت بروح مدينه صغيرة اسمها تالاهاسي بفلوريدا يقولون رخيصة وتكفيك ال50 الف مدة 6 شهور على امل الإلحاق بالبعثة او على الأقل كسب لغة
قبل الطلعة بفترة وجيزة اتصل صاحب البيت إليي مشترينه منه (صاحبه الأول) قال لابوي يا تسدد مديونيت البنك حقت الأرض وإلا تطلع من البيت فقلت للوالد خذ الفلوس إللي معي قال لا والله حلفت عليه ياخذه واخذها بعد تعب
لأن الوالد كان يتمنى إني اطلع ادرس برى بما ان اخواني واحد عاطل وواحد سواق والثاني تعسكر بعد ماشيب راس ابوي وعقل فكان حلمه واحد من عياله يرفع راسه فوق لكن للأسف هذا الحلم تكسر مثل الزجاج والوالد قد حاله
وصار كذاب بين رجال اول يقول ولدي بيطلع يدرس بامريكا وآخرتها عاطل وقاعد بالبيت
تعتقدون لو طلعت الرياض وقابلت وزير التعليم العالي بيضمني للبعثة او على الأقل الدكتور المسؤول عن البعثات
مع العلم ماني مختبر لا قياس ولا تحصيلي ومتى افضل وقت اروح له يكون فاضي وسمع لي
واقدر اجيب الفيزة وقبول المعهد والجامعة
ايش قولكم
ملاحظة/ النك مو تبعى لواحد من الشباب
الله يكون بعونك اخوي لكن انت عارف صدقني في كثير مثل حالتك واردى لكن املنا في الي ماتنام عينة
انت ادعي الله انه يسخر لنا ويضمون كل الي يدرسون على حسابهم
لان الاخ احمد العياف قال ان فيه بشارة خلال الاسابيع القادمة ان شالله تكون خير للجميع
تقبل مروري
de7 January 3rd, 2011, 05:27 AM
7 " لا تنتظر أحد يساعدك
أشتغل وأكرف في لو في مطعم أو أي مكان لمدة سنة كاملة وبعدها أطلع بفلوسك وخلال هالمدة السنة خذ لغة من السعودية وضبط نفسك باللغة
وبعد سنة اطلع على الجامعة مباشرة وطلع لك بطاقة ضمان اجتماعي للعمل في الجامعه بامريكا واسحب على العمل معهم وخذ لك تاكسي واشتغل عليه واصرف على نفسك وادرس في امريكا
يعني إكرف وأتعب ولا تنتظر أحد يعطيك شيء ، لأن ما أحد راح يلتفت لك أو يهتم فيك أو يهتم لأبن واحد عليه مديونية بالسعودية
الوطن غالي January 3rd, 2011, 05:39 AM
7 " هذا كان طريقي لأمريكا
ولا تجلس تقول ما أقدر وما أدري إيش
أعطيتك العلم والتجربة اللي عندي بسطرين وإنت براحتك ، تبغى تصير رجال وتحقق كلام أبوك
أو بتجلس تشحد موظفين الوزارة وآخرتها يطردوك وتحس بالذل وتجلس على حالك
فكر وأختار واحد من الطريقين
إما تمشي على كلامي
أو تجلس سنة واثنين وعشرة وإنت ما تغيرت
الوطن غالي January 3rd, 2011, 06:32 AM
7 " بخصوص ال 50 الف
أشتغل بوظيفتين
وظيفة ب 2500 ريال ويا كثرها
وظيفة ثانية على السيارة اشتغل عليها او بعربية في سوق الخضرة ولا تصرف ريال واحد لمدة سنة إلا ما ندر
وابعد عن مصاريف الجوال والملابس و و الخ
كذه أنا سويت حتى جمعت وطلعت أمريكا وما زلت في أمريكا أشتغل وأكرف وأدرس وأجمع للجامعة
ولا أذل نفسي عند أحد
الوطن غالي January 3rd, 2011, 06:34 AM
7 " وعلى طاري مافيه شغل بأمريكا ؟!
ما أدري كيف حكمت وعرفت وإنت حتى ما دخلت أمريكا؟!
