استفسار إللي عنده قبول معهد فقط, يقدر يفتح ملف في الملحقية؟وإذا جأت المكرمه هل تتوقعون يضمونه

اخوي لحد الان مالنا علم بكيف بتكون المكرمة

ولكن الملحقية تعطيك فترة لاكمال ملفك

فيه بعض الجامعات تشترط تاخذ اللغه بمعهدها والبعض لا

اذا كان فيه جامعه توافق عليك بدون تدرس بمعهدها فهذا تمام

واذا لا لما تجي امريكا تقدم على معهد وجامعه وتغير فيزتك من امريكا

بالتوفيق

السلام عليكم ورحمة الله وبركاته
مرحبتين اخوي Aramco_2009
من ناحية المكرمة والله ماعندي اي معلومة عنها اذا كان يشملك ولا لا لكن انشاء الله ابومتعب مايقصر نقول راح تشملك بإذن الله
ومن ناحية قبول الجامعة عايدي تقدر تجي انت هنا بأمريكا وتقدم على قبول جامعة بأي جامعة تريد وانت ماشي بدراستك اللغة وبرضوه راح تكون فاتح ملف بالملحقية عايدي ومتى ماجاء قبولك تزود الملحقية بصورة منه ومن ناحية الجامعات اللي يقولون عنها الاخوان انه لازم تدرس بمعهدها ما اتوقع انه كذا كل جامعة مادرست فيها راح تطلب منك درجة توفل محددة اذا جبت الدرجة المطلوبة من الجامعة اللي مقدم عليها راح تدخل دراسة اكاديمية مثلك مثل اي طالب وأصلا راح يعلمونك كم الدرجة المطلوبة منك في القبول اذا جاك انشاء الله
طبعا كل ما استعجلت في القبول الجامعي افضلك من ناحية انك تكون مرتاح نفسيا ويطيح همه ومن ناحية الملحقية يكون ملفك كامل علما بأن فيه شباب جاهم الحاق وماعندهم الا قبول لغة فقط طبعا بواسطة اتوقع
موفق

souleyes و المستقبل

الله يعطيكم ألف عافيه و يجزاكم بالخير

و الله إنكم ريحتوني وأسأل الله العلي القدير أن يوفقكم

هلا ومرحبا ..

بخصوص سؤالك ,,, حاول انك تجيب قبول مشروط من اي جامعه ..


مثلا اذا انت في معهد اي ال اس ... هناك مئات الجامعات بتعطيك قبول مشروط

يعني حاول انك تطلع القبول باسرع وقت وتقدمه علشان يكتمل ملفك عند الملحقيه



فالك التوفيق

الله يسهل امرك

طيب ياشباب الي ملفه كامل بالملحقيه ..ورجع السعوديه .. ونشب للوزارة لين عطوه اركاب ...> وباقي مهموم
وشايل هم الدنيا ؟

السلام عليكم ورحمة الله وبركاته

أخواني وأخواتي

أنا أموري كلها تمام. عندي قبول معهد فقط و حصلت على الفيزه.

بس فيه واحد من الشباب قال لازم تجيب قبول مشروط على شان تنضم للملحقية بسرعه إذا جأت المكرمه من الملك عبد الله أطال الله في عمره.
إذا حصلت قبول مشروط وش الإجراءات إللي لازم أسويها؟ هل فيه شيء راح أغيره في الفيزا وأي شيء ثاني؟

القبول إللي عندي من معهد. بس هذا المعد ما له جامعه.
سؤالي في جامعه ممكن تعطين قبول مشروط بنائاً على قبول المعهد إللي عندي.
سامحوني أنا عارف إن الدعوه فيها لخبطه بس
محتاجين مساعدكم
ولي عنده توضيح أرجو إنه يوضح لي.[/QUOTE]

أخـــوي على فكرة اذا انت بتجي بتدرس في معهد مو تابع للجامعه مو مششكلة بس المهم ان الجامعه الي بتجيب منها قبول على حسب علمي انها لازم تكون بنفس الولاية ماتكون بولاية ثانية < لآن اذكر واحد من الشباب نفس الشي كان معه قبول معهد ولا معه قبول جامعه جاء لامريكا وقالو له الملحقية جب لنا قبول جامعه جاب لهم في ولاية ثانية ونزلت المكرمة الأخيرة وقالو له مانعطيك الضمان المالي الا اذا نقلت ودرست في اي معهد في نفس الولاية الي الجامعه فيها

الله يوفق الجميع