استفسار عــااااجل .. أخواني المبتعثين أرجوا الرد على إستفساري هذا بخصوص الدراسة بأمريكا ..؟؟

السلام عليكم ورحمة الله

وعليكم السلام ورحمه الله وبركاته


أنا مهندس عادل وأرغب في الدراسة الماجستير في أمريكا ولدي بعض الاستفسارات أرجوا من الله ثم منكم الرد على رسالتي هذي لمن لديه الخبره ولكم مني جزيل الشكر ..

حياك الله اخوي عادل والف نعم فيك

ماعليش قفلنا يا الغاالي ما عاد نقبل احد << هههه امزح اموح

زين ما تسوي والله يا خوي والله يوفقك وييسر لك امرك

وعقبال ما تحصل على الماستر والدكتورا

اتمنى افيدك لو با القليل


1- بالنسبة للمبلغ المالي هل تنصحوني ببنك معين اودع فيه فلوسي بحيث يسهل علي سحبها في امريكا وفتح حساب هناك في بنوك امريكية .. وأي بنك تنصحوني به .؟؟


بخصوص المبلغ والبنك

خذ الي يكفيك لفتره من 4000 الى 6000 دولار

واعتقد كثير حيل بعد اذا كنت مرتب وضع السكن من هنا

واذا وصلت تفتح حساب باي بنك ويحول لك من اخوانك الفلووس ححقتك من هنا

اعتقد ان هذي افضل طريقه وهي الي بسوي انشاء الله



2- بالنسبة للمكتب أنا راسلت مكتب في جدة وفي الرياض للحصول على قبول مشروط لدراسة اللغة ودراسة الماجستير هل هناك مكتب معين او انه اي مكتب يعطيني القبول وخلاااص .؟؟


لا يا الغلاا اي مكتب لكن انصحك بمكتب ايجك .. له فرع عندك بجده

انا تعملت معه با الرياض صراحه مكتب قمه في التعامل والمصداقيه

اقدر انفعك لو تبي راسلني خااص


3- بالنسبة للمبلغ المالي الذي احتاجة في البداية بصراحة انا معي حوالي 30000 دولار هل تكفيني لتغطية نفقات المعهد لمدة سنة ورسوم الدراسة الجامعية للماجستير ..؟


30000 دولار = 112500 ريال سعودي

ما معك سلف 500 ريال
ههههههه

ياخوي انا بطلع ادرس بكالوريس والمبلغ الي معي مايجي نص المبلغ الي معك

وحط في بالك زي ما اعرف ان الي يدرس ماستر سريع جدآ الحقه با البعثه

يعني ما تاخذ انشاء الله 4 شهور الى 6 شهور با الكثير

وبحسبها لك الحين

ع حسب ولايتي انا فلودا مدينيه بيتر سبورج

12 الف ريال شهري يعني 6 شهور راح تصرف انت 72 الف ريال

ونقول انشاء تنظم في مده اقل يارب


4 - بالنسبة للتخصص أنا أرغب في دراسة ماجستير إدارة الاعمال MBA هل يتم إلحاقي بالعثة أو انهم يقولون إن هذا التخصص من التخصصات الغير مطلوبة ..؟؟


هنا ما اقدر افيدك بشي ابدآآ

غير اني ادعي لك با التوفيق انت وجميع الآخواااااااان




أخواني ارجو الرد بوجه السرعة لمن لديه خبرة في هذا الموضوع ولكم مني جزيل الشكر ..

ههههههههههههههههه الله يسعدك ياقمر ويوفقك يارب أنت واللي معك يدرسون بأمريكا كلهم ..

ومن يقول يا رب عسى دوم ها الضكه.. يارب .. انا زيك يا الغلااا اليوم استلمت قبول المعهد

باقي با الرياااض

بالنسبة للسلف لاتشيل هم عيوني لك يالغلا بس خلني اوصل امريكا بالسلامة والله يكتب كل خير ..

جعل عمرك طويل ما تقصر بس كنت امزززززززح

طيب بخصوص أمر الاركاب ( أيش هو ) .. ولازم أراجع الوزارة في الرياض عشان أخاف اوصل امريكا يقولون آآآه كان سويت وكان سويت .. تعرف إذا وصلت هناك مالي الا الله عز وجل ولا ودي اخرج من السعودية وباقي ورايه لو توقيع واحد .. انت فاهمني عاد ..؟؟


امر الاركاب وما ادرك ما امر الاركاب .. هههههههه

علمي علمك اذا تعرف احد با الوزراه يجيبه لك او ابلش لهم با الوزاره

يوم يومين ثلاث ايام اسبوع لين تاخذه