واضح إنه هذا سبب البطالة بالسعودية
الشباب يبغون كل شيء يجي إلى عندهم وعندهم عذر جاهز ومسبق لكل شيء
عموماً، لمن تقول مافيه شغل، لا يكون بتشتغل بالبورصة أو في مايكروسوفت أو يكون في بالك بتلبس كارفته وتطلع للدوام بمرسيدس؟
بتشتغل عامل نظافة ، في أي محطه أو بقالة ويا ما كثرها في أمريكا مثل ما يجي البنقالي عندنا ويحصل هالأعمال ، إنت تحصلها بعد ما تبحث عنها وتضبط وضعك
هالكلام قلته لك وما أحد غيري يقوله لك وأرجو إنه فعلاً تطبقه وترفع رأس أبوك
الوطن غالي January 3rd, 2011, 06:42 AM
7 " ميسترووو موون والله ان عيوني حارت من الدموع > مابكيت رجال
المهم والله بيض الله وجه الوطن الغالي على كلامه كلامه عين الصووارب بس مانبي نبالغ نقول انك بتشتغل كذا ولا كذا
هو صح دور وظيفه وبنفس الوقت اشتغل كداد ترا وربي فيها خير
استاجر لك سياره وكدها ع الخطوط >> انا ناوي ع كذا اذا ماانظميت > الله لا يقوله
والله ان ودي ان في يدي شي انك اول من اضمه للبعثه اقل مافيها بروح معك للوزير ولا بروح ع اساس انه ن انا ولا شي
بس يخوي انت تقول باقي مامعك لا فيزه ولا شسمه قبولات يعني باقي لك شوي مشوار تصرف انت طلع الفيزه اول شي والقبولات
وبعدها انشاء الله خير
لو تروح للعطيه عند سيارته وهو خارج بعد الدوام تصرررف
تراه يقدر العطيه
فزعتك ياغريب الاوطان January 3rd, 2011, 07:06 AM
7 " بعدين احسب حساب انك بتجيه عشر مرات اقل شي يعني شهر تقريبا
انا اطق مشاوير عشان اقابله دايما وقال لي ابشر كذا مره بخلصك ولا سوا شي للحين يقول لازم ترجع امريكا وشغله امريكا صعبه ارجع من وين فلوس
فزعتك ياغريب الاوطان January 3rd, 2011, 07:07 AM
7 " 
LinkBack URL
About LinkBacks
January 3rd, 2011, 05:18 AM
يا اخوان انا بكتب قصتي باختصار وابغى استشارتكم بوضعيالمهم انا كنت طالع امريكا على حسابي الوالد ماقصر عطاني 50 الف ريال لأنه مايقدر يدبر اكثر منها (بايع حلاله) وقلت بروح مدينه صغيرة اسمها تالاهاسي بفلوريدا يقولون رخيصة وتكفيك ال50 الف مدة 6 شهور على امل الإلحاق بالبعثة او على الأقل كسب لغة
قبل الطلعة بفترة وجيزة اتصل صاحب البيت إليي مشترينه منه (صاحبه الأول) قال لابوي يا تسدد مديونيت البنك حقت الأرض وإلا تطلع من البيت فقلت للوالد خذ الفلوس إللي معي قال لا والله حلفت عليه ياخذه واخذها بعد تعب
لأن الوالد كان يتمنى إني اطلع ادرس برى بما ان اخواني واحد عاطل وواحد سواق والثاني تعسكر بعد ماشيب راس ابوي وعقل فكان حلمه واحد من عياله يرفع راسه فوق لكن للأسف هذا الحلم تكسر مثل الزجاج والوالد قد حاله
وصار كذاب بين رجال اول يقول ولدي بيطلع يدرس بامريكا وآخرتها عاطل وقاعد بالبيت
تعتقدون لو طلعت الرياض وقابلت وزير التعليم العالي بيضمني للبعثة او على الأقل الدكتور المسؤول عن البعثات
مع العلم ماني مختبر لا قياس ولا تحصيلي ومتى افضل وقت اروح له يكون فاضي وسمع لي
واقدر اجيب الفيزة وقبول المعهد والجامعة
ايش قولكم
ملاحظة/ النك مو تبعى لواحد من الشباب